ބައިނަލްއަޤްވާމީ ރަހުމަތްތެރިކަމުގެ ޕެސް މޮބައިލް މުބާރާތެއްގައި ރާއްޖެ ތަމްސީލް ކުރަން ރާއްޖޭގެ 10 ކުޅުން ތެރިން ތައްޔާރުވެއްޖެ ކަމަށް ޕެސް.މޮބައިލް.އެމް.ވީން ބުނެފިއެވެ މިގޮތުން މި މަހު 02ގަައި ކެމްބޯޑިއާ އާއި ދެކޮޅަށް ރާއްޖޭގެ 10 ކުޅުންތެރިން ވާދަ ކުރުމުގެ ފުރުޞަތު ލިބިފައިވެއެވެ.

އިލެކްޓްރޯނިކް ގޭމިންގް އަކީ ދުނިޔޭގައި ހަލުވިކަމާއެކު ކުރިއަރަމުން އަންނަ ކުޅިވަރަކަށް ވެފައި، ދިވެހި ރާއްޖޭގައި ވެސް ބައިނަލްއަގުވާމީ މައިދާނުގައި ވާދަކުރުމުގެ ހުނަރު ހުރި ކުޅުންތެރިން ތިބިކަމީ ފާހަގަކޮށްލަންޖެހޭ ކަމެކެވެ. މިގޮތުން 2018 ވަނަ އަހަރުން ފެށިގެން ދިވެހިިރާއްޖޭގައިވެސް ޕްރޯއެވެލިއުޝަން ސޮކަރ ގެ މޮބައިލް ޕްލެޓްފޯމްގައި ދަނީ ހުނަރުވެރި އެތަކެއް ދިވެހި ކުޅުންތެރިން ތަކެއް އުފެދެމުންނެވެ. 2018 ގައި 1 ޑިވިޝަނާއިއެކު ކުރިއަށް ގެންދެވުނު މިމުބާރާތް ވަނީ ދިވެހި ޒުވާނުންގެ ފަރާތުން ލިބުނު ބޮޑު ތަރުހީބަކާއިއެކު 5 ޑިވިޝަނަށް ފުޅާކުރެވިފައެވެ.

މި ކުރުމުއްދަތުގައި ދިވެހިރާއްޖޭގެ ޕެސް މޮބައިލް ކޮމިއުނިޓީ ހޯދަމުން އަންނަ ކުރިއެރުން ތަކުގެ ސަބަބުން މި ކޮމިއުނިޓީއަށް އަންނަނީ ބައިނަލްއަޤްވާމީ މުބާރާތްތަކަށް އެކި ލެވަލްގައި ބައިވެރިވުމުގެ ފުރުޞަތު ލިބެމުންނެވެ. މިގޮތަށް ލިބޭ މުބާރާތްތަކަށް ކުުޅުންތެރިން ހޮވަނީ ޕެސް.މޮބައިލް.އެމް.ވީ ގައި ބޭއްވޭ މުބާރާތްތަކުގެ ރޭންކިންއަށް ބަލާފައެވެ. މިގޮތުން 02 ޑިސެމްބަރ 2020 ގަައި ކެމްބޯޑިއާ އާއި ދެކޮޅަށް މި ކޮމިއުނިޓީގެ 10 ކުޅުންތެރިންނަށް ވާދަ ކުރުމުގެ ފުރުޞަތު ވަނީ ލިބިފައެވެ.

އެ ކުޅުންތެރިންނަކީ:

1. ޞަފްޙާން ޢަބްދުﷲ (SOFFEX)
2. އަހްރަމް ޢަލީ (AHUTTE)
3. ޢައްޒާމް ޖައުފަރު (AXXAMjr)
4. ޙުސައިން ނާޞިރު (KAKA)
5. ޢަބްދުﷲ އީމާން (EENTEY)
6. މުޙައްމަދު މިޤްދާދު (MIGDAD)
7. ޖުމައިލް ޖަމީލް (JUMAIL)
8. އަޙްމަދު މުހައިމިން (MUHAIMIN)
9. ޙުސައިން ޝަފީޢު (BUGS)
10. މުޙައްމަދު ޢަޞީލް (AXYL)

ޕެސް.މޮބައިލް.އެމް.ވީގެ ކޮމިއުނިޓީގައި ބޭއްވޭ މުބާރާތްތަކުގައި ބައިވެރިވުމުގެ ފުރުޞަތު ވަނީ ކޮންމެ ދިވެއްސަކަށްވެސް ހުޅުވާލެވިފައެވެ. ބައިވެރިވާން އެދޭ ފަރާތްތަކުން ތިރީގައިމިވާ ފޭސްބުކް ލިންކް މެދުވރިކޮށް މެނޭޖްމަންޓް އާއި މުޢާމަލާތު ކުރެވޭނެއެވެ.
https://www.facebook.com/pesmobilemv/

ޕެސް މޯބައިލް އެމްވީގެ ފޭސްބްކް ޕޭޖް

އެންމެ ފަހުން 2020 ވަނަ އަހަރު ގައި ބޭއްވުނު މުބާރާތުގައި ކެމްބޯޑިއާގެ ކުޅުންތެރިންނާއި ވާދަކޮށް ޝަރަފްވެރި 1 ވަނަ މަޤާމް ހޯދައިފައިވަނީ ޕެސް.މޮބައިލް.އެމް.ވީގެ ކުޅުންތެރިއެއް ކަމުގައިވާ ސިރާޖް ޢަބްދުﷲ (TELLO)ކަން ފާހަގަ ކޮށްލަމެވެ.

ޕެސް.މޮބައިލް.އެމް.ވީ މެނޭޖްމަންޓްގެ މަޤްޞަދަކީ ބައިނަލްއަޤްވާމީ ފެންވަރުގައި ރާއްޖެ ތަމްޞީލުކޮށް ރަނގަޅު ވަނަތަކެއް ހޯދޭނެ ފެންވަރުގެ ކުޅުންތެރިންތަކެއް މި ޕްލެޓްފޯމްގައި އުފެއްދުން ކަމަށް އެތަނުން އެ ކޮމިއުނިޓީން ހާމަކުރެއެވެ.

ޕެސް މޯބައިލް އެމްވީގެ މުބާރާތްތަކުގައި ބައިވެރިވުމުގެ ފުރުޞަތު ވަނީ ހުޅުވާލެވިފައި

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: