އިވެންޓް ވީޑިއޯ ކަވަރޭޖްހެދީ: އަޙްމަދު ރަޝީދު (އަންނާރޭ)

ބިރުވެރި ފިލްމު “ކަޅަކި”ގެ ކާމިޔާބު މަސައްކަތަށްފަހު މަޝްހޫރު އެކްޓްރެސް ނިޢުމާ މުޙައްމަދުގެ ‘ނިއުޒޯ ސްޓޫޑިއޯ’ އިން އަނެއްކާވެސް ބިރުވެރި ފިލްމެއް ލޯންޗްކޮށްފި އެވެ. ފިލްމު “ކަޅަކި”ގެ ކާމިޔާބީ ފާހަގަކުރުމާއި ނިޢުމާގެ އުފަންދުވަސް ފާހަގަކުރުމުގެ ގޮތުން މިމަހު 20 ވަނަ ދުވަހުގެ ރޭ އޮލިމްޕަހުގެ ބެކް ސްޓޭޖްގައި ބޭއްވި ޚާއްޞަ އިވެންޓެއްގައި ބިރުވެރި ފިލްމު “ކަނި”ގެ ފުރަތަމަ ޓީޒާރ އާއްމުކުރި އެވެ.

ކާމިޔާބު ވެބް ސީރީޒް “އެހެނަސް”ގެ އިތުރުން ކާމިޔާބު އުފެއްދުންތަކެއް ގެނެސްދިނުމުގެ ފަހަތުގައި ހުރި އަޙްމަދު އިޤްބާލް (އައިކިޔު) އާއި ގުޅިގެން ‘ނިއުޒޯ ސްޓޫޑިއޯ’ އިން އުފައްދާ “ކަނި” ޑައިރެކްޓްކުރާނީ މަޝްހޫރު އެކްޓަރ/ޑައިރެކްޓަރ ޔޫސުފު ޝަފީޢު (ޔޫއްޕެ) ކަމަށްވެސް މި އިވެންޓްގައި އިޢުލާނުކުރި އެވެ. މީގެ އިތުރުން މި ފިލްމުގެ އޮންލައިން މީޑިއާ ޕާޓްނަރެއްގެ ގޮތުގައި މުނިއަވަސް އޮންލައިން ހަމަޖައްސާފައިވާކަންވެސް އިޢުލާނުކުރެވިގެން ދިޔައެވެ.

“ކަނި” ލޯންޗްކުރުމުގެ އިވެންޓްގައި ވާހަކަދައްކަމުން މުނިއަވަސް އިން ކުރަމުން އަންނަ މަސައްކަތްތަކަށް ވަރަށް ބޮޑަށް ނިއުމާ ތަޢުރީފުކޮށްފައިވެއެވެ.

“އަޅުގަނޑުމެން “ކަނި” ފިލްމުގަވެސް މީޑިއާ ޕާރޓްނަރއެއް ގޮތަށް އަޅުގަނޑުމެން މިވަނީ މުނިއަވަސް ހަމަޖައްސާފަ. ދެން ހަމަ އަޅުގަނޑުމެންގެ މި “ކަނި” ފިލްމާ ބެހޭ ގޮތުން ހުރިހާ މަޢުލޫމާތެއް ތިބޭފުޅުންނާ ހަމައަށް ހިއްސާކުރެވޭނެ މުނިއަވަސް މެދުވެރިކޮށް.

– ޕްރޮޑިއުސަރ ނިޢުމާ މުޙައްމަދު

މުނިއަވަސް އިން ފިލްމީ ދާއިރާގެ ޚަބަރާއި މަޢުލޫމާތު ގެނެސްދިނުމަށް ކުރަމުން އަންނަ މުހިންމު މަސައްކަތުގެ އަގުވަޒަންކޮށް ނިޢުމާ ވާހަކަދެއްކި އެވެ.

“މުނިއަވަސް އަކީ އަޅުގަނޑުމެން ފިލްމީ ފަންނާނުންނަށް ވަރަށް ހާއްސަ ސަމާލުކަމެއް ދީގެން އަޅުގަނޑުމެން ފަންނާނުންގެ އެކިއެކި މަސައްކަތްތައް ބެލުންތެރިންނާ ހަމައަށް ގެނެސްދޭ ވަރަށް މުހިންމު ފަރާތެއް. އެހެންވީމަ އަޅުގަނޑުމެންގެ މީޑިއާ ޕާރޓްނަރއެއްގެ ގޮތަށްވެސް މިވަނީ މުނިއަވަސް ހަމަޖެހިފަ. މުނިއަވަސް އަށް ވެސް ވަރަށް ހާއްސަ ހާއްސަ ޝުކުރެއް ފަންނާނެއްގެ ހައިސިއްޔަތުން، ޕްރޮޑިއުސަރެއްގެ ހައިސިއްޔަތުން ވަރަށް ހާއްސަ ޝުކުރެއް އަދާކުރަން. ތެންކިޔޫ.

– ޕްރޮޑިއުސަރ ނިޢުމާ މުޙައްމަދު

މި އިވެންޓްގެ ކަވަރޭޖް ވީޑިއޯއިން އިތުރު މަޢުލޫމާތާއި ފިލްމު “ކަނި”ގެ ޓީޒާރ ބަލައިލެވޭނެ އެވެ.

@muniavas KANI First Look Teaser – #KANI #NewxoStudio @neumamohamed77 #muniavascreation #maldives #Dhivehifilm #foryoupage #fyp #contentcreators #muniavas #fvpシ #fvpviral #maldivestiktok @eupeonline #kalhaki @ahmedannaarey ♬ original sound – MUNIAVAS


ފިލްމު “ކަޅަކިި”ގެ އަދި “ކަނި”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: