ބޫޓް، އަތްދަބަސް ނުވަތަ އެހެންވެސް ބައެއް ތަކެތި ގަންނައިރު، އޭގެ ތެރޭގައި ކުޑަކުޑަ ސިލިކާ ޕެކެޓެއް އޮންނަކަން ފާހަގަ ކުރެވޭނެ އެވެ. ހުދުކުލައިގެ ކުދިކުދި އޮށްތަކެއް ކަހަލަ އެއްޗެއް އަޅާފައި އޮންނަ އެ ޕެކެޓްގެ ބޭރުގައި ‘ޑޫ ނޮޓް އީޓް’ (ނުކާތި) މިހެން ލިޔެފައި އޮތުމުންނާއި އެއީ އެއްވެސް ބޭނުމެއް ކުރެވޭނެ އެއްޗެއްކަން ނޭނގޭތީ އާއްމުގޮތެއްގައި އެ ޕެކެޓަކީ ވަގުތުން ކުނިވަށިގަނޑަށް އެއްލާލެވޭ އެއްޗެކެވެ. އެހެންނަމަވެސް މި ޕެކެޓުން ކުރެވިދާނެ ތަފާތު ގިނަގުނަ ބޭނުންތައް އެނގިއްޖެނަމަ، މީގެ ފަހުން މިފަދަ ޕެކެޓް އެއްލައިނުލާނެކަން ވަރަށް ބޮޑަށް ޔަޤީން ކުރެވެ އެވެ. އަދި މި ސިލިކާ ޕެކެޓަކީ އާއްމު ދިރިއުޅުމުގައި ކުރިމަތިވާ އެތައް މައްސަލަތަކެއް ހައްލުކޮށްދޭ އެހީތެރިއަކަށް ހެދިދާނެ އެވެ.

ސިލިކާ ޖެލް ޕެކެޓުން ކުރެވިދާނެ ތަފާތު ބޭނުންތައް

މުގުރާފައި ހުންނަ ހަވާދުގެ ބާވަތްތައް ގަނޑުވުމުން ދުރުކުރުމަށް

ބަދިގެ އަކީ ގޭތެރޭގެ ތަންތަނުގެ ތެރެއިން ތެތްކަން ހުންނަ ތަނެކެވެ. އެގޮތަށް ތެތްކަން ހުރުމަކީ މުގުރާފައި ހުންނަ ހަވާދުގެ ބާވަތްތަކާއި ހަކުރު ފަދަ ތަކެއްޗަށް އެހައި ރަނގަޅު ކަމެއް ނޫނެވެ. އެފަދަ ތެތްކަމުގެ ސަބަބުން އެއެއްޗެހީގެ ތެރޭގައި ގަނޑުލާގޮތް ވެއެވެ. އެހެންނަމަވެސް، ބަދިގޭ ކަބަޑު ތެރޭގައި މުގުރި ހަވާދުގެ ބާވަތްތައް ގަނޑުވިޔަ ނުދީ ބެހެއްޓިދާނެ އެވެ. ހަވާދު އަޅާފައި ހުންނަ ދަޅު ތެރޭގައި ސިލިކާ ޕެކެޓެއް، ޓޭޕްކޮޅެއް ލައިގެން ތަތްކޮށްލާފައި ބަހައްޓާށެވެ. އޭރުން ދަޅުތެރޭގައި ހުންނަ ތެތްކަން ނުވަތަ ލޮލަށް ނުފެންނަވަރުގެ ކުދިކުދި ފެންތިކިތައް ސިލިކާ ގެ ތެރެއަށް ދަމާލާނެ އެވެ.

މޯބައިލް ފޯނު ހިއްކައިލުމަށް

ފެން އެއްޗެއްގެ ތެރެއަށް ފޯނުވެއްޓި ފޯނަށް ފެން އެޅިއްޖެނަމަ، ވީއެންމެ އަވަހަކަށް ފޯނުގެ ބެޓެރީ ނައްޓާލާށެވެ. ސިމް ކާޑާއި މެމޮރީ ކާޑުވެސް ނަގާށެވެ. އެއަށްފަހު ބޯތަށްޓެއް ކަހަލަ އެއްޗެއްގެ ތެރެއަށް ސިލިކާ ޕެކެޓްތަކެއް އެޅުމަށްފަހު އޭގެ ތެރޭގައި ފޯނު ބާއްވާށެވެ. ސައުވީސް ގަޑިއިރު ބޭއްވުމަށްފަހު ފޯނު ބޭނުންކުރަން ފަށާށެވެ.

