“ހަވާސް ބޮޑުބެރު” ގްރޫޕުން “ސިހުރު”ގެ ނަމުގައި ކުރު ފިލްމެއް ގެނެސްދޭން ތައްޔާރުވެ، ފިލްމުގެ ޓްރެއިލަރ ވެސް ރިލީޒްކޮށްފިއެވެ.
ޔޫޓިއުބަށް ރިލީޒްކުރުމަށް ނިންމާފައިވާ އެއް ގަޑިއިރުގެ ކުރުފިލްމު “ސިހުރު” މިއީ ހަގީގީ ހާދިސާއަކަށް ބިނާކޮށް ތައްޔާރުކޮށްފައިވާ ބިރުވެރި ފިލްމެކެވެ. މި ފިލްމުގައި ފެނިގެންދާނީ ރާއްޖޭގައި މިހާރު އިޖްތިމާޢީ ވަބާއަކަށް ވެފައިވާ ސިހުރުހާހޫރައިގެ ކަންތައްގަނޑެކެވެ.
ހަވާސް ސްޓޫޑިއޯގެ މި ކުރު ފިލްމުގެ ކެމެރާ އަދި އެޑިޓިންގެ މަސައްކަތްކޮށްފައިވަނީ ތަސްނީމް ހަސަން (ތައްތި) އެވެ.
ހަވާސް ބޮޑުބެރުު ގްރޫޕްގެ ރަސްމީ ފޭސްބްކް ޕޭޖްގައި “ސިހުރު”ގެ ޓްރެއިލާ ރިލީޒްކޮށްފައިވާއިރު އެ ޓްރެއިލާއަށް އަންނަނީ ބޮޑު ތަރުހީބެއް ލިބެމުންނެވެ. ޓްރެއިލަރުން ބިރުވެރި ކަންތައްތަކެއް ފެނިގެންދާއިރު، ހަވާސް އިން ޖައްސަން މިއުޅޭ “ސިހުރު” ރިލީޒްވާނެ ތާރީޚަށް އިންތިޒާރުކޮށްލަމާ ހިނގާށެވެ. ފިލްމު ރިލީޒްކުރާނެ ތާރީޚެއް އިޢުލާނުކުރާނެ ދުވަހަކަށްވެސް އިހަށް ޖެހޭނީ އިންތިޒާރުކޮށްލާށެވެ. ހަމަ ގައިމުވެސް ލަހެއް ނުވެ އެ ތާރީޚް އެނގިދާނެއެވެ.
“ހަވާސް ބޮޑުބެރު” ގްރޫޕަކީ ބޮޑުބެރުގެ އިތުރުން ވީޑިއޯ ޕްރޮޑަކްޝަންގައި ވެސް ހުނަރުވެރި މަސައްކަތްތަކެއް އުފައްދަމުން އަންނަ ޒުވާން ގްރޫޕެކެވެ. އެގޮތުން މިދިޔަ ބޮޑު ޢީދަށް ތައްޔާރުކުރި ޢީދު ލަވަ ”ޢީދު ވެދުން“ ވަރަށް ތަފާތުވެފައި އެހާމެ ރީއްޗެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ސެޕްޓެމްބަރ 2024ޚަބަރު“ދޭދަރު ރުއިން” ފިލްމުގެ ފުރަތަމަ ޕޯސްޓަރު ދައްކާލައިފި
- 19 ސެޕްޓެމްބަރ 2024ޚަބަރު“އުދަބާނި” މިރޭ އޮލިމްޕަހަށް
- 17 ސެޕްޓެމްބަރ 2024ޚަބަރު“ބިބީ” ގެ ޓިކެޓް ވިއްކަން ފަށައިފި
- 16 ސެޕްޓެމްބަރ 2024ރިޕޯޓްބުލީގެ ޝިކާރައެއް! އެހަނަސް، މިއީ ފިސާރި ހުނަރުވެރިއެއް!
