ފިލްމު “ބައިވެރިޔާ”، “ނޯޓީ ފޯޓީ” އަދި “ފޯޓީ ޕްލަސް”އިން ބެލުންތެރިން ވަރުގަދައަށް ހެއްވާލި ޓީމުން އުފައްދަމުން އަންނަ ކޮމެޑީ ފިލްމު “ޖޯކަރު“ގެ ޓްރެއިލާ އަދި ޕޯސްޓަރު ރިލީޒްކުރުން މިމަހު 11ގައި އޮންނާނެ ކަމަށް ފިލްމުގެ ޕްރޮޑަކްޝަން ޓީމުން ބުނެފިއެވެ.
‘ޝައި އަދި ޔޫއްޕެ ޕްރޮޑަކްޝަން’ ވައިބަރު މީޑިއާ ގްރޫޕްމެދުވެރިކޮށް ޕްރޮޑިއުސަރު އިސްމާޢީލް ޝަފީޤް ބުނީ 11 އޯގަސްޓް 2023ވަނަ ދުވަހުގެ ރޭ ފިލްމު “ޖޯކަރު“ގެ ޓްރެއިލާ އަދި ޕޯސްޓަރު ރިލީޒްކުރުމަށް މީޑިއާތަކަށް ދަޢުވަތު ދީގެން ބާއްވާ އިވެންޓެއް އޮންނާނެ ކަމަށެވެ. އޮލިމްޕަހުގެ ބެކް ސްޓޭޖްގައި މި އިވެންޓް ބާއްވަނީ ރޭގަނޑު 20:45ގައި ކަމަށް ވެސް ޝަފީޤް ބުންޏެވެ.
“މި އިވެންޓްގަ މީޑިއާތަކަށް ފިލްމާބެހޭ މަޢުލޫމާތުދިނުން އޮންނާނެ.” ޝަފީޤް އިތުރަށް ފާހަގަކޮށްފައިވެއެވެ.
ފިލްމު “ޖޯކަރު“ ރިލީޒްކުރުމަށް ނިންމާފައިވަނީ 05 ސެޕްޓެމްބަރު 2023 ވަނަ ދުވަހުގެ ރޭގައެވެ.
ޕްރޮޑިއުސަރ އިސްމާޢީލް ޝަފީޤްގެ ‘ޝައި ޕްރޮޑަކްޝަންސް’ އަދި ޢަލީ ޝާނީޒް މުޙައްމަދުގެ ‘ސެޓާރން ސްޓޫޑިއޯ’ އިން ގެނެސްދޭ ޔޫސުފް ޝަފީޢުގެ ކޮމެޑީ ފިލްމު “ޖޯކަރު“ މިއީ ޔޫއްޕެ ލިޔެ ޑައިރެކްޓްކޮށް ގެނެސްދޭ ފިލްމެކެވެ. ޕްރޮޑިއުސްކުރީ އިސްމާޢީލް ޝަފީޤް އަދި ޢަލީ ޝާނީޒް މުޙައްމަދު އެވެ. ކެމެރާކުރަނީ ޝިވާޒް (މާސްކޭ) އެވެ.
ފިލްމު “ޖޯކަރު“ގެ މައިގަނޑު ކާސްޓުގައި ރާއްޖޭގެ ފިލްމީ ދާއިރާގެ ހުނަރުވެރި ފަންނާނުންތަކެއް ހިމެނެއެވެ. އެގޮތުން ވެޓަރަން އެކްޓަރ އަޙްމަދު ނިމާލް، ހުނަރުވެރި އެކްޓަރު އަޙްމަދު ސަޢީދު، ޢަލީ އާޒިމް (ދޮން އައްޔަ)، ޝީލާ ނަޖީބް، ނާޝިދާ މުޙައްމަދު (ނާއްކޮ)، އިބްރާހީމް ރަޝީދު މޫސާ (ބްރޯ)، މުޙައްމަދު ރިފްޝާން (ރިއްޕެ)، ހަމްދާން ފާރޫޤް، ޝަހީދާ އަޙްމަދު، އީމާއު، މޫސާ އަލީފް އަދި ނަދުވީ ފަދަ ފަންނާނުން ހިމެނެއެވެ.
ފިލްމު “ޖޯކަރު“ގެ ފަސްޓް ލުކް އާއްމުކުރީ 11 ޖުލައި 2023ގަ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
