📼 ރަންބީރް ކަޕޫރް އަދި އާލިޔާ ބަޓް ލީޑުން ފެނިގެންދާ ފިލްމު “ބްރަހްމަސްތުރާ” ދުނިޔޭގެ ބޮކްސް އޮފީހުގެ އެންމެ އުހަށް ޖެހިލައި 300 ކްރޯޑް ރުޕީސް ހޯދާފައިވޭ.

އަޔާން މުކްރަޖީގެ “ބްރަހްމަސްތުރާ” އަށް ދުނިޔޭގެ ބޮކްސް އޮފީހުގެ އެއްވަނަ މަގާމު ހާސިލުކުރެވި، ފިލްމު ރިލީޒްކުރިތާ ދިހަ ދުވަހަށް ވުރެންވެސް ކުރު މުއްދަތެއްގެ ތެރޭގައި އިންޑިއަން ރުޕީސްގެ 300 ކްރޯޑްގެ ނަފާ ހޯދައިފި އެވެ.

ޑައިރެކްޓްރ/ޕްރޮޑިއުސަރ ކަރަން ޖޯހަރް، މި ކާމިޔާބީ ފާހަގަކުރުމަށްޓަކައި، މިކަމާ ގުޅޭ ޚާއްޞަ ޕޯސްޓެއް އިންސްޓަގްރާމުގުގައި ޖަހާފައިވެ އެވެ. އެ ޕޯސްޓްގައި ކަރަން ޖޯހަރް ލިޔެލާފައިވަނީ: “ލޯތްބާއި އަލިކަން ބޮކްސް އޮފީހުގެ އެއްވަނައިގައި ވެރިކަންކުރަނީ. ދެވަނަ ހަފުތާއަށް މި ޖެހިލަނީ ޝުކުރުވެރިކަމާ ފޯރިއިން ފުރިފައިވާ ހިތަކާއެކު.” މިހެން ނެވެ.

 

View this post on Instagram

 

A post shared by Karan Johar (@karanjohar)

މި ފިލްމު މުޅި ދުނިޔެއަށް ރިލީޒްކުރީ ސެޕްޓެމްބަރު 09ގަ އެވެ. ފިލްމުގެ ލީޑުން ފެނިގެންދާ ރަންބީރް ކަޕޫރް ދާދިފަހުން އޭނާގެ ފޭނުންނަށް އަމާޒުކޮށް މީސް މީޑިއާގައި ކުރި ޕޯސްޓެއްގައި ބުނެފައިވަނީ ބެލުންތެރިންގެ ފަރާތުން ލިބެމުން އަންނަ ލޯތްބަަށްވުރެން ވަކީން ވަރުގަދަ ބްރަހްމަސްތުރާ ނުވަތަ ހަތިޔާރެއް ނުލިބޭނެ ކަމަށެވެ.

އިންޑިއާ ޓްޑޭ އިން ރިޕޯޓްކުރާގޮތުން “ބްރަހްމަސްތުރާ” އަކީ ޓްރިލޮޖީ (އެއް ވާހަކަ އަނެއް ވާހަކައާއި ގުޅިފައިވާ ތިން ވާހަކަ) ހިމެނޭ ފިލްމެއް ކަމަށެވެ. މި ފިލްމުގެ ދެވަނަ ބައި ނެރޭނީ 2025ގައި ކަމަށް އަޔާން މުކަރްޖީ އާ ހަވާލާދީ އެ ނޫހުން ބުނެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: