ދިވެހި އާޓިސްޓުންގެ ހުނަރު ދައްކައިލުމަށް، އެންމެ ގިނަ އާޓިސްޓުން ބައިވެރިވެގެން ދިވެހިރާއްޖޭގައި ބާއްވާ ހަރަކާތް “އަންވެއިލިންގ ވިޝަން 2020” 70 އާޓިސްޓުންނާއެކު މިމަހުގެ 23ގައި ބާއްވަން ނިންމައިފިއެވެ. “އަންވެއިލިންގ ވިޝަން” އަކީ 2016ވަނަ އަހަރުން ފެށިގެން މޯލްޑިވްސް އާޓިސްޓް ކޮމިއުނިޓީ (އެމްއޭސީ)ން ބާއްވަމުން އަންނަ ކޮންޓެމްޕޮރަރީ އަރޓް އެގްޒިބިޝަނެކެވެ.

“އަންވެއިލިންގ ވިޝަން 2020” މައުރަޒުގައި 70 އާޓިސްޓުން ބައިވެރި ވާއިރު، 7 ކެޓަގަރީއަކުން ކުރެހުންތައް ދައްކައިލުމަށް ވަނީ ހަމަޖެހިފައެވެ. މި އެގްޒިބިޝަންގައި ބައިވެރިކުރާ ކުރެހުންތަކަކީ ޒަމާނީ ގޮތްތައް ބޭނުންކޮށްގެން އުފައްދާ ކުރެހުންތަކެއް ކަމަށް މަޢުލޫމާތު ލިބެއެވެ.

ދިވެހި އާޓިސްޓުންގެ ހުނަރު އިތުރުކޮށް، އެމީހުންގެ އުފެއްދުންތައް އާއްމުންނަށް ދައްކާލައި އިޝްތިހާރުކުރުމަށް ހުޅުވާލާ މި މައުރަޒު އޮންނާނީ މިމަހު 23އިން 29އަށް، އާޓް ގެލެރީގައެވެ. މުޅިން ހިލޭ ވަނުމުގެ ފުރުޞަތު ހުޅުވައިލެވިފައިވާ މި މައުރަޒު ކުރިއަށްދާނީ ހެނދުނު 10:00އިން ރޭގަނޑު 22:00 އަށެވެ.

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: