ފާޑުކިޔުންތެރިންނާއި ބެލުންތެރިންނަށް ފުރިހަމަ ހިތްހަމެޖުމެއް ލިބިގެން ދިޔަ ނިއުޒޯ ސްޓޫޑިއޯގެ ބިރުވެރި ފިލްމު “ކަޅަކި“ގެ ވަދާޢީ ޝޯ އޮތީ މިމަހު 24 ވަނަ ދުވަހުގެ ރޭގައެވެ. ނަމަވެސް އެއީ މާލެއަށެވެ. މާލެއަށް ވަދާޢު ކިޔަމުން ފިލްމު “ކަޅަކި“ގެ މިސްރާބު ހިފަނީ އަތޮޅުތެރެއަށެވެ.

27 އޮކްޓޫބަރު 2023، ހުކުރު ދުވަހުގެ ރޭ ޅ. ހިންނަވަރު ސިނަމާގައި ފިލްމު “ކަޅަކި“ގެ ވަރަށް ޚާއްޞަ ޝޯއެއް އޮންނާނެ އެވެ. ޚާއްޞަ ވަނީ ފިލްމުގެ ޕްރޮޑިއުސަރު އަދި ރާއްޖޭގެ އެންމެ ހުނަރުވެރި އެއް ބަޠަލާ ނިޢުމާ މުޙައްމަދުގެ އިތުރުން މި ފިލްމުގައި ހުނަރުވެރި އެކްޓިންއެއް ދައްކާފައިވާ ޢާއިޝަތު ލަހުފާ (ލަހޫ) ވެސް ބައިވެރިވާނެ އެވެ. ނިޢުމާ އަދި ލަހޫއާ އެކުގައި ސެލްފީ ނެގުމުގެ ފުރުޞަތުގެ އިތުރުން އެމީހުންނާއެކުގައި ފިލްމު ބަލައިލުމުގެ ފުރުޞަތު ލިބިގެންދާނެއެވެ.

ހިންނަވަރުން ފިލްމު “ކަޅަކި“ގެ ބަލަން ބޭނުން ފަރާތްތަކުން ޓިކެޓް ހޯދުމަށް 9515863 އަށް ގުޅައިގެން އެކަން ހަމަޖެހޭނެ އެވެ.

ފިލްމުގެ މޮޅު ވާހަކައެއް ދައްކާކަށް ނެތީމެވެ. އޮލިމްޕަސް ސިނަމާ ހޯލުގައި ފިލްމު ބަލަމުން ދިޔަ ވަގުތު ބެލުންތެރިންގެ އިޙްސާސްތައް ހުރި ގޮތް އިވިގެންދާނެ ވީޑިއޯކޮޅެއް ހިއްސާކޮށްލާނަމެވެ. އޭގެ ކުރިން ޓްރެއިލާ ބަލައިލާށެވެ.

ފިލްމު “ކަޅަކިި”ގެ މައިގަނޑު ކާސްޓުގައި ހިމެނެނީ ޔޫސުފް ޝަފީޢު (ޔޫއްޕެ)، ޢަލީ ސީޒަން، މުޙައްމަދު މަނިކް، ރިޝްފާ، ލަހޫގެ އިތުރުން ވާޝިޔާ މުޙައްމަދު (ޝިޔާ) އެވެ.

ބިރުވެރި ފިލްމު “ކަޅަކިި” ކެމެރާކުރީ ތަޖުރިބާކާރު އަދި ގިނަ ފިލްމުތަކެއް ކެމެރާކޮށްފައިވާ އިބްރާހީމް މޫސާ (ދަބަ) އެވެ. ފިލްމުގެ މަންޒަރުތައް ސްރީލަންކާގެ ކޮލޮމްބޯ، ކެންޑީގެ އިތުރުން ނުވަރަލިޔާގެ ހިތްގައިމު ލޮކޭޝަން ތަކުގައި ޝޫޓްކޮށްފައިވެއެވެ.

@muniavas KALHAKI Audience Reaction #fvpシ #fvpviral #foryoupage #maldives #foryou #maldivestiktok #muniavasnews #dhivehi #kalhaki #niuxofilms ♬ original sound – MUNIAVAS

ފިލްމު “ކަޅަކިި”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: