މުނިއަވަސް އޮންލައިންް އިން ކްލަބްްހައުސްގައި ހިންގަމުންް އަންނަ މުނިއަވަސް ޚަބަރުގަޑީގައި ފިލްމު “ފަތިސްހަނދުވަރު” އުފެއްދުމުގެ މަސައްކަތުގައި ހަރަކާތްތެރިިވި މުހިންމު ފަންނާނުންނާއި ކްރޫގެ އިތުރުން ފިލްމުގެ ވާހަކަ ލިޔުންތެރިޔާ އަދި ޕްރޮޑިއުސަރ އަސްލަމް ރަޝީދު ހިމަނައިގެން ގެނެސްދޭ ޚާއްޞަ ޝޯވ ވެގެންދާނީ ފިލްމީ ދާއިރާގެ ފަންނާނުންނާއި މި ދާއިރާއަށް ވަންނަ ފަރާތްތަކަށް ވަރަށް މުހިންމު ފިލާވަޅުތަކެއް ލިބިގެންދާނެ ޝޯވއަކަށް ވެގެންދާނެކަމަށް ޤަބޫލުކުރާ ކަމުގައި ރަވީ ފާރޫޤް އަދި މަހްދީ އަޙްމަދު ބުނެފިއެވެ.

މުނިއަވަސް ޚަބަރުގަޑީގައި ވާހަކަދައްކަަމުން މަޝްހޫރު އެކްޓަރ/ޑައިރެކްޓަރ ރަވީ ފާރޫޤާއި މަޝްހޫރު ސްކްރީން ރައިޓަރ މަހްދީ އަޙްމަދު ބުނީ ފަތިސްހަނދުވަރު މިއީ އައިކަނިކް ފިލްމެއް ކަމަށާ އެ ފިލްމު އުފެއްދުމުގައި ބައިވެރިވި އިސް ފަންނުވެރިންގެ ފަރާތުން އެ ޝޯވގައި ގިނަގުނަ މަޢުލޫމާތުތަކެެއް ލިބިގެންދާނެ ކަމަށް ޤަބޫލުކުރާ ކަމަށެވެ. އަދި އެ ޝޯވގައި ހިއްސާކުރާ ވާހަކަތަކަކީ ކުރިމަގުގައި ސްޓަޑީ ހެދުމަށްވެސް ބޭނުންކުރެވޭޭނެ މުހިންމު މަޢުލޫމާތުތަކަށް ވެގެންދާނެ ކަމަށް ޤަބޫލުކުރާ ކަމަށެވެ.

މަހްދީ އާއި ރަވީގެ އިތުރުންވެސް ޚަބަރު ގަޑީގައި ބައިވެރިވި ފަންނާނުން ފާހަގަކުރީ އެ ޝޯވ އަކީ ބޭނުންތެރި މަޢުލޫމާތުތަކެއް ލިބިގެންދާނެ ޝޯވއަކަށް ވެގެންދާނެ ކަމަށް ޤަބޫލުކުރާ ކަމަށެވެ.

މުނިއަވަސް އިން ގެނެސްދޭ މި ޚާއްޞަ ޝޯވގައި ނިއުމާ މުޙައްމަދު، ރީކޯ މޫސާމަނިކް، ބިންމާ އިބްރާހީމް ވަހީދު، އަސްލަމް ރަޝީދު، ޢީސާ ޝަރީފްގެ އިތުރުން ވިސާން (ކަނޑި)، ޙުސައިން މުނައްވަރު (ކުޑަފޫޅު) އަދި އަހަންމާ ވެސް ބައިވެރިވާނެއެވެ. މީގެ އިތުރުން ފިލްމު ޝޫޓްކުރި ގދ. ތިނަދޫ ޓީމުވެސް ބައިވެރިކުރުވުމަށް މަސައްކްތަކުރާނެ އެވެ.

މީގެ 23 އަހަރު ކުރިން، ރާއްޖޭގެ ފިލްމީ މަސައްކަތަށް ބޮޑު އިންޤިލާބީ ބަދަލެއް ގެނެސްދިން ”ފަތިސްހަނދުވަރު“ގެ ވާހަކަ ލިޔުނީ މަޝްހޫރު ވާހަކަލިޔުންތެރިޔާ ބިންމާ އިބްރާހީމް ވަހީދު އެވެ. ސްލޭމް ސްޓޫޑިއޯއިން އަސްލަމް ރަޝީދު ޕްރޮޑިއުސްކޮށް ޢީސާ ޝަރީފް ޑައިރެކްޓްކުރި މި ފިލްމުގެ ލީޑްގައި ހަަރަކާތްތެރިވެފައިވަނީ ރީކޯ މޫސާ މަނިކާއި ނިޢުމާ މުޙައްމަދު އެވެ.

”ފަތިސްހަނދުވަރު“ ފިލްމަށް ޚާއްޞަކޮށްގެން ގެނެސްދޭ ޝޯވގައި ބައިވެރިވާ އެހުންތެރިންނަށް ވެސް، ފިލްމުގެ ކާސްޓާއި ކްރޫ އާއި ވަގުތުން ސުވާލުކުރުމުގެ ފުރުޞަތު ހުޅުވާލާނެއެވެ.

’މުނިއަވަސް ނިއުޒް އަވަރ‘ އަކީ ޖޫން މަހުގެ 22 ވަނަ ދުވަހުން ފެށިގެން މުނިއަވަސް އިން ކްލަބްހައުސް މެދުވެރިކޮށް ކޮންމެ ރެއަކު 10:00 ގައި ވަގުތުން ގެނެސްދެމުން އަންނަ ޝޯވ އެކެވެ. މި ޝޯވ ހޯސްޓްކުރަނީ މުނިއަވަސްގެ ފައުންޑަރ އަދި ޗީފް އެޑިޓަރ އަޙްމަދު ރަޝީދު އާއި، މުނިއަވަސް އަށް ޓެކްނިކަލް ސަޕޯޓާއި އެހެނިހެން އެހީތެރިކަން ދިނުމުގައި މަސައްކަތްކުރަމުން އަންނަ ޢީސަ އޮންލައިން ޕޮއެޓްރީގެ ފަރާތުން ޢީސާ ޝަރީފް އެވެ.

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: