ޓިކްޓޮކްގައި މަޝްހޫރު އެކްޓަރ ޢަބްދުﷲ ޝަރީފް (ޝަރީ)ގެ ‘ސައިލެންސް އެސް އެންޓަޓެއިންމެންޓް‘ އިން ހަދާ ބިރުވެރި ވެބް ސީރީޒް “ސިހުން“ގެ ޝޫޓިން، މިދިޔަ މަހު 26ގައި ފަށައިފިއެވެ.
ޙަޤީޤީ ވާހަކައަކަށް ބިނާކޮށް ހަދާ “ސިހުން” މިއީ ދެ ސީޒަނަކަށް ބަހާލައިގެން ގެނެސްދިނުމަށް ތައްޔާރުކުރާ ބިރުވެރި ވެބް ސީރީޒެއް ކަމަށް ޝަރީ ފާހަގަކުރިއެވެ.
“މިހާރު އިން ގޮތުން ދެ ސީޒަން ނެރޭގޮތަށް. ދެން ފުރަތަމަ ސީޒަން ނިމުމަށް ފަހު އަންނާނެެ ބްރޭކެއް. ކޮންމެ ސީޒަންއެއްގަ ހިމެނޭ 06 އެޕިސޯޑް. އެޕިސޯޑެއްގެ ދިގުމިނަކީ 20 މިނެޓާއި 25 މިނެޓާއި ދެމެދުގެ ވަގުތެއް.” ވެބް ސީރީޒް “ސިހުން“ގެ މަޢުލޫމާތު ފުރަތަމަ ފަހަރަށް އާއްމުކުރުމަށް މުނިއަވަސް އާ ވާހަކަދައްކަމުން ޝަރީ ބުންޏެވެ.
“ސިހުން“ގެ ކާސްޓަކީ ފިލްމީ ދާއިރާއަށް މުޅިން އައު މޫނުތަކެއް ނަމަވެސް އެކްޓިންއަށް ކުޅަދާނަ ފަންނާނުން ތަކެކެވެ. ކާސްޓަށް ބަލާލާއިރު:-
ލީޑް – އަބްދުﷲ ޝަރީފް (ނިހާލް ގެ ކެރެކްޓަރ)
މުޙައްމަދު ޝަރްވާން – (ނިހާލްގެ ކޮއްކޮ ލިޝާންގެ ކެރެކްޓަރ)
ސަލްމާ މުޙައްމަދު – (ހުސްނާ ނުވަތަ ނިހާލް އާއި ލިޝާންގެ މަންމަގެ ކެރެކްޓަރ)
އާމިނަތު ޝަރާ – (ނިހާލްގެ ބެސްޓްފްރެންޑް އީޝާގެ ކެރެކްޓަރ)
ޝަރީ ސްކްރީންޕްލޭ ލިޔެ ޑައިރެކްޓްކޮށް ލީޑް ރޯލުވެސް ކުޅޭ “ސިހުން” ޝޫޓްކުރަނީ ހުޅުމާލޭގައެވެ. ޝަރީ ބުނީ މި ސީރީޒްގައި ބިރުވެރި ކަންތައްތައް ފެންނާނީ ފިލްމުތަކުގައި ފެންނަ ގޮތާއި ތަފާތުކޮށް، އެހެނަސް އަސްލުު ދިރިއުޅުމުގައި ކަންކަން ހިނގާ ގޮތާއި ވީހާވެސް އެއްގޮތަށް ކަމަށެވެ. ސީރީޒްގެ ކެމެރާ މަސައްކަތް ކުުރަނީ ޝަރްވާން އެވެ.
“ސިހުން” ގަ ލަވް ސްޓޯރީއެއް ނީންނާނެ. ނަމަވެސް އާއިލީ އަދި ރަހުމަތްތެރިންގެ މެދުގައި އޮންނަ ގުޅުންތަކެއް އަންނާނެ.” ސީރީޒްގެ ވާހަކަ ބިނާކޮށްފައިވާ ގޮތާބެހޭ ގޮތުން ޚުލާޞާ މަޢުލޫމާތުކޮޅެއް ހިއްސާކުރަމުން ޝަރީ ބުންޏެވެ. ޝަރީ ބުނީ މީގައި ފެނިގެންދާނީ ގެއެއްގެ ތެރޭގައި ދިމާވާ ހާދިސާތަކެއް ކަމަށެވެ.
ސީރީޒްގެ ފުރަތަމަ ޓްރެއިލަރ މިމަހު 20ގައި ނެރެން ނިންމާފައި ވާއިރު، ސީރީޒްގެ ފުރަތަމަަ އެޕިސޯޑް ރިލީޒްކުރުމަށް ނިންމާފައިވަނީ މިމަހު ފަހުކޮޅު ކަމަށް ވެސް ޝަރީ ބުންޏެވެ. ޓްރެއިލަރ ނެރުމަށް ހަމަޖެހިފައިވަނީ ސީރީޒްގެ ފޭސްބްކް ޕޭޭޖް އަދި ޔޫޓިއުބް ޗެނަލް ‘ސައިލެންސް އެސް އެންޓަޓެއިންމެންޓް‘ ގައެވެ. “ސިހުން” ދެއްކުމަށް ހަމަޖެހިފައިވަނީ ކޮން ޕްލެޓްފޯމެއްގައި ކަން މިވަގުތު ހާމަކުރަން ބޭނުންނުވާ ކަމަށްވެސް ޝަރީ ބުންޏެވެ.
‘ސައިލެންސް އެސް އެންޓަޓެއިންމެންޓް‘ އަކީ ‘ސައިލެންސް އޮފިޝިއަލްގެ ދަށުން ހިންގާ ބްރޭންޑެކެވެ.
ޢަބްދުﷲ ޝަރީފް (ޝަރީ) އަކީ ‘ޓިކްޓޮކް’ ރީބްރޭޭންޑް ކުރުމުގެ ކުރިން، ‘މިއުޒިކަލީ’ގެ ނަމުގައި ހިންގަން ފެށީއްސުރެން ގިނަ ލަވަތަކަކާއި ޑައިލޮގުތަކަށް ހުނަރުވެރި އެކްޓިންއެއް ދައްކާާފައިވާ ޓިކްޓޮކްގައި ބޮޑު މަޤްބޫލުކަމެއް ހޯދާފައިވާ އާޓިސްޓެކެވެ. ޝަރީގެ ޓިކްޓޮކް ފޮލޯވަރުންގެ އަދަދު އުޅެނީ އަށާރަ ހާހުން މަތީގައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
