ތެލުގޫ ފިލްމުތަކުން މަޝްހޫރުކަން ހޯދި އެކްޓަރު ޕްރަބާސްގެ ފިލްމު “އަދިޕުރުޝް” ގެ ޓީޒާއެއް ދައްކާލައިފިއެވެ.
ޕްރަބާސްއާއެކު ސައިފް ޢަލީ ޚާން އާއި ކްރިތީ ސަނަން އިސް ރޯލުތަކުން ފެނިގެންދާ “އަދިޕުރުޝް” ގެ މައިގަނޑު ރޯލުތަކުން ފެނިގެންދާ އިތުރު ތަރިންގެ ތެރޭގައި ސަނީ ސިންގ، ދޭވްދައްތާ ނާގޭ، ވަޓްސަލް ޝެތު، ސޯނަލް ޗޯހަން އަދި ތުރުޕްތީ ތޮރަޑްމާލް ހިމެނެއެވެ.
500 ކްރޯޑްގެ ބަޖެޓަކުން އުފައްދާ “އަދިޕުރުޝް” އަކީ ހިންދޫންގެ ޚުރާފީ ވާހަކައެއް ކަމަށްވާ “ރަމަޔާނާ” އަށް ބިނާކޮށް އުފައްދާ ފިލްމެކެވެ. ފިލްމު ޑައިރެކްޓްކުރަނީ 2020 ގައި “ތާނަޖީ: ދި އަންސަންގް ވޯރިއަރ” ގެނެސްދިން އޯމް ރައުތުއެވެ.
ޓީ-ސީރީޒާއި ރެޓްރޯފައިލްސް އިން ޕްރޮޑިއުސްކުރާ “އަދިޕުރުޝް” ރިލީޒްކުރަން ތާވަލުކޮށްފައިވަނީ އަންނަ އަހަރުގެ ޖެނުއަރީ 12 ގައެވެ. ވަރުގަދަ ވިޝުއަލް އިފެކްޓްތަކަކާއެކު ހިންދީ އަދި ތެލުގޫ ބަހުން އުފައްދާފައިވާ މި ފިލްމު ތަމަޅަ، މަލަޔާލަމް އަދި ކަންނާޑާ ބަހުން ޑަބްކޮށްގެންވެސް އެދުވަހު ރިލީޒްކުރާ ގޮތަށް ވަނީ ނިންމާފައެވެ.
“އަދިޕުރުޝް” ގެ އިތުރުން ޕްރަބާސްގެ ކުރިއަށް ހުރި ފިލްމުތަކުގެ ތެރޭގައި “ސަލާރް” އަދި “ޕްރޮޖެކްޓް ކޭ” ހިމެނެއެވެ. މިދިޔަ ހުކުރު ދުވަހު ރިލީޒްކުރި “ވިކްރަމް ވޭދާ” އިން އެންމެ ފަހުން ސައިފް ފެނުނުއިރު އޭނާގެ ކުރިއަށް ހުރި ފިލްމުތަކުގެ ތެރޭގައި “ގޯ ގޯއާ ގޯން 2” ހިމެނެއެވެ.
ކްރިތީގެ ގިނަ ފިލްމުތަކެއް ކުރިއަށް ހުރިއިރު އޭނާ ދެން އެންމެ އަވަހަށް ފެނިގެންދާނީ ވަރުން ދަވަންއާއެކު “ބޭޅިޔާ” އިންނެވެ. އޭގެ އިތުރުން “ގަނަޕަތު” އަދި “ޝެހެޒާދާ” އަކީވެސް ކްރިތީގެ ކުރިއަށް ހުރި ޝައުޤުވެރި ފިލްމުތަކެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 1 މެއި 2024ވާހަކައިމްނާ
- 16 އޮކްޓޯބަރ 2023ޚަބަރުމާމޮރިސް ބ: ގޮއިދޫ ފުޓްސަލް ފިއެސްޓާ 2023 : ޓީމް ޗަޑްސް އިން އުންމީދު އާކޮށްފި
- 16 އޮކްޓޯބަރ 2023ޚަބަރުމާމޮރިސް ބ. ގޮއިދޫ ފުޓްސަލް ފިއެސްޓާ 2023 : ރޯޔަލް ފްރެންޑްސް އާއި ޗެލެންޖާސް ސްޕޯޓްސް ކްލަބަށް މޮޅެއް
- 14 ސެޕްޓެމްބަރ 2023ޚަބަރުހަމް ޓީވީއިން މިފަހަރު ގެނެސްދެނީ “ފިތުނާ”
