އާންމު އިޖްތިމާއީ މިންގަޑާއި އާންމު ސުލްހަ މަސަލަސްކަމަށް ބުރޫ އަރާފަދަ ގިނަ ކޮންޓެންޓްތަކެއް ޓިކްޓޮކްގައި ސްޓްރީމް ކުރަމުން އަންނާތީ ޕާކިސްތާނުން ޓިކްޓޮކް ބްލޮކް ކޮށްފިއެވެ. މި ނިންމުން ނިންމާފައިވަނީ އެ ގައުމުގެ ޓެލެކޮމިއުނިކޭޝަން އޮތޯރިޓީންނެވެ.
ޕާކިސްތާނުން ޓިކްޓޮކް ބްލޮކް ކޮށްފައިވާއިރު އިންޑިއާއިން ވެސް މިދިޔަ ޖޫން މަހު ޓިކްޓޮކް ބްލޮކްކޮށްފައި ވެއެވެ. މީގެ އިތުރުން އޮސްޓްރޭލިއާ އަޝްކަރީ ފަރާތްތަކުން ޓިކްޓޮކް ބޭނުންކުރުން ވަނީ މަނާކޮށްފައެވެ. އޮސްޓްރޭލިއާގެ އިތުރުން އެމެރިކާގައި ވެސް ޓިކްޓޮކް ބްލޮކް ކުރުމުގެ ވާހަކަތައް ކަމާބެހޭ ފަރާތްތަކުން އަންނަނީ ދައްކަމުންނެވެ.
ޕާކިސްތާނުން މި ނިންމު ނިންމާފައިވަނީ ޕާކިސްތާނުގެ ބޮޑުވަޒީރު އިމްރާން ޚާންގެ އިސްނެންގެވުމުގެ ދަށުން ކަމަށް މަޝްހޫރު ނޫސް އޭޖެންސީ އޮއިޓާސް އިން ބުނެއެވެ.
ޕާކިސްތާނުގައި ޓިކްޓޮކް ބްލޮކް ކުރީ މިމަހު 09 ވަނަ ދުވަހުއެވެ. މިކަމާ ގުޅިގެން ޓިކްޓޮކުން ބުނެފައިވަނީ މައްސަލަ ހައްލުކޮށް ޕާކިސްތާނުގައި ޓިކްޓޮކް އަލުން ދޫކުރުމަށް އެ ޤައުމުގެ ކަމާއިބެހޭ ފަރާތްތަކާއި މަޝްވަރާ ކުރަމުން އަންނަ ކަމަށާއި ހައްލަކަށް އާދެވޭނެ ކަމުގައި ގަބޫލުކުރާކަމަށެވެ.
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
