އަޙްމަދު އިޤްބާލް (އައިކިޔު)ގެ ނަމަކީ ހަމަ ގައިމުވެސް ދިވެހި ފިލްމީ މަސައްކަތުގެ ވާހަކަ ދެކެވޭ ހިނދު، ‘ތަފާތު ބަދަލެއް’ ދާއިރާގެ އުފެއްދުންތަކަށް ގެނެސްދިނުމުގައި ހިއްސާވެފައިވާ ފަންނާނަކަށް ވާނެ ނަމެކެވެ. ‘އައިކިޔު ޕްރޮޑަކްޝަންސް’ އާއި ‘އާރް ޓޫ ޒީ’ އަދި ‘އާރް ސްކޮޔާޑް’ ގުޅިގެން އުފައްދައި ބައިސްކޯފުން ދެއްކި ކާމިޔާބު ވެބް ސީރީޒް “އެހެނަސް” އަކީ ފިލްމީ މަސައްކަތުގައި އައިކިޔުގެ އައިކިޔު ފެންވަރު ހުރި މިންވަރު އެނގިގެންދިޔަ މޮޅު ސީރީޒެކެވެ.

ވެބް ސީރީޒް “އެހެނަސް” ނިމިއްޖެއެވެ. އެހެނަސް އައިކިޔުގެ މަސައްކަތްތައް އޮތީ ކުރިއަށެވެ. “އެހެނަސް” ވަރުގެ ބަދަލެއް ގެނުވާ އުފެއްދުންތަކެއް އުފެއްދުމަށް އޭނާ އަންނަނީ ތައްޔާރުވަމުންނެވެ. އެހެނަސް ކޮވިޑް-19ގެ ބަލިމަޑުކަމާހުރެ އޭނާގެ މަސައްކަތްތަކަށްވެސް އޮތީ މަޑުޖެހުމެއް އައިސްފައެވެ. އެކަމަކު ބައިސްކޯފުގެ ދެވަނަ އަހަރީ ދުވަހުގެ މުނާސަބާގައި ބައިސްކޯފަށް ރިލީޒްކުރި “ބަދަލެއް ނުވިޔޭ” ވީޑިއޯ ލަވައަކީ ހަމަ ގައިމުވެސް ތަފާތު، ހިތްގައިމު ބަދަލެއް ފެނިގެންދިޔަ ޑައިރެކްޝަންއެކެވެ. އައިކިޔުގެ ޑައިރެކްޝަން އެކެވެ.

“ބަދަލެއް ނުވިޔޭ” ވީޑިއޯ ލަވަ މިމަހު 14 ގައި ބައިސްކޯފުގެ ޔޫޓިއުބް ޗެނަލުންވެސް ވަނީ އާއްމުކޮށްފައެވެ.

ލަވައިގެ ކާސްޓުގައި ހިމެނެނީ ވާޝިޔާ މުޙައްމަދު (ޝިޔާ)، ރަފްހާން، ނަތާޝާ، ސިލްނާ އަދި އައިޝާއެވެ.

‘ޑިންބާ މިއުޒިކް’ގެ ‘އުނބު’ އަލްބަމަށް ރިޒޫ ނިކަން ސަޅިކޮށް ކިޔާފައިވާ މި ލަވައިގެ ވީޑިއޯ ތައްޔާރުކުރުމުގައި ކެމެރާކޮށްފައިވަނީ ދަބަ އާއި އައިމަން އެވެ. ޕްރޮޑަކްޝަންގައި އެހީތެރިވެދިނުމަށް، ނޫރާ، ނާއިޝާަ، ޙަސަން، ރޯމަން، ވާޝިޔާ، ސެން އަދި ނާހިދު ހަރަކާތްތެރިވިއެވެ.

https://www.youtube.com/watch?v=jmspaz9T6GA&feature=youtu.be

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: