ކަޒްމިކް އިންޓަނޭޝަނަލް އަދި އައިފިލްމްސް އިން އުފައްދަމުން އަންނަ އެންތޮލޮޖީ ސީރީޒް ”މަޒްލޫމް“ގެ ތިންވަނަ ބައި ”މިންޖު“، މި ނޮވެމްބަރު މަހު 12ގައި ބައިސްކޯފަށް ރިލީޒްކުރަން ނިންމައިފިއެވެ.
ފިލްމީ ދާއިރާއަށް އަލަށް ތައާރަފުކުރާ ތާތި އާދަމް އާއި ޗައިލްްޑް އާޓިސްޓް ޒުވެއިލް ޢަލީ ޠާރިޤްގެ އިތުރުން ހުނަރުވެރި އެކްޓަރ އަދި ޑައިރެކްޓަރ ރަވީ ފާރޫޤް މުހިންމު ރޯލުތަކުން ފެނިގެންދާ ”މިންޖު“ އިން ދައްކައިދެނީ ގެވެށި އަނިޔާ ލިބެމުން އަންނަ އަންހެނެއްގެ ވާހަކައެވެ. މި އެޕިސޯޑުން މަޒުލޫމެއްގެ ގޮތުގައި ތާތި އާއި ޒުވައިލް ވެސް ފެނިގެންދާނީ މަޒުލޫމެއް ނުވަތަ ވިކްޓިމްއެއްގެ ގޮތުގައެވެ.
”މި އެޕިސޯޑްވެސް އިންނާނީ ކުރީގެ ދެ އެޕިސޯޑާ ގުޅިފަ. މިއީވެސް ހަމަ ސޯޝަލް އިޝޫއަކަށް ހަދާފައިވާ ފިލްމެއް.“ އިއްލެ ބުންޏެވެ. ހަތަރު ބަޔަކަށް ބަހާލައިގެން ދައްކާ މަޒްލޫމްގެ މިއަށްފަހު ދެން އޮންނާނީ އެންމެ ފަހު ބައިގެ މަސައްކަތް ކަމަށް ވެސް އިއްލެ ބުންޏެވެ.
މަޒްލޫމްގެ ފުރަތަމަ ބައިން ދައްކުވައިދިނީ ރޭޕް ކޭސްއެއްގެ ވާހަކައެވެ. ދެވަނަ ބައި ކަމުގައިވާ ”ޒައްރޫކް“ އިން ދައްކުވައިދީފައި ވަނީ މައިންބަފައިންގެ ފަރާތުން އަޅައިލުން ލިބެންވާ ވަރަށް ނުލިބުނު ކުޑަ ކުއްޖަކަށް ދިމާވާ ނަފްސާނީ މައްސަލަތަކެއްގެ ވާހަކައެވެ. މި ދެ ބަޔަށް ވެސް ބެލުންތެރިންގެ ހޫނު ތަރުހީބެއް ލިބިފައިވެއެވެ.
View this post on Instagram
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
