ރާއްޖޭގައި މިހަައިތަނަށް އުފެއްދި އެންމެ ފެންވަރު ރަނގަޅު ފައިޓް ސީންތައް ހިމެނޭ ފިލްމު “ނީނާ” ނުބަލާ ތިބި ފަރާތްތަކަށް މިއޮތީ ރަނގަޅު ފުރުޞަތެކެވެ. މި ހަފުތާ ބަންދު ރޭގަނޑު 11:45ގައި އޮލިމްޕަހަށް އައިފިލްމްސްގެ ދެވަނަ ފީޗާ ފިލްމު “ނީނާ” ގެންނަން ނިންމައިފި އެވެ.

ފިލްމު “ނީނާ” އަނެއްކާވެސް އޮލިމްޕަހަށް ގެންނަން ނިންމާފައި މިވަނީ ފިލްމަށް ލިބުނު ބޮޑު ތަރުހީބަށް ބަލާފައެވެ. ފިލްމު އަޅުވަން ހަމަޖެހިފައިވަނީ މިމަހު 16 އަދި 17 ވަނަ ދުވަހުގެ ރޭގައެވެ. އެ ފިލްމު ދައްކަން ފަށާނީ ރޭގަނޑު 11:45ގައެވެ.

ފިލްމު “ނީނާ”އަކީ ދިވެހި ކޮލިޓީ ފިލްމެއް ބަލަން ބޭނުންވާ ފަރާތްތަކަށް ނިކަން ކަމުދާނެ ފިލްމެއްކަން، ފިލްމު ޕްރިމިއާކުރުމަށް ފަހު އޮލިމްޕަހުން ފިލްމު ބެލި ހުރިހައި ފަރާތްތަކުން ފާހަގަކޮށްފައިވާ ފިލްމެކެވެ.

އޮލިމްޕަސް ސިނަމާ ތެރެއިން ލުއިލުއި ހުނުމުގެ އަޑާއި ބާރު ހިނިގަނޑުގެ އަޑު ގުގުމައެވެ. ހަޅޭއްލަވައިގަންނަ އަޑު އިވެއެވެ. ރުއިމާއި ގިސްޖެހުމުގެ އަޑު އިވެއެވެ. މުޅި ހޯލު އެއްކޮށް ހަނުކޮށް އޮންނަ ހިނދުކޮޅުތައް އާދެއެވެ. މިއީ ފިލްމު “ނީނާ” ބަލަން ތިބޭިއިރު ސިނަމާއިން އިވޭނެ ބައެއް އަޑުތަކާއި ފެންނާނެ ބައެއް މަންޒަރުތަކުގެ ޚުލާޞާއެކެވެ.

ފިލްމު “ނީނާ”ގެ ޓިކެޓް ހޯދުމަށް ވައިބަރުކޮށްލަން ޖެހޭ ނަންބަރަކީ 7242555 އެވެ. ހަމަ މި ނަންބަރަށް ވައިބަރުކޮށްގެން “ފްރީ ޑެލިވަރީ”ގެ ޓިކެޓް ގަތުމުގެ ކަންކަންވެސް ހަމަޖެހޭނެއެވެ.

މިވަގުތު އޮލިމްޕަހުގައި ދައްކަމުން އަންނަނީ ކަޒްމިކް އިންޓަނޭޝަނަލްގެ ފުރަތަ ފީޗާ ފިލްމު “ފްރީ ޑެލިވަރީ”ގެ ޝޯތަކެވެ. މި ފިލްމު ދައްކަން ހަމަޖެހިފައިވަނީ މިމަހު 29ގެ ނިޔަލަށެވެ.

ފިލްމީ ދާއިރާއަށް އިލްޔާސް ވަހީދު އެޅި ފުރަތަމަ ފިޔަވަޅުގައި އުފެއްދި ފިލްމު “ބަވަތި” ވެސް ވަނީ ބޮޑު ކާމިޔާބީއެއް ހޯދާފައެވެ. އެ ފިލްމާއި އަޅައި ބަލާއިރު ފިލްމު “ނީނާ” އަކީ އިއްލެގެ ފުރަތަމަ އުފެއްދުމަށްވުރެން ހުރިހާ ގޮތަކުންވެސް މޮޅު، ރީތި މަސައްކަތެއްކަން ފާހަގަކޮށްލެވެ އެވެ. އަދި މިހާރު އޮލިމްޕަހުގައި ދައްކަމުން އަންނަ “ފްރީ ޑެލިވަރީ”އަކީ ޑާކް ކޮމެޑީއެއް ފެންވަރު ރަނގަޅުކޮށް ދިވެހީންނަށްވެސް އުފެއްދިދާނެކަން ސާބިތުކޮށްދޭ ރީތި، މަޖާ، ސަޅި ފިލްމެކެވެ.

ސަމާލުކަމަށް:

ކަޒްމިކް އަދި އައިފިލްމްސްގެ ފިލްމުތައް ދައްކާ ގަޑިތައް މިވަނީ މީގެ ކުރިން އޮލިމްޕަހުގައި އާއްމުކޮށް ފިލްމުދައްކައި އުޅުނު ގަޑިތަކާ ތަފާތުކޮށްލާފައެވެ.

ރޭގަނޑު އިރާކޮޅުގެ ޝޯ ފެށޭނީ 08:30ގައެވެ. ދަންވަރު ޝޯ ފެށެނީ 11:45ގައެވެ.

🎦 ފިލްމު “ނީނާ” އަދި “ފްރީ ޑެލިވަރީ“ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: