ޓިކްޓޮކް ތެރެއިން އެކިއެކި ލައިވްތަކަށް ބޯކޮށްޕަމުން ގޮސް މަޑުކޮށްލެވުނު ތަނެކެވެ. ސަޅި ލަވަތަކެއް ‘ފަޅަމުން’ ދިޔައީ ނުހަނު ހުނަރުވެރިކަމާއެކުގައެވެ. އެކުދިންގެ ވާހަކަތައް ހުރިގޮތުން އެއީ ޒުވާން ކުދިންކޮޅެއްކަން އެނގުނެވެ. އެކުދިން ވަރަށް ޚާއްޞަ ޝޯއެއް ބާއްވަން އުޅޭކަންވެސް އެނގުނެވެ. އަހަރެން ވަދެ އިނީ މުނިއަވަސްގެ ޓިކްޓޮކް އައިޑީން ކަމަށްވެސް ވެދާނެއެވެ. އެކުދިންގެ ޕޯސްޓެއް ހިންގައިލަދިނުމަށް އެތަނުން ކުއްޖަކު އެދުނެވެ.
“އަސްލު މި ލައިވްއަކީ ލަވަކިޔަން ބޭނުންކުދިން ލަވަކިޔުން ކުރިއަށްގެންދާ ލައިވްއެއް. މިތަނުގަ ހަމައެކަނި ލަވަ ކިޔާނީ.”
– ކުޑޭ69 (Kudey69) – ޓިކްޓޮކް އައިޑީ
އެކުދިން ކުރިއަށްގެންދަނީ ކޮން ލައިވްއެއްތޯ ސުވާލުކޮށްލުމުން ޓިކްޓޮކް ނަމުން ނަމަ ކުޑޭ69 ބުންޏެވެ. އެއީ ފަންނަން ލޯބިކުރާ ކުދިންކޮޅެއްކަމަށްވާތީ ކުޑޭ69ގެ އިތުރު ވަނަވަރެއް އަހަން ބޭނުމެއް ނުވިއެވެ. ކިހާވަރެއްގެ މަޝްހޫރު ކުދިންކޮޅެއްތޯވެސް ބަލާކަށް ބޭނުމެއް ނުވިއެވެ.
“ސޯ. މި ޓީމުން ރޭވީ ފްރީ ޕެލެސްޓީން ފަންޑް ރެއިސިންގ އިވެންޓެއް ބާއްވަން ކެފޭއެއްގަ.”
– ކުޑޭ69 (Kudey69) – ޓިކްޓޮކް އައިޑީ
މި ލައިވް ހިންގާ ގްރޫޕްގައި މުޅިންވެސް ތިބީ ވޯކަލިސްޓުންނެވެ. އޭގެ ތެރޭގައި ‘ބެކް ބީޓްސް ޓީމް’ އަދި ‘ޑެއިލީ ޑޯޒް ޓީމް’ގެ އިތުރުން ‘ލޯންގްސަން‘، ‘ކުޗޫކީ،’ ޙަސަން ޒަޔާން (އޮގީ) އަދި ‘ނިޒާފް’ ހިމެނެއެވެ. މީގެ އިތުރުންވެސް ހުނަރުވެރި އެތަކެއް ކުދިންނެއް ޕާފޯމްކުރާނެ އެވެ.
ޕޯސްޓަރުގައި ފެންނަން އެއިނީ ‘އޮގީ‘ އެވެ. އޮގީ އަދި ލޯންގްސަންގެ ލަވަކިޔުން ކުރިން މިބުނި ރޭ އެކުދިން ބޭއްވި ލައިވް ތެރެއިން އަޑުއަހައިލެވުނެވެ. ވަރަށް ހިތްގައިމެވެ. ލައިވް ތެރޭގައި މަޑުކޮށްލެވުނީ އެ ޓެލެންޓް ފާހަގަވުމުންނެވެ.
މި އިވެންޓަކީ މާލޭގެ ފަރީދީމަގުގައި ހުންނަ އޮވިއޯ ކެފޭގައި ބާއްވާ އިވެންޓެކެވެ. މިރޭ (07 ނޮވެމްބަރު، އަންގާރަ ދުވަހުގެރޭ) 20:00 އިން 00:00 އަށް ކުރިއަށްގެންދާ އިވެންޓެކެވެ.
@oggy._28 🫶🏻 #fyp #viral #muisc #foryoupage #song ♬ original sound – Oggy
ކުޑޭ ބުނީ އައްޑޫސިޓީ ހިތަދުއަށް އުފަން އޮގީއަކީ އުމުރުން އެންމެެ 17 އަހަރުގެ ހުނަރުވެރި ލަވަކިޔުންތެރިއެއް ކަމަށެވެ. އެރޭ އޮގީ ހުށައެޅި ‘ލުޖައިން’ ލަވަ ކިޔައިލިލެއް ވަަރަށް ހިތްގައިމެވެ.
މުނިއަވަސްއިން އޮގީއާ ވާހަކަދައްކައިލީމެވެ. އޮގީ ފަދަ އެތަކެއް ހުނަރުވެރި ކުދިންތަކެއް، ކުރިއަށްދެވޭނެ މަގެއް ނުފެނި ތިބޭކަން މިއީ އަބަދުވެސް ފާހަގަކުރެވޭ ކަމެކެވެ. އެހެންކަމުން މިރޭ އޮގީ އަދި އޭނާގެ އެކުވެރިން ބާއްވާ ޝޯ ބަލާލައިގެން ހުނަރުވެރި، ފަންނުވެރި ކުދިންކޮޅެއްގެ ހުނަރުވެރިކަން ފެނިގެންދާނެ އެވެ.
“އަހަރެން ގިޓާކުޅެ ލަވަކިޔަން ފެށީ އުމުރުން ފަސްއަހަރުގަ. އެކަމަކު އައްޑޫގަ އެއްވެސް ކަހަލަ އޮޕޮޗިއުނިޓީއެއް ނުހުރޭ. އެހެންވެ މިކަމާއިގެން ކުރިއަށް ދެވޭނެ އެއްވެސް ގޮތެއް ނެތިފަ ހުންނަން މި ޖެހެނީ.”
އޮގީ އިތުރަށް ބުނީ އައްޑޫގައި އެންމެ ދެ ރިސޯޓް އޮންނައިރު، މިއުޒިކް ކުޅެން ފަންނާނުން ހޯދުމަށް އެއްވެސް ގޮތަކަށް އެ ރިސޯޓްތަކުން އައުޓްސޯސް ނުކުރާ ކަމަށެވެ.
އޮގީ އަދި އޭނާގެ އެކުވެރިން މިރޭ ބާއްވާ ޚާއްޞަ އިވެންޓް ޓިކްޓޮކް މެދުވެރިކޮށް ވެސް ލައިވް ކުރާނެއެވެ. އަހަރެން ބުނި ‘ލުޖައިން’ ލަވަވެސް ކިޔާލާނެއެވެ. އަޑުއަހައިލަން ވަންނަން ސަޅިވާނެ އެވެ.
@longsonnnA short cover of “Neelamehga” Madhaha by Ali Rameez. 🥰 🫶 Ramadaan Kareem! 🌙 ✨️❤️♬ original sound – Lonğ Šoń
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
