ފިލްމު “ގަންގޫބާއީ ކަތިއާވާޅީ”ގެ ޓީޒަރ ނެރުނު ފަހުން، މި ފިލްމަށް ކުރެވޭ އިންތިޒާރު މިވަނީ ދެގުނައަށް އިތުރުވެފަ އެވެ. ފިލްމު ރިލީޒްކުރާނެ ތާރީޚަކީ މިމަހުގެ 25 ވަނަ ދުވަސްކަން ދާދިފަހުން އިޢުލާނުކުރުމާއެކު ފިލްމަށް އިންތިޒާރުކުރާ ފަރާތްތަކުން މިހާރު ތިބޭނީ ދުވަސްތައް ގުނަގުނާ ކަން މިއީ ޔަޤީންވާ ކަމެކެވެ. މީގެ އިތުރުން މި ފިލްމުގެ ޓްރެއިލަރ މިމަހުގެ 04 ވަނަ ދުވަހު ރިލީޒްކުރުމަށްވެސް ވަނީ ނިންމާފައެވެ.

“ގަންގޫބާއީ ކަތިއާވާޅީ”ގައި އަޖޭ ދޭވްގަން ފެނިގެންދާނެ ގޮތް މިއަދުގެ ވަގުތެއްގައި އަޖޭގެ އިންސްޓަގްރާމު މެދުކޮށް އާއްމުކުރުމާއެކު މި ފިލްމަށް ކުރެވޭ އިންތިޒާރު އަނެއްކާވެސް މިވަނީ ދެގުނައަށް އިތުރުވެފައެވެ.

 

View this post on Instagram

 

A post shared by Ajay Devgn (@ajaydevgn)

ފިލްމު ރިލީޒްކުރާނެ ތާރީޚާއެކު އަޖޭ ފެނިގެންދާ ޕޯސްޓަރުގައި އަޖޭ ހުންނަނީ ރަސްމީ ހެދުމެއްގައެވެ. ހުދު ގަމީހަކާއި ކްރީމް ކުލައިގެ ފަޓުލޫނެއް ލައިގެންނެވެ. ގަމީހުގެ މަތިން، އަޅިކުލައިގެ ކޯޓެއް ލާފައި ހުންނަނީ ނަވާބުން އަޅާ ކަހަލަ ތާކިހަލެއް އަޅައިގެންނެވެ. ނޫކުލައިގެ ދުވަސްވީ މޮޑަލެއްގެ ކާރެއްގައި ލެނގިލައިގެން އޭނާ ހުންނަނީ ‘އާދާބް’ އޭ ބުނެ ސަލާމްކުރާ ގޮތަށް ހުއްޓިލައިގެންނެވެ.

“އަޕްނީ ޕެހެޗާން ސޭ ޗާރް ޗާންދު ލަގާނޭ، އާ ރަހޭ ހޭ ހަމް.” ޕޯސްޓަރު އާއްމުކުރަމުން އަޖޭ ބުނެފައިވެއެވެ.

މި ފިލްމުގައި އާލިއާ ބަޓް އަދި އަޖޭ ދޭވްގަނގެ އިތުރުން ވިޖޭ ރާޒް، އިންދިރާ ތިވާރީ، ސީމާ ޕަހްވާ އަދި އިމްރާން ހާޝްމީ ވެސް މުހިންމު ރޯލުތަކުގައި ހަރަކާތްތެރިވެއެވެ.

ސަންޖޭ ލީލާ ބަންސާލީ ޑައިރެކްޓްކޮށްފައިވާ މި ފިލްމަކީ ހުސައިން ޒައިދީ ލިޔެފައިވާ ”މާފިއާ ކުއީންސް އޮފް މުމްބާއީ“ ގައި ހިމެނޭ ޙަޤީޤީ ހާދިސާއެއް ކިޔައިދޭ ފިލްމެކެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: