“ކުޗް ކުޗް ހޯތާ ހޭ” ގެ ތަރި ކާޖޮލްގެ އައު ފިލްމު “ސަލާމް ވެންކީ”ގެ ހިތްގައިމު ޓްރެއިލާ ބަލައިފިން ހެއްޔެވެ؟ މި ފިލްމުގައި ކިޔައިދޭނީ މަންމައަކާއި އޭނާގެ ނުކުޅޭދޭ ފިރިހެން ދަރިފުޅުގެ ވާހަކައެވެ.
މިމަހު 09 ވަނަ ދުވަހު ސިނަމާތަކަށް ރިލީޒްކުރާ “ސަލާމް ވެންކީ” ޑައިރެކްޓްކޮށްފައި ވަނީ ބަތަލާ ރިވަތީ އެވެ. އޭނަ އަކީ ސަލްމާން ޚާންގެ 1990 ގެ ފިލްމު “ލަވް” ގެ ބަތަލާއެވެ.
ބަތަލާ ކާޖޮލް މައި ރޯލުން ފެނިގެންދާ މިފިލްމަކީ ހަގީގީ ހާދިސާއެއްގެ މައްޗަށް ބިނާކޮށްގެން ގެނެސްދޭ ފިލްމެކެވެ. ފިލްމުގައި ދައްކުވައިދެނީ ދިރިއުޅުމުގައި ދިމާވާ ގޮންޖެހުންތަކުން ސަލާމަތްވުމަށް ހިތްވަރުގަދަ މަޔަކު އުފުލާ ބުރަތަކެވެ.
ބަތަލާ ކާޖޮލްގެ އިތުރުން ފިލްމުން ދެން ފެނިގެންދާ ތަރިންނަކީ، ވިޝާލް ޖެތުވާ، ރާހުލް ބޯސް، ރާޖީވް ކަންޑޭލްވާލް އަދި އާނަންދު މަހާދޭވަން އެވެ.
މީގެއިތުރުން ފިލްމުގައި ހާއްސަ ފެނިލުމަކުން އެކްޓަރު އާމިރު ޚާންވެސް ފެންނާނެކަމަށް ރިޕޯޓުތައް ބުނެއެވެ.
މިފިލްމަކީ، ބީލައިވް ޕްރޮޑަކްޝަންސްއާއި ރީޓޭކް ސްޓޫޑިއޯސް ގުޅިގެން ގެނެސްދޭ ފިލްމެކެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
