މިއަހަރުގެ މެއި 13 ވީ ބުރާސްފަތި ދުވަހު ރިލީޒްކުރި ސަލްމާން ޚާންގެ ފިލްމު “ރާދޭ: ޔުއާރ މޯސްޓް ވޯންޓެޑް ބާއީ” ގެ ވޯލްޑް ޓެލެވިޜަން ޕްރިމިއަރ އަންނަ އާދީއްތަ ދުވަހަށް ތާވަލުކޮށްފިއެވެ.
“ރާދޭ” ފުރަތަމަ ފަހަރަށް ޓީވީއިން ދައްކާލަން ހަމަޖެހިފައިވަނީ ޒީޓީވީ މެދުވެރިކޮށް އޯގަސްޓު 15 ވާ އާދީއްތަ ދުވަހު މެންދުރުކުރީ ރާއްޖެ ގަޑިން 11:30 ގައެވެ.
“ރާދޭ” އަކީ 2019 ވަނަ އަހަރު ނެރުނު ސަލްމާން ޚާންގެ “ދަބަންގ 03” ވެސް ޑައިރެކްޓްކުރި ޕްރަބޫ ދޭވާ ޑައިރެކްޓްކޮށް އަދި ‘ސަލްމާން ޚާން ފިލްމްސް’ އާއި ‘ރީލް ލައިފް ޕްރޮޑަކްޝަން’ އަދި ‘ޒީ ސްޓޫޑިއޯ’ގެ އިތުރުން ‘ސޮހައިލް ޚާން ޕްރޮޑަކްޝަން’ ގުޅިގެން ގެނެސްދިން ފިލްމެކެވެ. ފިލްމުގެ އިތުރު ޕްރޮޑިއުސަރުންގެ ތެރޭގައި ސަލްމާން ޚާނާއި، ސޮހައިލް ޚާންގެ އިތުރުން އަތޫލް އަގްނީހޯތްރީ ހިމެނެއެވެ.
View this post on Instagram
ސަލްމާން ޚާނާއި ދިޝާ ޕާތުނީ އަދި ރަންދީޕް ޙޫޑާ ލީޑް ރޯލުން ފެނިގެންދާ މި ފިލްމަކީ އެންމެ ފުރަތަމަ 2020 ވަނަ އަހަރުގެ މެއި މަހުގެ 22 ވަނަ ދުވަހު ރިލީޒްކުރަން ހަމަޖެހިފައި އޮތް ފިލްމެކެވެ. ނަމަވެސް ކޮވިޑް-19 ގެ ޙާލަތު ގޯސް ވުމުގެ ސަބަބުން ފިލްމުގެ ބައެއް މަންޒަރުތައް ނުނެގި ލަސްވެގެން ދިޔައީއެވެ.
“ރާދޭ” އާދީއްތަ ދުވަހު ޓީވީ އިން ޕްރިމިއަރ ކުރަން ހަމަޖެހިވައިވާއިރު އެއީ އިންޑިއާގެ މިނިވަން ދުވަސް ކަން ވެސް ފާހަގަކޮށްލަމެވެ.
ލިޔުންތެރިޔާގެ ފުރަމަލަ
-
މުނިއަވަސްގެ އެންމެ ހަގު ލިޔުންތެރިޔާ ނާާޢިމް ޢަލީ އަކީ ލިޔުންތެރިކަމުގައި ތަޖުރިބާހުރި ޒުވާނެކެވެ.
ނާޢިމް ޚާއްޞަވަނީ ބޮލީވުޑް އަދި ހޮލީވުޑްގެ ޚަބަރުތަކަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 4 އޮކްޓޯބަރ 2021ޚަބަރު2 މެޗުން މޮޅުވެ ނޭޕާލް ތާވަލުގެ އެއްވަނައަށް!
- 4 އޮކްޓޯބަރ 2021ޚަބަރުއިންޑިއާގެ ފުރަތަމަ މެޗު އެއްވަރުވެއްޖެ!
- 1 އޮކްޓޯބަރ 2021ޚަބަރުފަހު ވަގުތު ލީޑް ނަގައި ނޭޕާލުން ރާއްޖެ ބަލިކޮށްފި!
- 1 އޮކްޓޯބަރ 2021ޚަބަރުފުރަތަމަ މެޗުން ބަނގްލަދޭޝްއަށް 3 ޕޮއިންޓް!
