ފިލްމު “ބަވަތި”ން ދިވެހި ފިލްމީ އުފެއްދުންތަކަށް ތަފާތު ރަހައެއް ގެނެސްދިން އައިފިލްމްސްގެ ދެވަނަ ފީޗާ ފިލްމު “ނީނާ“ގެ ޓިކެޓް ވިއްކަން ފަށައިފިއެވެ. މިރޭ 08:00ގައި ޓިކެޓް ވިއްކަން ފަށާފައިވާއިރު، އޮލިމްޕަހުގެ ޓިކެޓް ކައުންޓަރު ހުޅުވިފައި ހުންނަ ވަގުތުތަކުގައި ޓިކެޓް ގަންނަން ލިބެން ހުންނާނެއެވެ.

ބޮޑު ބަޖެޓަކުން، ބޮޑު ކާސްޓެއްވެސް ހިމަނައިގެން ޝޫޓްކޮށްފައިވާ ފިލްމު “ނީނާ“ގެ ލީޑް ނުޒުހަތު ޝުޢައިބު މި ފިލްމުން ހަތަރު ސިފައެއްގައި ފެނިގެންދާނެ އެވެ. މި ފިލްމަށްޓަކައި ބޮޑެތި ޤުރުބާނީތަކެއް ވެފައިވާ ނުޒޫ މި ފިލްމުން ފެނިގެންދާ ސިފަތަކާއި ފިލްމުގައި އޭނާގެ ހަޔާތަށް ކުރިމަތިވާ އެކިއެކި ހާލަތުތަކާ ބޮޑު ގުޅުމެއް ހުންނާނެ އެވެ. އެގޮތުން ގަދަފަދަ އަންހެނެއްގެ ގޮތުގައި ނުޒޫ ދައްކާލާފައިވާނީ މާޝަލްއާޓްސްގެ ހުނަރުލިބިފައިހުރި ތަޅަން ދަންނަ މީހެއްގެ ގޮތުގައެވެ.

06 އޯގަސްޓް 2023ވަނަ ދުވަހުގެ ރޭ، ކުލަގަދަ ރަތްދޫލަ ހަފުލާއެއްގެ ތެރެއިން ފިލްމު “ނީނާ” ރިލީޒްކުރަން ނިންމާފައިވާއިރު، ފިލްމުގެ މުހިންމު ރޯލަކުން ފެނިގެންދާނެ ލިޖެންޑަރީ އެކްޓްރެސް މަރިޔަމް ރަޝީދާ ވެސް މި ހަފުލާގައި ބައިވެރިވާނެ އެވެ.

ފިލްމުގެ މުހިންމު ރޯލުތަކުން ފެންނާނެ އިތުރު ތަރިންގެ ތެރޭގައި މަރިޔަމް ޝަކީލާގެ އިތުރުންވެސް ފާހަގަކޮށްލެވޭ އިތުރު ތަރިންތަކެއް ހިމެނެ އެވެ. އެގޮތުން ހަމްދޫން ފާރޫޤް (އައްކި)ގެ ވަރުގަދަ ރޯލެއް މި ފިލްމުން ފެނިގެންދާނެ އެވެ.

މިއީ އިލްޔާސް ވަހީދު (އިއްލެ) ޑައިރެކްޓްކޮށްފައިވާ ފިލްމެކެވެ.

“ނީނާ“ގެ ކެރެކްޓާއިން ނުޒޫ ފެނިގެންދާ މި ފިލްމުގައި މިވަގުތު ސްކްރީންތަކުން އެންމެ އާއްމު އެއް އެކްޓަރު ޝަރަފުއްދީން ޢަބްދުﷲ ގެވެސް ހުނަރުވެރި އެކްޓިންއެއް ފެނިގެންދާނެ ކަމަށް ޑައިރެކްޓަރ އިލްޔާސް ވަހީދު (އިއްލެ) ބުނެއެވެ.

ފިލްމު “ނީނާ“ގެ ޓިކެޓް ވިއްކަނީ 150ރުފިޔާ އަށެވެ.  7242555 ނަންބަރަށް ގުޅައިގެން ޓިކެޓް ހޯދުމުގެ ކަންކަން ކުރިއަށްގެންދެވޭނެ އެެވެ.

https://www.tiktok.com/@muniavas/video/7258683051994058002?is_from_webapp=1&sender_device=mobile&sender_web_id=7230100084649772549

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: