ލާމު ޓުއާރގެ ފަރާތުން މިނިސްޓަރ އޮފް ފިޝަރީޒް, މެރިން ރިސޯސަސް އެންޑް އެގްރިކަލްޗަރ ޒަހާ ވަހީދަށް ‘ލާމު ގޮޅަރިހަ’ ޕެކޭޖެއް ހަދިޔާކޮށްފިއެވެ.

ލާމު ޓުއާރ އިން މިނިސްޓަރ ޒަހާއަށް ‘ލާމު ގޮޅަރިހަ’ ޕެކޭޖެއް ހަދިޔާކުރުމުން އެކަން ފާހަގަކުރައްވާ ޝުކުރުއަދާކުރައްވަމުން ވިދާޅުވީ ހިތްގައިމު ލާމު އަތޮޅުގެ ފަޚުރުވެރި އަމިއްލަ އުފެއްދުމެއް ކަމުގައިވާ ގޮޅަރިހަ އަކީ ފަރުމަހުން އުފައްދާފައިވާ ދިވެހިވަންތަ އުފެއްދުމެއް ކަމަށާއި #LaamuTour ގްރޫޕްގެ ފަރާތުން މިއަދު (20 އޮކްޓޫބަރު 2020) މިވަނީ މިއުފެއްދުން މިނިސްޓަރަށް ލިބިލައްވާފައި ކަމަށެވެ.

ލާމު ޓުއާރ އިން މިނިސްޓަރ ޒަހާއަށް ‘ލާމު ގޮޅަރިހަ’ ޕެކޭޖެއް ހަދިޔާކޮށްފައި މިވަނީ ލާމު ޓުއާރ އިން ހިންގަމުން އަންނަ ‘ލާމު ގޮޅަރިހަ’ އިވެންޓުގެ ދަށުން ކަމަށެވެ.

“މިއީ އަސްލު މި ދުވަސްކޮޅުގެ ގޮތުން ޓްރެވެލްކުރުން އަދި މާލެެއިން ލާމަށް އައިސް ކަރަންޓީނުވާން ޖެހޭތީ، ނިއު ނޯމަލް ލާމު ގޮޅަ ރިހަ އިވެންޓް މާލޭގަ މި ޖައްސަނީ. ދެން އޮތީ އެހެނިހެން އަތޮޅުތަކަށް ‘ލާމު ގޮޅަ ރިހަ’ ތަޢާރަފުކުރުމަށް މި ހަރަކާތް ހިންގުން.” ލާމު ޓުއާރގެ ފައުންޑަރ ޢަބްދުﷲ ފައިސަލް މުނިއަވަސް އަށް ހާމަކުރެއްވިއެވެ.

ފައިސަލް އިތުރަށް ވިދާޅުވީ މި ހަރަކާތަކީ މިއަދުގެ ހާލަތާ ގުޅިގެން ދުނިޔޭގެ ކާބޯތަކެތީގެ ދުވަސް ފާހަގަކުރުމުގެ ގޮތުންނާާއި ލާމު އަތޮޅު ޕްރޮމޯޓްކުރުމަށް ހިންގަން ފަށާފައިވާ ހަރަކާާތެއް ކަމަށެވެ.

‘ލާމު ގޮޅަ ރިހަ’ ހަދިޔާކުރުމުގެ ހަރަކާތުގެ ދަށުން ރާއްޖޭގެ އެކިއެކި ދާއިރާތަކުގެ ސެލެބްރިޓީންނަށް ގޮޅަ ދިހަ ހަަދިޔާކުރަމުން އަންނަކަން ފާހަގަކޮށްލެވެއެއެވެ. އެގޮތުން ރާއްޖެއާއި ދުނިއަށް ވެސް މަޝްހޫރުކަން ލިބިފައިވާ ފުޓްބޯޅަ ކުޅުންތެރިޔާ ޢަލީ އަޝްފާޤް (ދަގަނޑޭ) އާއި މަޝްހޫރު ދުވުންތެރިޔާ ޙަސަން ސާއިދު، ދިވެހި ޤައުމީ ފުޓްބޯޅަ ޓީމުގެ ކެޕްޓަން އަކްރަމް ޢަބްދުލް ޣަނީ އަށްވެސް ވަނީ ‘ލާމު ގޮޅަ ރިހަ’ ޕެކޭޖެއް ހަދިޔާކޮށްފައެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
• 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
• 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
• 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!