ބ. ގޮއިދޫ ކައުންސިލުން އިންތިޒާމުކޮށްގެން ފަޅުތެރޭގެ ތިން ރަށުގެ ޓީމުތަކަށް ޚާއްސަކޮށްގެން ބާއްވާ “ފުޓްސަލް ފިއެސްޓާ 2023” މިމަހުގެ 13 ވަނަ ދުވަހު ފެށުމަށް ދަނީ ތައްޔާރުވަމުންނެވެ. 2018 ވަނަ އަހަރުން ފެށިގެންކުރިއަށް ގެންދާ މި މުބާރާތުގައި އަންހެން އަދި ފިރިހެން ޑިވިޝަންގެ ޓީމުތަކުގެ ގުރުއަތުނެގުން މިއަދު ވަނީ ބާއްވާފައެވެ.

އަންހެން ހަތަރު ޓީމާއި ފިރިހެން ހަތް ޓީމު ވާދަކުރާ މި މުބާރާތުގައި ބައިވެރިވެފައި ވަނީ ފެހެންދޫ އަދި ގޮއިދޫގެ ޓީމްތަކުންނެވެ.
މި ފިއެސްޓާގެ ކޯޑިނޭޓަރ އަދި ކައުންސިލުގެ ނައިބުރައީސް މުހައްމަދު ނާފިޒު ވިދާޅުވިގޮތުގައި މި މުބާރާތުގައި އެއްވަނައަށް ހޮވޭ ޓީމަކަށް ވިހި ހާސް ރުފިޔާ އަދި ރަނަރ އަޕް ޓީމަށް ދިހަހާސް ރުފިޔާ ދިނުމަށް ހަމަޖެހިފައިވެއެވެ. މީގެ އިތުރުންވެސް އެންމެ މޮޅު ކުޅުންތެރިޔާ، އެންމެ މޮޅު ފަސްކުޅުންތެރިން، އެންމެ ގިނަ ގޯލު ޖެހި ކުޅުންތެރިޔާ އަދި ފެއަރޕްލޭ ޓީމު ހޮވުމުގެ އިތުރުން އެންމެ އުއްމީދީ ކުޅުންތެރިޔާ ހޮވުމަށްވެސް ހަމަޖެހިފައިވާ ކަމަށް ނާފިޒް ވިދާޅުވިއެވެ.

މި މުބާރާތުގެ އަންހެން ޑިވިޝަންގައި އެންމެ ފުރަތަމަ ކުޅުމަށް ހަމަޖެހިފައިވަނީ ފެހެންދޫ ޓީމް އަދި ކްލަބް ޑްރެގަންސްއެވެ. މުބާރާތް ފަށާ މެޗް އޮންނާނީ މިމަހުގެ 13 ވަނަ ދުވަހު ހަވީރު 16.30 ގައި ގޮއިދޫ ފުޓްސަލް ދަނޑުގައެވެ.

ފިރިހެން ޑިވިޝަންގެ މެޗްތައް ފެށުމަށް ހަމަޖެހިފައިވަނީ ހަމަ އެދުވަހުގެ ރޭގަނޑު 8.00 ގައެވެ. ފުރަތަމަ މެޗުގައި ބައްދަލުކުރާނީ އެފް.ސީ ކަރާ އަދި ޗެލެންޖާރސް ސްޕޯރޓްސް ކްލަބެެވެ.

މުބާރާތުގެ މެޗްތައް ގޮއިދޫ ކައުންސިލްގެ ފޭސްބުކް ޕޭޖުން ލައިވް ކުރުމަށްވަނީ ހަމަޖެހިފައެވެ.

މުބާރާތުގެ މެއިން ސްޕޮންސަރ އަކީ މާމޮރިސް، ކޯ ސްޕޮންސަރ އަކީ މަޖިލިސް މެމްބަރ ހިސާން ހުސައިންއެވެ. އޮންލައިން މީޑިއާ ޕާރޓްނަރަކީ މުނިއަވަސް އޮންލައި، ފޮޓޯގްރަފީ ޕާރޓްނަރ ޒީ ކްލިކްސް އަދި ލައިވް ޕާރޓްނަރަކީ ތޯ ނެކްސަސްއެވެ.

ލިޔުންތެރިޔާގެ ފުރަމަލަ

ފާޠިމަތު ޒުހުދާ (ޒުހޫ)
ފާޠިމަތު ޒުހުދާ (ޒުހޫ)
އަލިއަޅުވައިލަން ޖެހިފައިވާ މުހިންމު މައްސަލަތަކާއި ހާދިސާތަކަށް ވާހަކައާއި ރިޕޯޓް ލިޔުމަކީ ޒުހުދާގެ ޚާއްޞަ ދާއިރާއެކެވެ.

ގުޅުންހުރި ލިޔުން: