އައްޑޫ ސިޓީ އާއި ފުވައްމުލައް ސިޓީގައި ޝޫޓްކޮށްފައިވާ ދިވެހި ފިލްމް “ނޫރާ”ގެ ޕޯސްޓަރު ނެރުމަށް ބާއްވާ އިވެންޓް ފިތުރު އީދުގެ ދެވަނަ ދުވަހު ބޭއްވުމަށް ނިންމާފައިވާ ކަމަށް ފިލްމުގެ ޕްރޮޑަކްޝަންހައުސް، ގްރީން އާރޓްސް ފިލްމް ޕްރޮޑަކްޝަން އިން ބުނެފިއެވެ.
ދިވެހި ފިލްމް “ނޫރާ”އަކީ ލޯބީގެ ފިލްމެކެވެ. މި ފިލްމްގެ ތެރެއިން އާއިލީ މައްސަލަތަކާއި އެ މައްސަލަތައް ހައްލުކުރާ ގޮތް ފެނިގެންދާނެ ކަމަށް ގްރީން އާޓްސް އިން މުނިއަވަސް އަށް ބުންޏެވެ.
ދިވެހި ފިލްމް “ނޫރާ”ގެ މައިގަނޑު ރޯލްތަކުން ފެނިގެންދާ ތަރިންގެ ތެރޭގައި މަރިޔަމް ޝަހުޒާ (ޝަހޫ) އަދި އަޙްމަދު އަމަން ޢަލީ (ޓޮމް) ހިމެނެއެވެ. މި ފިލްމްގައި ލީޑް ރޯލް ކުޅުމުގެ އިތުރަށް ފިލްމްގެ ޑައިރެކްޓަރ އަދި ވާހަކަ ލިޔުންތެރިޔަކީވެެސް ޝަހޫއެވެ.
މި ފިލްމްގެ ކަންކަމާއި ގުޅޭގޮތުން އައްޑޫ ސިޓީ ކައުންސިލާއި މި ފިލްމްގެ ޓީމުން 03 އޭޕްރީލްވީ ހޯމަ ދުވަހު ވަނީ ބައްދަލު ކޮށްފައެވެ. އެގޮތުން އައްޑޫ ސިޓީ ކައުންސިލާއި ގުޅިގެން އީދު ފާހަގަ ކުރުމުގެ ތެރެއިން ފިލްމުގެ ޕޯސްޓަރު ނެރުމަށް ނިންމާފައިވާކަމަށް ގްރީން އާޓްސް ފިލްމު ޕްރޮޑަކްޝަން އިން ބުންޏެވެ.
ކައުންސިލާއެކު ބޭއްވި ބައްދަލުވުމުގެ ތެރެއިން މަޝްވަރާކޮށް ނިންމު ކަންކަމުގެ ތެރޭގައި ޕޯސްޓަރު ނެރުމުގެ ހަރަކާތާއި، ފިތުރު އީދުގެ މުނާސަބަތުގައި އެ ސްޓޫޑިއޯއިން އައްޑޫގައި ކުރިއަށް ގެންދިއުމަށް ރޭވިފައިވާ ހަރަކާތްތަކާއި ގުޅޭ ގޮތުންނާއި، އައްޑޫސިޓީ ކައުންސިލް އަދި ގްރީން އާޓްސް ގުޅިގެން ކުރެވޭނެ މަސައްކަތްތަކާއި ގުޅޭ ގޮތުން މަޝްވަރާތައް ކުރިއަށް ގެންގޮސްފައިވެއެވެ.
ދިވެހި ފިލްމް “ނޫރާ”ގައި ހަރަކާތްތެރިވާ އެހެނިހެން ބައެއް ތަރިންގެ ތެރޭގައި އަޙްމަދު ޝިފާއު، އިބްރާހީމް ޢަލީ، މުޙައްމަދު އަޒްމީލް، މުޙައްމަދު އަމީލް، އަޙްމަދު ރިފްއަތު، ނަޖުދް އާދަމް، މުޙައްމަދު މަދީން، ޝަމްސުއްނިޝާ ފާހަގަކޮށްލެވެ އެވެ. މީގެ އިތުރުން ޖިމްޝާދު ޝަރީފް އާއި އައިމިނަތު ވަހީދާ ސަޕޯރޓިން އެކްޓަރުންގެ ގޮތުގައި ފިލްމުން ފެންނާނެއެވެ. އަދި ޚާއްސަ ފެނިލުމަކުން އައިމިނަތު ނޫރާ ވެސް ފެންނާނެއެވެ.
މި ފިލްމުގެ ލަވަތައް ކިޔާދީފައިވަނީ އަޙްމަދު ޝިފާއު އަދި ޢަލީ ޢަބްދުﷲ (ކޮމަންޑޫ އައްޔަ) އެވެ. ޕްރޮމޯޝަނަލް ލަވަ ކިޔާފައި ވަނީ ހަސަން ސިނާނު (އައްޑޫ ސިނާ) އެވެ.
ގްރީން އާރޓްސްއިން ވަނީ މި މަސައްކަތުގައި އެހީތެރިވެދިން އައްޑޫ ސިޓީ އަދި ފުވައްމުލައް ސިޓީގެ ހުރިހާ ރައްޔިތުންނާއި ކައުންސިލުން ވެފައިވާ އެހީތެރިކަން ފާހަގަކޮށް ޝުކުރު އަދާ ކޮށްފައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
