އިނިގިރޭސިވިލާތުގެ އަމީރާއެއްގެ ގޮތުގައި ހުންނެވި ޑަޔާާނާގެ ހަޔާތް ދައްކުވައިދޭ ޕާކިސްތާނު ސީރީޒް “މޭރީ ޝެހްޒާދީ”ގައި ޑަޔާނާގެ ގޮތުގައި ފެނިގެންދާނީ ޕާކިސްތާނުގެ ހިތްގައިމު އެކްޓްރެސް އުރްވާ ޙުސައިން ކަމަށް ރިޕޯޓްތައް ބުނަން ފަށައިފި އެވެ.
މި ޑްރާމާ ސީރީޒްގައި ދައްކުވައިދޭނީ ޕްރިންސެސް ޑަޔާނާގެ ފަރިފަރި އެހެނަސް ހިތާމަވެރި ދިރިއުޅުމުގައި ހިނގައިދިޔަ ކަންތައްތަކަށް ބިނާކޮށް ޕާކިސްތާނުގެ ސިޔާސީ އާއިލާއަކަށް ނިސްބަތްވާ ދާނިޔާގެ ދިރިއުޅުން ކަމަށް އާއްމުކޮށްފައި ޕްރޮމޯތަކުން ފާހަގަވެ އެވެ.
މިހާތަނަށް ނެރުނު ޕްރޮމޯތަކުން ފެންނަނީ ސިޔާސީ ޝަޚުޞިއްޔަތެއް ކަމުގައިވާ އަދި ހިތްތަކުގެ ޕްރިންސެސްއެއް ކަމަށްވާ ދާނިޔާ ފުރާފުރިހަމަވާ ފަހުން އޭނާގެ ހަޔާތަށް ކުރިމަތިވާ ހިތާމަވެރި ކަންތައްތަކެއްގެ ވާހަކަ އެވެ.
މި ޑްރާމާ ލިޔުނީ މަޝްހޫރު ލިޔުންތެރިއެއް ކަމަށްވާ ޒަންޖަބީލް އާސިމް ޝާހު އެވެ. އޭނާ އަކީ “ޕިޔާރު ކޭ ޞަދްގޭ”ގެ ސްކްރީންޕްލޭ ލިޔުނު ސްކްރީން ރައިޓަރެވެ. މި ސީރީޒް ޑައިރެކްޓްކުރަނީ ޤާސިމް އަލީ މުރީދު އެވެ.
“މެރީ ޝެހްޒާދީ”ގެ ލީޑް ރޯލުން ފެނިގެންދާނީ އުރްވާ ޙުސައިން، އަލީ ރަހްމާން، ޝަބީރު ޖާން، އަދި ޣާވީ ޚާން އެވެ.
އުރުވާ ޙުސައިނަށް ފާހަގަކޮށްލެވޭ ފަދަ މަޝްހޫރުކަމެއް ލިބުނީ “ނީލީ ޒިންދާ ހޭ”، “ޕަރިޒާދު”، އަދި “އުދާރީ” ފަދަ ޑްރާމާތަކުންނެވެ.
މި ސީރީޒް ދައްކަން ފަށާނީ އަންނަ އޮކްޓޫބަރު މަހުގައި ކަމަށް ރިޕޯޓްތައް ބުނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 އޭޕްރިލް 2025ހޮލީވުޑް“ޓޫ އޮފް އަސް” އިން ހުށައެޅީ ބަދަން ޕޭ ސިތާރޭގެ ޓޫ ޕޮއިންޓް އޯ ވާރޝަނެއް – ޝްރަދާ ޕަންޑިތު
- 19 އޭޕްރިލް 2025ޚަބަރު“ޓޫ އޮފް އަސް” ބޭންޑްގެ ހަތަރުވަނަ ހުށައެޅުން 19 އޭޕްރީލްގައި
- 19 އޭޕްރިލް 2025ޚަބަރުޑާކް ރެއިންގެ ޕްރޮޖެކްޓް 37 ގެ ނަން މިމަހު ހާމަކުރަނީ
- 18 އޭޕްރިލް 2025ޚަބަރުޝާރިފް އަންގަނީ “ހޯދުނު ގޮތަކަށް ހޯދަން”