ލިޔެކިޔުންތައް ރައްކާތެރިކޮށް ބެހެއްޓުމަށް

އުފަންދުވަހުގެ ސެޓްފިކެޓް، ކައިވެނީގެ ސެޓްފިކެޓް ފަދަ މުހިންމު ލިޔެކިޔުންތައް ހަލާކުވިޔަނުދީ ގިނަދުވަހު ބެހެއްޓުމަށްޓަކައި އެއެއްޗެހި ލާފައި އޮންނަ ސިޓީއުރަ ނުވަތަ އެހެންވެސް އެއްޗެއްގެ ތެރެއަށް ސިލިކާ ޖެލް ކޮތަޅެއް ލާފައި ބާއްވާށެވެ.ތަންތަން ޑެކަރޭޓް ކުރުމަށް ބޭނުންކުރާ ކަރުދާސްފަދަ ތަކެތި ގިނަދުވަހު ހަލާކުވިޔަނުދީ ބެހެއްޓުމަށްޓަކައި ވެސް ހަމަ ކުރިން މިބުނިގޮތަށް އަމަލުކުރެވިދާނެ އެވެ.

ވަގުތު ކުޑަތަންވެގެން އުޅޭއިރު އަންނައުނު ހިއްކުމަށް

ތަންކޮޅެއް އަވަހަށް ހިއްކަންޖެހޭ ބައެއް ތަކެތި ހުރެއެވެ. މިސާލަކަށް ދަތުރެއް ނިންމާފައި ފުރަންދާން އުޅޭވަގުތު، ގައިހިއްކަން ބޭނުންކުރި ތުވާލި އޮންނާނީ ކޮންމެވެސް ވަރަކަށް ތެމިފައެވެ. ފޮށްޓަން ލުމުގެ ކުރިން ތުވާލި ހިއްކައިލަން ވަގުތު އޮންނާނީ ނުލިބިފައެވެ. މައްސަލައެއް ނެތެވެ. ސިލިކާ އަކީ މިކަމަށްވެސް ހައްލެކެވެ. ތުވާލީގެ ތެރެއަށް ސިލިކާ ޕެކެޓް ކޮޅެއް އަޅާފައި ބާއްވާށެވެ. ކޮންމެވެސް މިންވަރަކަށް ތެތްކަން ކަނޑުވައިލާނެ އެވެ.

ރޭޒަރު ތިލައިގައި ދަބަރުޖެހުމުން ދުރުކުރުމަށް

ހާމަ ތަނެއްގައި އާދައިގެ ރޭޒަރުތިލަ ބާއްވާފައި އޮންނައިރު، ވައިގެތެރޭގައި ހުންނަ އޮކްސިޖަން އާއި ވައިގެ ތެތްކަމުގެ ސަބަބުން ތިލައިގެ ކުލަމަރުވެ، ދަބަރުޖަހާގޮތް ވެއެވެ. ރޭޒަރުތިލަ ނޫނަސް، ބޭނުންނުކޮށް ފޮށީގައި ނުވަތަ އުރައިގައި އޮންނަ ކަޓަރުތިލައަށް ވެސް މި މައްސަލަ ކުރިމަތިވެ އެވެ. މިކަން ހައްލުކުރުމަށްޓަކައި ސިލިކާ ޖެލް ޕެކެޓް އަޅާފައިވާ އެއްޗެއްގެ ތެރޭގައި ތިލަ ބާއްވާށެވެ.

ޖިމަށް ދާން ގެންގުޅޭ ދަބަސް ތާޒާކޮށް ބޭއްވުމަށް

ޖިމަށް ދާން ގެންގުޅޭ ދަބަސްތެރޭގައި އަބަދުވެސް ސިލިކާ ޕެކެޓްކޮޅެއް ބަހައްޓާށެވެ. އޭރުން ދަބަހުގެ އެތެރެ އޮންނާނީ ތާޒާކޮށެވެ. ސިލިކާގެ ސަބަބުން ދަބަސްތެރޭގައި ހުންނަ ތެތްކަން ސިލިކާ އަށް ދަމައިގަންނާނެ އެވެ. ނަތީޖާއެއްގެ ގޮތުން ބެކްޓީރިއާ އުފެދުން މަދުކޮށް ނުބައިވަސް ދުވުމުންވެސް ދުރުކޮށްދޭނެ އެވެ.

ފިނިވުމުގެ ސަބަބުން ވައިގެ ތެތްކަން ފެނަށް ބަދަލުވެ އުފެދޭ ފެންތިކިތައް ކެމެރާގައި އުފެދުނަ ނުދިނުމަށް

ފިނިމޫސުމުގައި ބޭރުވެށީގައި (އައުޓްޑޯ ގައި) ފޮޓޯނަގަން އުޅެފައި ހޫނުތަނަކަށް ވަނުމުން ކެމެރާ އާއި ލެންސްގަައި ކޮންޑެންސޭޝަން ގެ ސަބަބުން ފެންތިކި އުފެދެ އެވެ. މިކަން ހައްލުކުރުމަށް، ކެމެރާގެ ބެޓެރިއާއި މެމޮރީ ކާޑާއި ލެންސް ނެގުމަށްފަހު ސިލިކާާ ޕެކެޓް އަޅާފައިވާ އެއްޗެއްގެ ތެރެއަށް ކެމެރާ ލާފައި ބާއްވާށެވެ.

ޖަނަވާރަަށް ކާންދޭ ކާނާ ގިނަދުވަހު ބެހެއްޓުމަށް

ޖަނަަވާރަށް ކާންދޭން ގެންގުޅޭ ކާނާ ޕެކެޓް ތެރެއަށް ސިލިކާ ޖެލް ޕެކެޓެއް ލާފައި ބާއްވާށެވެ. ފެނުގަައި ގެންގުޅޭ މަހަށް ކާންދޭން ތައްޔާރުކޮށްފަައި ހުންނަ ކާނާ އާއި ބުޅަލަށް ކާންދޭ ކާނާ ގިނަދުވަހަށް ރައްކާކުރުމަށް ސިލިކާ ޕެކެޓް ބޭނުންކޮށްލަން ރަނގަޅުވާނެ އެވެ.

ގަހަަނާގަައި ދަމިލަަޖެހުން ދުރުކުރުމަށް

ވަައިގެ ތެތްކަމުގެ ސަބަބުން ގަހަނާގަައި ދަމިލަަ ޖަަހާގޮތް ވެއެވެ. މިކަމުން ދުރުހެލިވުމަށްޓަކަައި ގަހަނާ އަޅާ ފޮށްޓަށް ސިލިކާ ޕެކެޓް ލާފައި ބަަހައްޓާށެވެ.

ގަހުގެ އޮށް ގިނަދުވަހަށް ބެހެއްޓުމަަށް

އަހަރު ދެއަހަަރު ފަހުން އިންދުމަށް ބަހައްޓަން ބޭނުންވާ އޮށްތަައް ސިޓީއުރައެއް ފަދަ އެއްޗަކަށް އެޅުމަށްފަހު އޭގެ ތެރެއަށް ސިލިކާ ޕެކެޓެއް ލާާފައި ބަހައްޓާށެވެ.

އަވަަހަށް މާ ހިއްކަން ބޭނުން ނަމަ އެކަމަަށް

ޒީނަތްތެރިކުރުމަށް ނުވަތަ އާޓް މަަސައްކަތް ކުރުމަށް މާ ހިއްކުމަކީ ބަައެއް މީހުން ކޮށްއުޅޭ ކަމެކެވެ. ނަމަވެސް މަލެއް އޭގެ ޒާތުގައި ހިކުމަށް ގިނަދުވަސްތަކެއް ނަގާކަމީ ބައެއްފަހަރަށް ހިތްނުތަވަަސް ވެދާނެ ކަަމެކެވެ. ކަންބޮޑުނުވާށެވެ. އަވަހަށް މާ ހިއްކުމަށް ބޭނުންނަަމަ ޕްލާާސްޓިކް ކޮތަަޅެއްގެ ތެރެއަށް މާތައް އެޅުމަަށްފަހު އޭގެ ތެރެއަށް ސިލިކާ ޕެކެޓް އަޅާާފަައި ބައްޓާށެވެ.

ކުޑަދޮރުގައި ވައިގެ ތެތްކަން ފެނަށް ބަދަލުވެ އުފެދޭ ފެންތިކިތައް އުފެދުނަ ނުދިނުމަށް

ކުޑަދޮރުގެ ބިއްލޫރިގަަނޑުގައި ސިލިކާ ޕެކެޓް ތަައްކޮށްލާފަައި ބަަހައްޓާށެވެ. ވެހިކަލްގެ ވިންޑްޝީލްޑްގަައިވެސް މިގޮތަށް ބޭނުންކޮށްލެވިދާނެ އެވެ.

މަސްދަރު: ހެލްތީ ފުޑް ޗޮއިސަސް

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: