‘ހިތާ ރޫހުން އަސަރުކުރަނީ…..’ މި ހިތްގައިމު ލަވައިން ދިވެހި ފިލްމާއި ލަވަ ބެލުންތެރިންގެ ހިތާއި ރޫހަށް އެންމެ ފުނަށް އަސަރުކުރުވި ފިލްމީ ތަރިއަކީ ޢާއިޝަތު ޝިރާނީ ކަމާމެދު ދެބަސްވާނެ މީހަކު ނުހުންނާނެކަން ޔަޤީން ކުރެވެއެވެ.

ފިލްމީ ތަރި ގިޔާސް އާއެކު ކުޅުނު ‘ހިތާ ރޫހުން އަސަރުކުރަނީ…..’ ވީޑިއޯ ލަވައިން އެކްޓިންއަށް ނުކުތް ޢާއިޝަތު ޝިރާނީ ކްލަަބް ހައުސް މެދުވެރިކޮށް މުނިއަވަސް އިން ގެނެސްދެމުން އަންނަ “މުނިއަވަސް ޚަބަރު / ކޯދު”ގެ ޚާއްޞަ އެޕިސޯޑް “ޝިރާނީ ސްޕެޝަލް – ކޯދު” ގައި ބައިވެރިވާން ނިންމައިފިއެވެ. “ޝިރާނީ ސްޕެޝަލް – ކޯދު“ގެ މި ޚާއްޞަ އެޕިސޯޑް އޮންނާނީ 29 އޯގަސްޓް 2021ވާ އާދީއްތަ ދުވަހުގެރޭ 10:00 ގައެވެ.

“ޝިރާނީ ސްޕެޝަލް – ކޯދު“ގެ ޚާއްޞަ އެޕިސޯޑްގައި މުނިއަވަސް ކްލަބްހައުސްގެ އެހުންތެރިންނަށް ޝިރާނީގެ ފިލްމީ ހަޔާތުގެ ގިނަ ވާހަކަތަކެއް ހިއްސާކުރާނެއެވެ. މީގެ އިތުރުން ޝިރާނީގެ ފިލްމީ މަސައްކަތްތަކާ ގުޅޭގޮތުން ޝިރާނީއާ ސުވާލުކުރުމުގެ ފުރުޞަތުވެސް އެހުންތެރިންނަށް ލިބިގެންދާނެއެވެ.

ޢާއިޝަތު ޝިރާނީ ފުރަތަމަ ކުޅުނު ދިވެހި ފިލްމަކީ “ނަސީބު” އެވެ. އެ ފިލްމުން ލިބުނު ނަސީބާއެކު ފިލްމީ ދާާއިރާގެ އެންމެ އުހަށް ޝިރާނީ ވާޞިލްވީ ބުރަ މަސައްކަތްތަކެއް ކޮށްގެންނެވެ. ދިވެހި ފިލްމުބެލުންތެރިންގެ ހިތުގައި ރަނިކަންކުރަން ފެށީ އޭނާގެ ހުނަރުވެރި އެކްޓިން އިން ދިވެހިންގެ ހިތްތައް ހެއްވަމުން އަދި ރޮއްވަމުންނެވެ.

ޢާއިޝަތު ޝިރާނީ ވަނީ ތަފާތު އެތައް ފިލްމް ތަކެއްގައި ހަރަކާތްތެރި ވެފައެވެ. މިގޮތުން 14 އަށްވުރެ ގިނަ ފިލްމުގައި ހަރަކާތްތެރި ވެއެވެ.

ޑައިރެކްޓަރ ފާތިމަތު ނަހުލާގެ 4 ފިލްމެއް ޝިރާނީ ކުޅެދީފައި ވެއެވެ. އެފިލްމް ތަކަކީ ޞަބާޙް އާއެކު ކުޅެފައިވާ “ފުން އަސަރު”، “އެތޫފާނީ ރޭ” މޫސާ ޒަކަރިއްޔާ އެކު ކުޅުނު “ލައިލާ”، އަދި ޔޫސުފު ޝަފީޢު އާއެކު ކުޅެފައިވާ “ކަލާޔާ ނުލާ” އެވެ.

މީގެ އިތުރުން ޝިރާނީ ކުޅެފައިވާ އެހެން ފިލްމް ތަކުގެ ތެރޭގައި “ޒަޚަމް”، “ޒަލްޒަލާ” “ސަބަބު”، “ނަމޫނާ”، “ހީލަތް” ފަދަ ފިލްމްތައް ހިމެނެއެވެ.

ޝިރާނީގެ ފިލްމޫ މަސައްކަތްތަކުގެ ވާހަކައާއި އިތުރު ވާހަކަތައް ސީދާ ޝިރާނީގެ ދުލުން އަޑުުއަހައިލުމަށް “ޝިރާނީ ސްޕެޝަލް – ކޯދު“ގެ ޚާއްޞަ އެޕިސޯޑްގައި ބައިވެރިވުމަށް ކިޔުންތެރިންނަށް ދަޢުވަތު އަރުވަމެވެ.

“ޝިރާނީ ސްޕެޝަލް – ކޯދު“ގެ ޚާއްޞަ އެޕިސޯޑްގެ ލިންކަށް ކްލިކްކޮށްލައި ނޮޓިފިކޭޝަން އޮންކޮށްލައްވައި ޝޯވ އާއި ގުޅިލައްވަން ތައްޔާރަށް ތިއްބަވާށެވެ. މިއީ މި ޕްރޮގްރާމްގެ 69 ވަނަ އެޕިސޯޑްކަން ފާހަގަކޮށްލަމެވެ.

“ޝިރާނީ ސްޕެޝަލް – ކޯދު“ގެ ލިންކް https://www.clubhouse.com/join/muniavas/x9sbxTfS/M83jjO78

 

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: