ތަޢާރަފު:

ބޮލީވުޑްގެ ޑްރާމާ ސީރީޒް “އިމްލީ”ން މަޝްހޫރުވެގެން ދިޔަ ފަހްމާން ޚާން އަކީ މޮޑެލްއެއްގެ އިތުރުން ޓީވީ ސީރީޒް އެކްޓަރެކެވެ. އިންޑިއާގެ ބެންގަލޫރުގައި 04 ސެޕްޓެމްބަރު 1990ވަނަ އަހަރު އުފަންވި ފަހްމާން އަކީ މުސްލިމު ޢާއިލާއަކަށް ނިސްބަތްވާ މީހެކެވެ.

ފަހްމާންގެ އެއްބަނޑުއެއްބަފާ ފިރިހެން ކޮއްކޮއެއް ހުރެއެވެ. އެއީ ފަހްރޯޒް ޚާން އެވެ ކުރިންވެސް ފާހަގަކުރެވުނު ގޮތަށް ފަހްމާން މަޝްހޫރުވީ ޑްރާމާ ސީރީޒް “އިމްލީ”ގައި އޭނާ ކުޅެފައިވާ އާރްޔަން ސިންހ ރާޓޯރްގެ ރޯލުންނެވެ. “އިމްލީ” ސީރީޒުން ފެނުމުގެ ކުރިން ފަހްމާން ވަނީ އިތުރު ބައެއް ސީރީޒްތަކުގަައި ހަރަކާތްތެރިވެފަ އެވެ. އޭގެ ތެރޭގައި “އަޕްނާ ޓައިމް ބީހ އާޔޭގާ”، “މެރޭ ޑޭޑް ކީ ދުލްހަން”، “އިޝްޤް މެއިނ މަރްޖާވާން” ހިމެނެ އެވެ. އޭގެ ފަހުން އޭނާ ބައެއް ފިލްމުތަކުންވެސް ފެނިފައިވެ އެވެ.

ފަހްމާން އަދި ހުރީ ހުސްހަށިބަޔަށެވެ. މިވަގުތު އޭނާގެ މީސް މީޑިއާ މަންސަަތަކުގައި ‘ސިންގަލް’ ކަމަށް ސްޓޭޓަސް ޖަހާފައި ވިޔަސް، އޭނާ ރައްޓެހިވެގެން އުޅުނީ ނޭހާ ޖާވިދު އާ ކަމަށް މީޑިއާ ރިޕޯޓްތައް ބުނެއެވެ. ކުރުކޮށް ބުނާނަމަ، ފަހްމާން ހުރީ އޭނާގެ އެކްޓިންއަށް ވަގުތު ހުސްކޮށްގެން އެކަމާ ފިސާރިވެގެން ފިލްމީ ދާއިރާގައި ކުރިއަށް ދިއުމަށް ފައިތިލަސާބިތުކޮށްގެންނެވެ.

ވަނަވަރު:

ނަން: ފަހްމާން ޚާން

ވަނަން: ޝާއިޒް

ބައްޕަގެ ނަން: ޝާހްބާޒް ރަހްމަތު

މަންމަގެ ނަން: ފައިޖާނާ ޝަހްބާޒް

އުފަން ތާރީޚް: 04 ސެޕްޓެމްބަރު 1990

އުފަންވީ ތަން: ބެންގަލޫރް – އިންޑިއާ

ދިރިއުޅޭތަން: މަހާރާޝްތުރާ

އުމުރު: 31 އަހަރު

މުނިފޫހިފިލުވުމަށް ކުރާ ކަންކަން: ތަންތަނަށް ދަތުރުކުރުން ، ނެށުން

ދީން: އިސްލާމް

އިސްކޮޅާއި ބަރުދަން އަދި ބޭރުފުށުގެ ސިފަތައް:

ސަމައްތަރުހެޔޮ ހަށިގަނޑަކާއި ރީތި ސޫރައެއް ލިބުމަކީ ފިލްމީ ދާއިރާގައި އެކްޓަރުންނަށް ތާއިދުކުރާ މީހުން ގިނަވާނެ ކަމެއް ކަމާމެދު އެއްވެސް ޝައްކެއް ނެތެވެ. އެހެންކަމުން ކޮންމެ އެކްޓަރަކުވެސް އޭނާގެ ހަށިގަނޑު ރީތިކޮށް ބެހެއްޓުމަށް ގިނަގުނަ މަސައްކަތްތަކެއް ކުރާނެ އެވެ. ފަހުމާން އަކީ މީހުން ހިތްދަމައިގަންނަ ފަދަ ރީތިކަމެއް ލިބިފައިވާ އެކްޓަރެކެވެ. އޭނާގެ ހަށިގަނޑު ރީތިކޮށް ބެހެއްޓުމަށްޓަކައި ޖިމަށް ދެއެވެ. ބަރާބަރަށް ކަސްރަތުކުރެ އެވެ. ފަހުމާންގެ އިސްކޮޅުގައި ހުންނަނީ ފަސް ފޫޓް އަށް އިންޗި އެވެ. ބަރުދަނުގައި ހުންނަނީ 80ކިލޯ އެވެ. ލޮލުގެ ކުލައަކީ މުށިކުލަ އެވެ. އިސްތަށިގަނޑު ކަޅެވެ.

ފިލްމީ މަސައްކަތް:

ފަހްމާން މުނިފޫހިފިލުވުމުގެ ދާއިރާއަށް ނުކުތީ އޭނާގެ ވަރަށް ޒުވާން އުމުރުގަ އެވެ. އެންމެ ފުރަތަމަ އޭނާ މޮޑެލްކުރަން ފެށި އެވެ. އެއަށްފަހު ފިލްމުތަކުގައި އެތައް އަހަރެއް ވާންދެން އޭނާ މަސައްކަތްކުރި އެވެ. 2015ގައި ރިލީޒްކުރި “ޔެ ވާދާ ރަހާ” ގައި މުހިންމު އެހެނަސް ކުޑަކުޑަ ރޯލެއް އޭނާ ކުޅުނެވެ. މީގެ އިތުރުން ކުރު ފިލްމު “އޯވަރ ޖޮއިންޓްސް”ގައި އޭނާ ފެނިގެންދިޔަ އެވެ.

އޭނާ ކުޅެފައިވާ ސީރީޒްތަކުގެ ތެރޭގައި “އަޕްނާ ޓައިމް ބީހ އާޔޭގާ”، “މެރޭ ޑޭޑް ކީ ދުލްހަން”، “އިޝްޤް މެއިނ މަރްޖާވާން” އަދި “އިމްލީ” ހިމެނެ އެވެ. އޭނާ އެންމެ ބޮޑަށް މަޤުބޫލުވީ ޒީޓީވީން ދެއްކި ޝޯވ “އަޕްނާ ޓައިމް ބީހ އާޔޭގާ”ގައި އޭނާ ކުޅުނު ލީޑް ރޯލުންނެވެ. ފަހްމާން އަކީ ކުރު ފިލްމުތަކާއި ވެބް ސީރީޒްތަކުގައި ވަރަށް ހަރަކާތްތެރި ފަންނާނެކެވެ. “ގަންދީ ބާތު 2” ވެބް ސީރީޒްގައި އޭނާ ހަރަކާތްތެރިވި އެވެ.

ފަހްމާން އަކީ ފެޝަން އެޑިޓަރެއްގެ އިތުރުން ކޮސްޓިއުމް ޑިޒައިނަރެކެވެ.

ޒާތީ ދިރިއުޅުން:

ކުރިންވެސް ފާހަގަކުރެވު ފަދައިން ފަހްމާން އުޅެނީ ކުއްޖަކާ ރައްޓެހިވެގެން ކަމަށް ބައެއް މަސްދަރުތައް ބުނެ އެވެ. ނަމަވެސް އޭނާގެ މީސް މީޑިއާ މަންސަތަކުގައި ‘ސިންގަލް’ ކަމަށް ބުނެފައިވެ އެވެ. ދިރިއުޅެމުން ގެންދަނީ މުންބާއީގަ އެވެ.

މާލިއްޔަތު:

ފަހްމާންގެ މައިގަނޑު ވަޒީފާއަކީ އެކްޓިން އެވެ. އެންމެ އެޕިސޯޑެއް ކުޅުމަށް އޭނާގެ އަގަކީ 30000 (ތިރީސް ހާސް) އިންޑިއަން ރުޕީސް އެވެ. އޭނާގެ ޖުމްލަ މާލިއްޔަތުގެ އަގު އުޅެނީ ގާތްގަނޑަކަށް އެއް މިލަޔަނެވެ. ބީއެމްޑަބަލިޔޫ ތުރީޓްވެންޓީ-އައި ގެ ވަރަށް ހިތްގައިމު ކާރެއް އޭނާގެ އަތުގަައި އޮވެއެވެ. އެއީ އޭނާ އެންމެ އާއްމުކޮށް ބޭނުންކުރާ ކާރެވެ.

މީސް މީޑިއާ އަދި ފޭނުން:

ފަހްމާންގެ މީސް މީޑިއާ މަންސަތަކުގައި އޭނާއަށް ފޮލޯކުރާ ވަރަށް ގިނަ އަދަދެއްގެ ފޭނުން ތިބެ އެވެ. އޭނާގެ ފޮޓޯތައް، މަސައްކަތުގެ މާހައުލުގައި ނަގާފައި ހުންނަ ކުރު ވީޑިއޯގެ އިތުރުންވެސް އޭނާގެ ބައެއް ހަރަކާތްތައް މީސް މީޑިއާގައި ހިއްސާކުރެ އެވެ. ފަހްމާން ރައްޓެހިވެގެން އުޅޭ ކުއްޖާއާ އެކުގައި ނަގާފައި ހުންނަ ވަރަށް ގިނަ ފޮޓޯތައް އޭނާ ހިއްސާކުރެ އެވެ. ނަމަވެސް މި ދުވަސްކޮޅު އެންމެ އާއްމުކޮށް ފެންނަނީ އިމްލީ ސީރީޒްގެ ލީޑް ސުމްބުލް ތަޢުޤީރް އާއި އެ ސީރީޒްގެ އެހެން ބައެއް ކާސްޓުންނާއެކު ނަގާފައި ހުންނަ ފޮޓޯތަކާއި ކުރު ވީޑިއޯއެވެ.

މީސް މީޑިއާ ލިންކްތައް:

ފޭސްބްކް
އިންސްޓަގްރާމް

ނިންމައިލުން:

ފަހްމާން އަށް ލިބިފައިވާ މަޝްހޫރުކަމާއި މަޤުބޫލުކަމަކީ ޚުދު އޭނާގެ އަމިއްލަ ބުރަ މަސައްކަތުގެ ފޮނި ނަތީޖާ އެވެ. އޭނާގެ ކުރިމަގު ފެންނަނީ ބޮލީވުޑްގެ ކުރިމަގުގައި އަލިގަދަކޮށް ފިޔަޖަހަމުންދާނެ ތަރިއެއްގެ ގޮތުގައެވެ. މަސައްކަތްކުރާ މީހުންގެ މިލްކުގައިވާ “ކާމިޔާބީ”އަކީ އޭނާއަށްވެސް ޙައްޤު އެއްޗަކަށް ވާނެ އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: