ބޮލީވުޑްގެ މެގަ ސްޓަރ އަމީތާބު ބައްޗަންް ކޮވިޑް-19އަށް ނައްސިވުމުން ހޮސްޕިޓަލުން ދޫކޮށްލައިފި ކަމަށް އަމީތާބުގެ ދަރިފުޅު އަބީޝެކް ބައްޗަން ބުނެފިއެވެ. ‘ބިގް ބީ’ ދޫކޮށްލުމުން މިހާރު ގޭގައި އަރާމުކުރަމުން އަންނަކަމަށްވެސް އަބީޝެކް ބުނެއެވެ.

“އަހަރެންގެ ބައްޕަ ކޮވިޑް-19 އަށް ނައްސިވުމުން ހޮސްޕިޓަލުން ދޫކޮށްލައިފި. ބައްޕަ މިހާރު ހުރީ ގޭގައި އަރާމުކުރަންް. އެންމެންގެ ހެޔޮ ދުއާއާއި ހެޔޮއެދުންތަކަށް ޝުކުރުވެރިވަން.” އަބީޝެކް ކޮށްފައިވާ ޓްވީޓެއްގައި ބުންޏެވެ.

އަބީޝެކް އިތުރަށް ބުނީ އޭނާ ކޮވިޑް-19 އަށް ފައްސިވެފައިވާތީ ހޮސްޕިޓަލުގައި ހުރެގެން ފަރުވާ ހޯދަމުން އަންނަކަމަށެވެ.

“ނަސީބު ދެރަކަމުން، ކޮވިޑް-19 އަށް ފައްސިވެފައިވާތީ އަހަރެން މިހުރީ ހޮސްޕިޓަލުގައި. އަހަރެންގެ އާއިލާއަށްޓަކައި ހެޔޮ ދުއާކޮށްދިން ހުރިހައި ފަރާތްތަކަށް އަދިވެސް އެއް ފަހަރު ޝުކުރުއަދާކުރަން.” އަބީޝެކްގެ ޓްވީޓުގައި ވެއެވެ.

ކޮވިޑް-19 އަށް ފައްސިވެ، ހޮސްޕިޓަލުގައި އަމީތާބު އެޑްމިޓްކުރީ ޖުލައި 11 ވަނަ ދުވަހުއެވެ.

ބޮލީވުޑް އެކްޓަރ އައިޝްވަރިޔާ ރާއީ ބަޗަން އާއި އޭނާގެ އަންހެން ދަރިފުޅު އަރަދްޔާ ބަޗަން ކޮވިޑް-19ން ރަނގަޅުވެ ހޮސްޕިޓަލުން ދޫކޮށްލީ މީގެ ފަސްދުވަސް ކުރިންނެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: