ދިވެހި ފިލްމީ ދާއިރާއަށް 2019 ވަނަ އަހަރު އަރައިގެން އައި އުއްމީދީ ޑައިރެކްޓަރު އިލްޔާސް ވަޙީދުގެ ކާމިޔާބު ފިލްމު “ބަވަތިި” އަށްފަހު، އޭނާގެ ޕްރޮޑަކްޝަން ހައުސް ‘އައި ފިލްމްސް’ އިން ހަދާ ދެވަނަ ފީޗާ ފިލްމު “ނީނާ“ގައި ނުޒުހަަތު ޝުޢައިބް (ނުޒޫ) ފެނިގެންދާ ތިން ސިފަ (ލުކް)ގެ ތެރެއިން ލުކެއް، މިއަދު ދައްކާލައިފިއެވެ. ‘އައި ފިލްމްސް’އިން ބުނީ މިއީ މި އަހަރުގެ އަންހެނުންގެ ދުވަހަށް ޚާއްޞަކޮށްގެން އާއްމުކުރި ޕޯސްޓަރެއް ކަަމަށެވެ.
ފިލްމު “ނީނާ“އަކީ އާދައިގެ ފިލްމަކަށް ނުވާނެކަން ނީނާގެ ޓީޒާ އިން ވަނީ ސާބިތުކޮށްދީފައެވެ. މީގެ އިތުރުން މި ފިލްްމަކީ އަންހެނުން ބާރުވެރިކުރުވުމަށް ހިތްވަރުދޭ ފިލްމެއްކަން ފިލްމުން މިހައިތަނަށް ފެނިފައިވާ މަންޒަރުތަކުން ވެސް އެނގެއެވެ.
ފިލްމު “ބަވަތިި” އިން ދިވެހި ފިލްމީ ދާއިރާއަށް އިންޤިލާބީ ބަދަލެއް ގެނެސްދިން ހުނަރުވެރި ޓީމުން ގެނެސްދޭ “ނީނާ“ގައި ނުޒޫގެ ތިން ލުކެއް ފެނިގެންދާނެ ކަމަށް ޑައިރެކްޓަރު އިލްޔާސް ވަނީ ބުނެފައެވެ. އޭގެ ތެރެއިން ބައެއް ލުކްތައް އާއްމުކޮށްފައިވާއިރު، އަންހެނުންގެ ދުވަހުގެ ހަދިޔާއެއްގެ ގޮތުން މިއަދު އާއްމުކޮށްފަނީ ވެސް ނުޒޫ ނުވަތަ މި ފިލްމުގައި ‘ނީނާާ’ގެ ޓަފްކަން ފެނިގެންދާ ސިފައެކެވެ.
“ނީނާ“ގެ ޓީޒާ އިން ވެސް ނުޒޫގެ ތިން ލުކް މީގެ ކުރިން ދައްކާލާފައި ވެއެވެ.
އާސިމް ޢަލީ އަދި އަޙްމަދު ވަހީދު ޕްރޮޑިއުސްކޮށް، ’އައި ފިލްމްސް‘ އިން ގެނެސްދޭ އިއްލެގެ “ނީނާ” ސިނަމާއަށް އަންނާނީ މިއަހަރު ކަމަށް އިއްލެ ބުނެފައިި ވެއެވެ.
“ނީނާ“ގެ މައި ތަރިންގެ ތެރޭގައި ”ބަވަތި”ގެ ލީޑުން ހުނަރުވެރި އެކްޓިންއެއް ދެއްކި ނުޒުހަތު ޝުޢައިބް ހިމެނޭއިރު، ފިލްމީ ދާއިރާއަށް އަލަށް ތަޢާރަފުވާ ޝަރަފް ޢަބްދުﷲ، ހުނަރުވެރި ތަރި ޖުމައްޔިލް ނިމާލްގެ އިތުރުން ވެޓަރަންސް އެކްޓްރެސް މަރިޔަމް ރަޝީދާ އާއި މަރިޔަމް ޝަކީލާ ހިމެނެއެވެ.
މީގެ އިތުރުން އާދަމް ރިޒްވީ (ރެކްސް)، ނަތާޝާ ޖަލީލް، ޢަލީ އިނާޒް، ފީޗާ ފިލްމަކަށް އަލަށް ތަޢާރަފްވާ ޓިކްޓޮކްގެ މަޝްހޫރު ތަރި އިބްރާހިމް ޝާއިފް (ޑެވިލް ޝާއިފް)، އަލަށް ތަޢާރަފްވާ ޙަސަން ސާމިހް މުޙައްމަދު، ހަސަން ޝިނާން (ޝިންޓޭ) އަދި އައިޝާ އަލީ ހިމެނެއެވެ.
”ނީނާ“ ލިޔެ ޑައިރެކްޓްކުރީ އިލްޔާސް ވަހީދު (އިއްލެ) އެވެ. ފިލްމުގެ މިއުޒިކް ހެދީ ހުސައިން ތައުފީގެވެ. މޭކަޕް ހަދައިދިނީ ”ބަވަތި“ގައި ފެނިގެންދިޔަ ފުރިހަމަ މޭކަޕްތައް ހެދި އާޓިސްޓް ރުޠުބާ އަޙްމަދު އެވެ.
މި ފިލްމުވެސް ކެމެރާކުރީ ”ބަވަތި“ ކެމެރާކުރި ހުނަރުވެރި ކެމެރާމަން ވިޝާން (ކަނޑި) އެވެ. އެޑިޓިން އާއި ޕޯސްޓް ޕްރޮޑަކްޝަން ހެދީ ”ބަވަތި“ ގައި ވެސް އެ މަސައްކަތްތައް ވަރަށް ފުރިހަމައަށް ކޮށްފައިވާ ’އޯކޭޒް އިންކް‘ އިނެވެ. ވިޝުއަލް ހެދީ އޯކޭޒް އިންކް ގެ ސާމީ އެވެ.
”ނީނާ”ގެ ބޮޑު ބައި ޝޫޓްކޮށްފައިވަނީ ލ. ގަން، މާންދޫ އަދި ކަައްދޫގައެވެ.
ފިލްމު ”ނީނާ”ގެވެސް އޮންލައިން މީޑިއާ ޕާޓްނަރަކީ ފިލްމު ”ބަވަތި“ގެ ވެސް އޮންލައިން މީޑިއާ ޕާޓްނަރުކަންކުރި މުނިއަވަސް އެވެ.
View this post on Instagram
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
