އިންޑިއާގެ އެކްޓަރު އަފްތާބް ޝިވްދަސާނީ އާއެކު ދިވެހި ފިލްމު “ލޯބިވެވިއްޖެ” ބަލަން ދާން ތައްޔާރަށް ތިބިކުދިންނަށް މިއީ ފައްކާ މެސެޖަކަށްވާނެކަމަށް ޤަބޫލުކުރެވެއެވެ.
އޮލިމްޕަހުގައި މިހާރު ދައްކަމުން އަންނަ ދިވެހި ފިލްމު “ލޯބިވެވިއްޖެ” ބަލަން މިމަހު 14ވަނަ ދުވަހު ރާއްޖެ އައިސް ހުރި އާފްތާބް ބުނީ އޭނާ ފިލްމަށް ދާނީ މިމަހުގެ 16ވަނަ ދުވަހުގެ ރޭގައި ކަމަށެވެ. އާފްތާބް މަޑުކޮށްލައިގެން ހުރި ރިސޯޓްގައި ހުރެ ފޮނުވާފައިވާ ވީޑިއޯ މެސެޖެއްގައި ބުނީ އޭނާ މި ފިލްމަށް ދާނީ 16ވަނަ ދުވަހުގެ ރޭގައި ކަމަށާ، އެންމެނާވެސް ބައްދަލުކޮށްލެވޭނެ ކަމަށް އުއްމީދުކުރާ ކަމަށެވެ.
އަފްތާބް ރާއްޖެ އައީ، އަލީ ސީޒަން ޑައިރެކްޓުކޮށްފައިވާ މި ފިލްމުގެ ޓީމުން ދިން ދައުވަތަކަށެވެ.
ވީއައިއޭގައި ހުރެ މީޑިއާތަކަށް ދިން އިންޓަވިއުގައި އަފްތާބް ބުނީ ރާއްޖެ އައީ ސީދާ “ލޯބިވެވިއްޖެ” ބެލުމަށާއި ފިލްމުގެ ޓީމާއެކު ވަގުތު ހޭދަކޮށްލަން ކަމަށެވެ. އަދި އެ ފިލްމުގެ ކާމިޔާބީގައި ބައިވެރިވުން ފިޔަވައި އިތުރު އެހެން ޕްލޭނެއް ނެތް ކަމަށް ވެސް އޭނާ ބުންޏެވެ.
“ފިލްމު ބަލާލުމަށް ފަހު ކޮމެންޓް ކުރާނަން ފިލްމަށް. ފިލްމް ބެލޭނީ ސަބްޓައިޓަލްސް އާއި އެކު. އެކަމަކު މި ފިލްމް ރަނގަޅުވާނެ ކަމާއި މެދު ސުވާލެއް ނުއުފެދޭ. އުންމީދުކުރަން ފިލްމު ވަރަށް ރީތިވާނެ ކަމަށް.” އާފްތާބް ބުންޏެވެ.
ޝާނީޒް ޢަލީ އަދި ސީޒަން ޕްރޮޑިއުސްކޮށްފައިވާ މި ފިލްމުގެ ސްކްރީންޕްލޭ ލިޔުނީ ހުނަރުވެރި ސްކްރީން ރައިޓަރ އަޙްމަދު ޒަރީރު އެވެ. ފިލްމު ކެމެރާ ކޮށްފައިވަނީ އިބްރާހީމް މޫސާ (ދަބަ) އެވެ. ޑައިރެކްޓްކުރީ ހުނަރުވެރި އެކްޓަރ އަދި ޑައިރެކްޓަރ އަލީ ސީޒަން އެވެ. “ލޯބިވެވިއްޖެ” ފިލްމަށް ބެކް މިއުޒިކް ތައްޔާރުކޮށްފައިވަނީ ޒުވާން މިއުޒިޝަން ފަތުހުﷲ ޝަކީލް ޙުސައިން އެވެ.
މި ފިލްމްގެ ޖުމްލަ 8 ލަވަ ހިމެނޭ އިރު އެ ހުރިހާ ލަވަތަކެއްވެސް މިހާރު ވަނީ އެސް ޕްރޮޑަކްޝަންސްގެ ސައުންޑްކްލައުޑް އަށް އަޕްލޯޑް ކޮށްފަ އެވެ. ފިލްމްގެ ލަވަތައް ކިޔާދީފައިވަނީ ރާއްޖޭގެ މަޝްހޫރު ލަވަކިޔުންތެރިން ކަމުގައިވާ މުޙައްމަދު ޢަބްދުލް ޣަނީ (ތޭރަވާ)، އިބްރާހިމް ޒައިދު ޢަލީ (ކުޑަ އިއްބެ)، މަރްޔަމް އަޝްފާ، ރާފިޔަތު ރަމީޒާ، ޙަސަން ޖަލާލް، މުމްތާޒު މޫސާ، މޯލްޑިވިއަން އައިޑަލްގެ ޖަޖުކަން ކޮށްފައިވާ އައްމަޑޭ އަދި އައިޑަލް އިން ވިދާލި މުއައްޒިންގެ އިތުރުން އަލީފް ޢަލީ އާއި ނަފްހާ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
