އަކްޝޭ ކުމާރް އަދި ކިއާރާ އަދްވާނީ ލީޑް ކުޅެފައިވާ ފިލްމު “ލަކްޝްމީ”، ޑިޒްނީ ޕްލަސް ހޮޓްސްޓަރގައި ރިލީޒްކުރެވުނު އެންމެ ވަރުގަދަ ފިލްމުގެ ރެކޯޑް މުގުރާލައިފިއެވެ. ސުޝާންތު ސިންހް ރާޖްޕުތު އެންމެ ފަހުން ކުޅުނު “ދިލްބޭޗާރާ” މުގުރާލި ރެކޯޑްވެސް “ލަކްޝްމީ” އިން ވަނީ މުގުރާލާފައެވެ.
ކޮވިޑް-19ގެ ސަބަބުން ފިލްމު “ލަކްޝްމީ” ސިނަމާތަކުގައި ރިލީޒްނުކޮށް، ރިލީޒްކުރީ ޑިޒްނީ ޕްލަސް ހޮޓްސްޓަރގައި ނަމަވެސް، ބޭރު ގައުމުތަކުގެ ސިނަމާ ތަކުގައި މި ފިލްމު އަޅުވާނެއެވެ.
ނޮވެމްބަރު 09ގައި ރިލީޒްކުރި ފިލްމު “ލަކްޝްމީ”ގެ ޚަބަރު ހިއްސާކުރަމުން ޑިޒްނީ ޕްލަސް ހޮޓްސްޓަރ އިން މީސް މީޑިއާގައި ބުނެފައިވަނީ؛ “ލަކްޝްމީ އިން ވަނީ ހުރިހައި ރެކޯޑްތަކެއް މުގުރާލައި ޑިޒްނީ ޕްލަސް ހޮޓްސްޓަރގައި ރިލީޒްކުރެވުނު އެންމެ ވަރުގަދަ ފިލްމުގެ ވީއައިޕީ ރެކޯޑް މުގުރާލާފައި. ތިޔަ ދޭ ލޯތްބަށްޓަކައި އެންމެނަށް ޝުކުރިއްޔާ. އަހަރުގެ މަޖާ ބްލޮކްބަސްޓަރ ބަލައިލުމަށް އަވަހަށް ސަބްސްކްރައިބް ކުރައްވާ!” މިހެންނެވެ.
View this post on Instagram
“ލަކްޝްމީ” އަކީ ތަމަޅަ ފިލްމު “މުނީ 2 : ކަންޗަނާ”ގެ ރީމޭކެކެވެ. އެ ފިލްމު ވެސް ޑައިރެކްކުރީ ރާގަވާ ލޯރެންސް އެވެ. މިއީ އަކްޝޭ އަދި ކިއާރާ އާއެކު ރާގަވާ ލޯރެންސް މަސައްކަތްކުރި މިފަދަ ދެވަނަ ބޮޑު ޕްރޮޖެކްޓެވެ. ކުރިން އެ ދެ ތަރިން ލައިގެން ހެދީ “ގުޑް ނިއުޒް” އެވެ.
“ލަކްޝްމީ”ގައި އަކްޝޭ ކުޅެނީ ރޫހެއް އަވަލާފައިވާ އަންހެންފިރިހެން ރޯލެކެވެ. މި ބިރުވެރި ކޮމެޑީގައި ތުޝާރް ކަޕޫރް، މަނޫ ރިޝީ ޗާޑާގެ އިތުރުން އައޭޝާ ރާާޒާ މިޝްރާ، ޝަރަދް ކެލްކަރް އަދި ތަރޫން އަރޯރާ ހަރަކާތްތެރިވެެއެވެ.
“ލަކްޝްމީ” އަށް ކުރިން ކިޔާފައިވަނީ “ލަކްޝްމީ ބޮމް” އެވެ. ފިލްމުގެ ނަން ބަދަލުކުރީ އެ ފިލްމުގެ ނަމާމެދު ހިތްހަމަނުޖެހިގެން އިންޑިއާގެ ބައެއް ރައްޔިތުން މުޒާހަރާކޮށް އެ މައްސަލަ ކޯޓަށް ވެއްދުމާ ގުޅިގެންނެވެ. އެ ނަމާމެދު ހިތްހަމަނުޖެހުން ފާޅުކުރީ ހިންދޫންނެވެ. ހިންދޫން ބުނަނީ އެ ނަމަކީ އެ މީހުން އަޅުކަން ކުރާ ބުދަކަށް މަލާމާތް ރައްދުވާގޮތަށް ދީފައިވާ ނަމެއް ކަމަށެވެ. ފިލްމުގެ ޓްރެއިލާ ރިލީޒްކުރީއްސުރެ އެ ފިލްމު ބޮއިކޮޮޓް ކުރުމަށް ގޮވައިލާ އެތަކެއް ފިއްތުންތަކެއް ކުރިމަތިކުރުވަމުން ދިޔައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
