މިއުޒިކީ ލެޖެންޑް އަދި ކުޅިވަރުގެ ދަނޑުގައިވެސް ބޮޑު މަޝްހޫރުކަމެއް ހޯދި އަހުމަދު ރިޒާ (ތަރަބޫޒު ރިޒާ) މިއަދު ނިޔާވެއްޖެ އެވެ.
އުމުރުން 67 އަހަރުގައި ރިޒާ ނިޔާވީ ހިތުގެ ސީރިއަސް މައްސަލަތަކަކަށް ފަރުވާ ހޯދަމުންދާތާ ވަރަށް ގިނަ އަހަރުތަކަކަށް ފަހު އެވެ. އޭނާ ނިޔާވީ ހާލު ގޯސްވެ ރޭގެ ވަގުތެއްގައި އައިޖީއެމްއެޗަށް ގެންގޮސް ފަރުވާ ދެމުން ދަނިކޮށެވެ. ރެއިން ފެށިގެން ރިޒާ އޮންނެވީ ވެންޓިލޭޓަރުގައެވެ.
ރިޒާއަކީ މިއުޒިކުގެ ދާއިރާގައި ވަރަށް ފާހަގަކޮށްލެވޭ ފަންނާނެކެވެ. ލަވަ ކިޔުމުގައިވެސް ބޮޑު މަޝްހޫރު ކަމެއް ހޯއްދެވިއެވެ. އަދި އަމިއްލަ ބޭންޑެއް އުފައްދައިގެން ދެމުން ދިޔަ ޝޯތަކަށް އާންމުންގެ ބޮޑު ތަރުހީބެއް ލިބިފައިވެއެވެ. މީގެ އިތުރުން ރިޒާ ސްޓޫޑިއޯ އަކީ ލަވަ ރެކޯޑުކުރުމުގައި ވެސް ނުވަދިހައިގެ އަހަރުތަކުގައި ބޮޑު މަގުބޫލުކަމެއް ހޯދާފައިވާ ސްޓޫޑިއޯ އެކެވެ.
ކުޅިވަރުގައިވެސް އޭނާގެ ނަން ހާއްސައެވެ. އެއީ މޮޅު ރެފްރީއެކެވެ. ލައިސްމަނެކެވެ. ފުޓްބޯޅަ ކުޅުންތެރިއެކެވެ. އަދި ހޮކީގައިވެސް ވިދާލިއެވެ.
ރިޒާގެ ޖަނާޒާ އޮތީ މިރޭ އިޝާ ނަމާދަށް ފަހު އާސަހަރާއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 15 އޭޕްރިލް 2025ޚަބަރު“ޓޫ އޮފް އަސް” ގެ ތިންވަނަ ހުށައެޅުން މާދަމާ ހަވީރު
- 15 އޭޕްރިލް 2025ޚަބަރު“ސޮރީ” ގެ ފުރަތަމަ 05 ޝޯގެ ޓިކެޓް ބުކިން ފުލްވެއްޖެ
- 15 އޭޕްރިލް 2025ޚަބަރު“އަބަދަށް” ފިލްމުގެ ފުރަތަމަ ޝޯގެ ޓިކެޓް ވިކި ހުސްވެއްޖެ
- 15 އޭޕްރިލް 2025ޚަބަރު“ސޮރީ” ގެ ފުރަތަ ޝޯގެ ޓިކެޓް ބުކިން ގަޑިއެއްހާއިރު ތެރޭ ފުލްވެއްޖެ
