ފިލްމީ މޮޅު އުފެއްދުންތަކެއް ގެނެސްދެމުން އަންނަ މުޙައްމަދު ފުއާދު (ފޯޑް) ޕްރޮޑިއުސްކޮށް ހަދަމުންދާ ޑްރާމާ ސީރީޒް “ރޭރޭ” ގެ 90އިންސައްތަ ޝޫޓްކޮށް ނިމިއްޖެއެވެ.

މުޖުތަމައުގައި ހިނގާ ގިނަ ކަންތައްތަކެއްގެ މައްޗަށް އަލިއަޅުވާލައިގެން ތައްޔާރުކުރާ ފަސް އެޕިސޯޑުގެ ޑްރާމާ ސީރީޒް “ރޭރޭ” އަކީ ފޯޑްގެ ކޮއްކޮ އަޙްމަދު ފުއާދު ލިޔެ ޑައިރެކްޓްކުރާ ސީރީޒެކެވެ.

“ރޭރޭ” ސީރީޒްގެ ފުރަތަމަ ސީޒަންގެ މައިގަނޑު ތަރިންގެ ތެރޭގައި ހިމެނޭ ހަމްދޫން ފާރޫޤް އާާއި ފާޠިމަތު އާޒިފާ (އަޒޫ) މީގެ ލީޑް ދެ ތަރިންނެވެ. މީގެ ިއިތުރުންް ނާޝިދާ މުހައްމަދު(ނާއްކޮ)، އަޙްމަދު ސަޢީދު، އަޙްމަދު އީސަ (އާނަންދު) ހިމެނެއެވެ. މީގެ އިތުރުން މަރްޔަމް ޙަލީމް އާއި އަލީ ޔޫޝަޢުގެ އެކްޓިން ވެސް މި ސީރީޒުން ފެނިގެން ދާނެއެވެ. އަދި ޚާއްޞަ ފެނިލުމަކުން މަރްޔަމް ޝިފާ ވެސް މި ސީރީޒްގައި ފެނިގެންދާނެއެވެ.

“ރޭރޭ” ސީރީޒް ކެމެރާކޮށް މަންޒަރުތައް ގުޅުވަނީ މި ފަންނުގައި 30 އަހަރު ހޭދަކޮށް، އަދިވެސް މި މަސައްކަތުގައި ދެގޮތެއް ނުވެ ހުރި ހުނަރުވެރި ފަންނާނު އަލީ ރަޝީދު (ގޮޅާ އައްޔަ) އެވެ. މި ސިރީޒްގެ ސީޒަން އެއްގައި 05 އެޕިސޯޑް ހިމެނޭނެއެވެ. މި ސިރީޒްގެ ކޮންމެ ސީޒަނެއްގެ ލީޑުން ފެންނާނީ އެއް ސީޒަންގައި ލީޑްކޮށްފައި ނުވާ ފަންނާނުންނެވެ.

“ރޭރޭ” ސީރީޒް ގެ ސީޒަން 01 ވަރަށް އަވަހަށް ފެނިގެންދާާނެ ކަމަށް މުނިއަވަސް އަށް އެނގިފައި ވެއެވެ.

މީޑިއާނެޓްގެ އޯޓީޓީ ޕްލެޓްފޯމުތަކުގައި މިހާރު ދައްކަމުން އަންނަ “ނަފްސު” ވެސް ޕްރޮޑިއުސްކުރީ މުޙައްމަދު ފުއާދު (ފޯޑް) އެވެ.

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: