ހަށިގަނޑުގެ އެތެރެ ބަލައި، މެޑިކަލް ދިރާސާތަކާއި ޓެސްޓްތައް ކުރުމަށް ބޭނުންކުރާ ސީޓީ ސްކޭން، އެމްއާރްއައި އަދި އެކްސްރޭ ތާރީޚްގެ ތެރެއަށް ދިއުމާއިމެދު އެހާ ގިނަދުވަހެއް ނެތްކަމަށް ޤަބުޅުކުރުރެވޭ މިންވަރަށް ޓެކްނޮލޮޖީ މިވަނީ ކުރިއަރާފަ އެވެ. ‘އެނެޓޮމޭޖް ޓޭބަލް’ ގެ ނަމުގައި އުފައްދައި މިހާރު ބާޒާރަށް ނެރެފައިވާ މި މެޝިނުން އެކްސްރޭ، ސީޓީ ސްކޭން އަދި އެމްއާރްއައި އިން ކުރާ ހުރިހާ ކަމެއް، އެއަށްވުރެންވެސް އެޑްވާންސްކޮށް ވަގުތުން ބަލައިލެވެއެވެ.
މިއީ މިހައިތަނަށް އުފައްދާފައިވާ އެންމެ ކުރިއަރާފައިވާ އެނެޓޮމީ ވިޝުއަލައިޒޭޝަން ސިސްޓަމް ކަމަށް މަޢުލޫމާތު ލިބެއެވެ. މި މެޝިނަކީ އިންސާނުންނާއި ޖަނަވާރުންގެ އެތެރެހަށީގެ ބައިތައް ބަލައިލެވޭ ‘ވަރޗުއަލް ލައިބްރަރީ’ އަކަށް އަދި މެޑިކަލް ގޮތުން ހަށިގަނޑު ބެލުމަށް ސީޓީ، ސީބީސީޓީ ނުވަތަ އެމްއާއައި ސްކޭނެއްގެ ގޮތުގައިވެސް ބޭނުންކުރެވޭ ފެންވަރަށް ތައްޔާރުކޮށްފައިވާ މެޝިނެކެވެ.
މި މެޝިނުގެ އެހީގައި މޭޒެއް މަތީގައި ހަށިގަނޑެއް ބައިވައިގެން އަތުން ފުރޮޅަމުން އެތެރެހަށީގެ ހަމަ ކޮންމެ ހިސާބެއް ވަކިވަކިން ތްރީ-ޑީ ކޮށް ހަމަލޮލުން ބަލައިލެވޭ ގޮތަށް ވަރޗުއަލްކޮށް ހަށިގަނޑު ބަލައިލެވެއެވެ. އެގޮތުން ކަށިތައް ވަކިން ބަލައިލުން، ހަންގަނޑު ނުލައި މަސްގަނޑާއިއެކު ހަށިގަނޑު ބެލުން ނުވަތަ މަހާއި ކައްޓާއި ނުލައި އެތެރެހަށީގެ ގުނަވަންތައް ވަކިވަކިންނާއި ގުނަވަންތަކުގެ ނިޒާމުތައް ވަކިން ބަލައިލެވެއެވެ.
މި މޭޒު މަސައްކަތްކުރާގޮތް މި ވީޑިއީގައި ކިޔައިދީފައި ވެއެވެ.
‘އެނެޓޮމޭޖް ޓޭބަލް’ ގެ އިތުރު މަޢުލޫމާތު އެނެޓޮމޭޖް ޑޮޓް ކޮމް އިން ލިބެން އެބަހުއްޓެވެ.
ލިޔުންތެރިޔާގެ ފުރަމަލަ
- އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 10 އޭޕްރިލް 2021ޚަބަރުމުނިއަވަސް މަދަހަ މުބާރާތަށް މިފަހަރުވެސް ބޮޑު ތަރުހީބެއް!
- 16 މާރޗް 2021ރިޕޯޓްކޮފީއަށް ކުޑަ ޚަރަދެއް! މި ގޮތް ކިހިނެއް؟
- 10 މާރޗް 2021ޚަބަރުއަންހެނުންގެ ދުވަސް ފާހަގަކުރުމުގެ ގޮތުން ތިމަރަފުށީގައި ހޭންޑްބޯލް މުބާރާތެއް
- 2 މާރޗް 2021ޚަބަރު“ފްލައިޓް” ގެ ޓްރެއިލާއިން ބެލުންތެރިން ހައިރާންކޮށްލައިފި
