މޮޑެލްކުރުމާއި ފިލްމީ ދާއިރާގައި ހަރަކާތްތެރިވަމުން ދިޔަ ބޮލީވުޑްގެ ތަރި ސަނާ ޚާން އެ ދާއިރާ ދޫކޮށްލައި ﷲގެ އަމުރުފުޅުތަކަށް ފުރިހަމައަށް ތަބާވެ އިންސާނިއްޔަތަށް ޚިދުމަތްކުރުމުގައި ދެމިހުރުމަށް ނިންމައިފިއެވެ.
ރިއަލިޓީ ޝޯ ‘ބިގް ބޮސް’ ގައި ވެސް ހަރަކާތްތެރިވި ސަނާ، ފިލްމީ ދާއިރާ ދޫކޮށްލިކަން ހާމަކުރީ މިދިޔަ ބުރާސްފަތި ދުވަހުއެވެ. އޭނާގެ އިންސްޓަގްރާމު މެދުވެރިކޮށް އެ ޚަބަރު ހިއްސާކުރަމުން ސަނާ ބުނީ މިހާރު އޭނާ ބޭނުންވަނީ އިންސާނިއްޔަތަށް ޚިދުމަތްކުރުމަށާއި ޚަލްޤުކުރެއްވި ފަރާތުގެ އަމުރުފުޅުތަކަށް ފުރިހަމައަށް ބޯލަނބައި އަމަލުކުރުން ކަމަށެވެ.
މި ޚަބަރު ސަނާ ޚާން ހިއްސާކުރީ ހިންދީ، އިނގިރޭސި އަދި އުރުދޫ ބަހުން ލިޔުނު ދިގު މެސެޖެއްގައެވެ.
“މިއަދުން ފެށިގެން މުނިފޫހި ފިލުވުމުގެ ދާއިރާ އެއްކޮށް ދޫކޮށްލައި، އިންސާނިއްޔަތަށް ޚިދުމަތްކޮށް، އަހަރެން ޚަލްޤުކުރެއްވި އިލާހުގެ އަމުރުފުޅުތަކަށް ތަބާވާން ނިންމައިފިން.”
ސަނާ ޚާންގެ ދިގު މެސެޖް ނިންމާލަމުން އެދިފައިވަނީ މުނިފޫހިފިލުވުމުގެ ދާއިރާގެ އެއްވެސް ކަމެއްގެ ވާހަކަ އޭނާގާތު ނުއެހުމަށެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ސެޕްޓެމްބަރ 2024ޚަބަރު“ދޭދަރު ރުއިން” ފިލްމުގެ ފުރަތަމަ ޕޯސްޓަރު ދައްކާލައިފި
- 19 ސެޕްޓެމްބަރ 2024ޚަބަރު“އުދަބާނި” މިރޭ އޮލިމްޕަހަށް
- 17 ސެޕްޓެމްބަރ 2024ޚަބަރު“ބިބީ” ގެ ޓިކެޓް ވިއްކަން ފަށައިފި
- 16 ސެޕްޓެމްބަރ 2024ރިޕޯޓްބުލީގެ ޝިކާރައެއް! އެހަނަސް، މިއީ ފިސާރި ހުނަރުވެރިއެއް!