ބޮލީވުޑްގެ މަޤުބޫލު އެކްޓަރ ޓައިގަރ ޝްރޮޕްގެ ކުރިއަށް އޮތް ފިލްމު “ގަންޕަތު”ގެ މޯޝަން ޕޯސްޓަރު މީސް މީޑިއާގައި އާއްމުކޮށްފިއެވެ. އާއްމުކޮށްފައިވާ މޯޝަން ޕޯސްޓަރަށް ބަލައިލުމުން ވަރުގަދަ އެކްޝަން ފިލްމަކަށް މި ފިލްމު ވެގެންދާނެ ކަމަށް ބެލެވެއެވެ.
ފްރެންޗައިޒް ޝޯގެ ފުރަތަމަ ބައި ލިޔެފައިވަނީ “ގަންޕަތު”ގެ ނަމުގައެވެ. ބޮކްސިން ކުޅުންތެރިއެއްގެ ރޯލުން ޓައިގާ ފެނިގެންދާ މި ފިލްމު ރިލީޒްކުރާނީ 2022 ވަނަ އަހަރުއެވެ.
އާއްމުކޮށްފައިވާ މޯޝަން ޕޯސްޓަރުން ފެންނަނީ ބިޔަ އިމާރާތްތަކެއްގެ ތެރޭގައި ހުސްގަޔާ ފުރަގަސްދީގެން ޓައިގަރ ހުންނަ ތަނެވެ. ޓައިގަރގެ މޫނު ނުދެއްކިޔަސް، އޭނާގެ އަޑު އިވގިގެން ދެއެވެ.
“އަހަރެން ބިރުގަތުމުން، އަހަރެން ވަރަށް މީހުން މަރަން.” މޯޝަން ޕޯސްޓަރުގައި ޓައިގަރ ބުނާ އަޑު އިވެއެވެ. ވިކާޝް ބާލާ ޑައިރެކްކުރާ “ގަންޕަތު”ގެ މޯޝަން ޕޯސްޓަރު ހިއްސާކުރަމުން ޓައިގަރ ބުނީ މިއީ އޭނާއަށާއި ބެލުންތެރިންނަށް ވެސް ވަރަށް ޚާއްޞަ ފިލްމެއް ކަމަށެވެ.
“އަހަރެން މި ފިލްމުން ހުށައަޅައިދެނީ ގަންޕަތު. އެކްޝަން، އެޑްވެންޗަރ (އާހިތަ) އަދި މުނިފޫހިފިލުވުމަށް ތައްޔާރުވޭ.” މިހެން ވެސް ޓައިގަރ ލިޔެލާފައި ވެއެވެ.
އެންމެ ފަހުން ޓައިގަރ ފެނިފައިވަނީ ޑައިރެކްޓަރ އަޙްމަދު ޚާންގެ “ބާގީ3” ގައެވެ. ޓައިގަރގެ ކުރިއަށް ހުރި އިތުރު ފިލްމުތަކުގެ ތެރޭގައި “ހީރޯޕަންތީ2″، “ބާގީ4” އަދި “ރާމްބޯ” ހިމެނެއެވެ.
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
