މޯލްޑިވްސް މީޑިއާ އިންސްޓިޓިއުޓުން ފިލްމު ޝޫޓްކުރުމާއި އެޑިޓިން ދަސްކޮށްދޭ ވޯކްޝޮޕެއް އޮންލައިންކޮށް ބާއްވަން ނިންމައި އެކަމަށް ކުރިމަތިލުމުގެ ފުރުޞަތު ހުޅުވާލައިފިއެވެ.

މޯލްޑިވްސް މީޑިއާ އިންސްޓިޓިއުޓުން ކޮށްފައިވާ ޕޯސްޓެއްގައި ބުނީ މިއީ އޮންލައިންކޮށް އެތަނުން ހިންގާ މިފަދަ ފުރަތަމަ ވޯރކްޝޮޕް ކަމަށެވެ. މި ވޯކްޝޮޕްގައި ބައިވެރިވުމަށް އޮންލައިންކޮށް ފޯމު ފުރިހަމަކުރުމަށްފަހު މިމަހު 20ގެ ކުރިން މޯލްޑިވްސް މީޑިއާ އިންސްޓިޓިއުޓަށް ފޮނުވުމަށް އެތަނުން އެދެއެވެ.

ކޯހުގައި ބައިވެރިވުމަށް ފުރަންޖެހޭ ފޯމު:-

https://docs.google.com/forms/d/1LEBQyAHzdzpWN4TmlwmhmViydMqQZRvM4Hkh5qQTnX4/edit

މިއީ ކޮލިޓީކޮށް ޓެލިކިލާސް ކޮންޓެންޓް ތައްޔާރުކުރުމަށް ބޭނުންވާ މުދައްރިސުންނަށް، ފްރީލާންސްކޮށް ވީޑިއޯ މަސައްކަތްކުރަން ބޭނުންވާ ފަރާތްތަކަށް، ކުދި ވިޔަފާރިތައް ހިންގާ ފަރާތްތަކުން އެމީހުންގެ ވިޔަފާރި ޕްރޮމޯޓްކުރުމަށް، ޔޫޓިއުބް ޗެނަލް ހިންގާ ޒުވާނުންނަށާއި ސްކޫލް ޗުއްޓީ ދުވަސްވަރު ފުރާވަރުގެ ކުދިން ފައިދާހުރި ހުނަރެއް ދަސްކޮށްލުމަށް ރަނުގެ ފުރުޞަތެއް ކަމަށް މޯލްޑިވްސް މީޑިއާ އިންސްޓިޓިއުޓުން ބުނެއެވެ.

ކޯހުގެ ފީއަކީ 200 ރުފިޔާއެވެ. އިތުރު މަޢުލޫމާތު ހޯދުމަށް 3000340 ނުވަތަ 3000376 އަށް ގުޅުމަށް އެތަނުން އެދެއެވެ.

މޯލްޑިވްސް މީޑިއާ އިންސްޓިޓިއުޓަކީ 2015 ވަނަ އަހަރުން ފެށިގެން މީޑިއާގެ ދާއިރާއަށާއި ކްރިއޭޓިވް އިންޑަސްޓްރީން މީހުން ބިނާކުރުމަށް ޕަބްލިކް ސާވިސް މީޑިއާ އިން ގާއިމްކޮށް ހިންގަމުން އަންނަ މީޑިޔާ އިންސްޓިޓިއުޓެކެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: