އަނުޝްކާ ޝަރުމާ ޕްރޮޑިއުސްކޮށް އޭނާ ބަތަލާގެ ރޯލު އަދާކުރާ “ޕަރީ” ގެ އާ ޕޯސްޓަރުންވެސް މި ފިލްމަކީ ޕަރީ ވާހަކައެއް ނޫންކަން އެނގޭނެ އެވެ. މިއީ ބިރުވެރި ފިލްމެކެވެ. އަނުޝްކާ ކުޅޭ ފުރުތަމަ ބިރުވެރި ފިލްމެވެ. ފިލްމުގެ ފުރަތަމަ ދައްކައިލުމުން ވެސް އެކަން މިވަނީ އެނގިފަ އެވެ. މި ފިލްމު ރިލީޒްކުރަނީ 02 މާޗް 2018 ވަނަ ދުވަހު އެވެ.

ޕޯސްޓަރުން ފެންނަނީ އަނުޝްކާ އާއި ބިރުވެރި ޝައިޠާނީ ސޫރަ އެކެވެ. އަނުޝްކާ އިށީންދެގެން އިންނައިރު އޭނާގެ ފުރަގަހުގައި ޝައިތާނީ ސޫރަ ހުއްޓި ހުންނަނީ އަނުޝްކާގެ ދެކޮނޑުގައި އަތްތިލަ ބާއްވާލައިގެންނެވެ. ބުދަ ދުވަހު ރިލީޒް ކޮށްފައިވާ ފިލްމުގެ ޓީޒާ އިން ވަނީ މި ފިލްމު ރިލީޒް ކުރާ އާ ތާރީޚް ވެސް ދައްކާލާފަ އެވެ. ކުރިން މި ފިލްމު ރިލީޒްކުރަން އޮތީ ފެބްރުއަރީ 9 ވަނަ ދުވަހު އެވެ.

މީޑިއާ ރިޕޯޓްތައް ބުނާގޮތުން މިއީ މާބޮޑަށް ބިރުގަންނަ މީހުންނަށް ބަލަން ކެރޭނެ ފިލްމަކަށް ނުވާނެ އެވެ.

އަނުޝްކާ ޝަރްމާ ގެ “ޕަރީ” ގެ ފުރަތަމަ ދައްކާލުން

‘ޕަރީ’ ޕްރޮޑިއުސް ކުރަނީ އަނުޝްކާ ގެ “ކްލީން ސްލޭޓް ފިލްމްސް” އިންނެވެ. މި ފިލްމުގައި އަނުޝްކާގެ އިތުރުން ޕަރަމްބްރަތާ ޗަތެރްޖީ އާއި ރާޖަތުކަޕޫރު އަދި ރިތަބާރީ ޗަކްރަބަތީ ފެނިގެންދާނެ އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: