މިއަދަކީ ބައިނަލްއަޤްވާމީގޮތުން ފާހަގަކުރާ އެއަރޓްރެފިކް ކޮންޓްރޯލަރުންގެ ދުވަހެވެ. ކޮންމެ އަހަރެއްގެ އޮކްޓޯބަރު މަހުގެ 20 ވަނަ ދުވަސް އެއަރޓްރެފިކް ކޮންޓްރޯލަރސް ޑޭ ގެ ގޮތުގައި ފާހަގަކުރަން ފަށާފައިވަނީ އެއަރޓްރެފިކް ކޮންޓްރޯލަރުން ކުރަމުން އަންނަ ބުރަ އަދި ބިޒީ ވަޒީފާގައި އުޅޭ ފަރާތްތަކުގެ އަގުވަޒަންކުރުމުގެ ގޮތުންނެވެ.
ބައިނަލްއަޤްވާމީ ގޮތުން ފާހަގަކުރާ އެއަރޓްރެފިކް ކޮންޓްރޯލަރުންގެ ދުވަސް ފާހަގަކުރަން އިސްނަގާފައިވަނީ ބައިނަލްއަޤްވާމީ އެއަރޓްރެފިކް ކޮންޓްރޯލަރުން ހިއްސާވާ 137 ގައުމު ހިމެނޭ އިންޓަރނޭޝަނަލް ފެޑަރޭޝަން އޮފް އެއަރޓްރެފިކް ކޮންޓްރޯލަރސް އެސޯސިއޭޝަން ’އައިފަޓްކާ‘ ޖަމިއްޔާއިންނެވެ.
ދުވަހާއި ގުޅޭ ޚާއްޞަ މެސެޖެއް، އެކްޒެކްޓިވް ވައިސް ޕްރެސިޑެންޓް ފޯރ އިފަޓްކާ، އޭޝިއާ ޕެސިފިކް ރީޖަން، އެންތޮނީ އަންގް ވަނީ ދެއްވާފައެވެ.
އެއަރޓްރެފިކް ކޮންޓްރޯލްގެ ޚިދުމަތަކީ އެއް މަތިންދާ ބޯޓް އަނެއް މަތިންދާ ބޯޓާއި ޖެހުނަނުދިނުމާއި ރަންވޭ އާއި އޭޕްރަން ސަރަޙައްދުގައި އެއްބޯޓް އަނެއް ބޯޓާއި ޖެހުނަނުދިނުމަށް ޕައިލެޓުންނަށް އިރުޝާދު ދީ ބޯޓްތައް ދުއްވުމަށް އެހީތެރިވެދޭ ޚިދުމަތެކެވެ. މީގެ އިތުރުން ރަންވޭ، އޭޕްރަން ސަރަޙައްދުގައި ޙަރަކާތްތެރިވާ ވެހިކަލްއާއި މީހުން އަދި ބޯޓްގެ ބައެއް ޖެހިދާނެފަދަ ތަކެތިން، މިސާލަކަށް ހޮޅިދަނޑި (ލައިޓް ޕޯސްޓް) ފަދަ ތަކެތީގައި ޖެހުނަނުދިމަށް އިރުޝާދު ދިނުމާއި ވައިގެތެރޭގައި ޓްރެފިކް ވަކި ތަރުތީބަކުން ދައުރުކުރުވުމުގައި ޙަރަކާތްތެރިވާ ބިޒީކޮށް (ވަދިކޮށް) ކުރާ މަސައްކަތްތަކެއް ހިމެނޭ ޚިދުމަތެކެވެ.
ބައިނަލްއަޤްވާމީ އެއަރ ޓްރެފިކް ކޮންޓްރޯލަރުންގެ ދުވަހުގެ ތަހުނިޔާ، ދުނިޔޭގެ ކަންކޮޅުތަކުގައި ތިއްބެވި އޭޓީސީ މުވައްޒަފުންނަށް އަރިސްކުރަމެވެ.
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
