ޑިސެމްބަރު 04ގައި ރިލީޒްކުރާ ޑާކް ރެއިން އެންޓަޓެއިންމެންޓްގެ ލޯބީގެ ފިލްމު “ނޮވެމްބަރ“ގެ ޕްރިމިއަރއަށް ކުރީގެ މަޝްހޫރު ފިލްމީ ތަރި ޢާއިޝަތު ޝިރާނީ ވެސް ދާން ނިންމައިފި އެވެ. ފިލްމީ ދާއިރާއާ ދުރަށް ދިޔަ ފަހުން ފިލްމު ބެލުމަށް އޮލިމްޕަހަށް ވަރަށް މަދުން ނޫނީ ޝިރާނީ ނުދިޔަޔަސް މި ފިލްމުގެ ޕްރިމިއާއަށް ޝިރާނީ ދާނެއެވެ.

މިހާ ދުވަސް ފަހުން ފިލްމެއްގެ ޕްރިމިއާ އަކަށް ދާން ނިންމި ނިންމުމަކަށް މި ފިލްމު ވެގެންދިޔައީ ކީއްވެގެންތޯ ޝިރާނީ ކުރެން އަހައިލީމެވެ.

“ވަގުތު ހުންނަ ގޮތުންނާ އެކު ނުދެވެެނީ، އަސްލު މުނިއަވަސް އިން ލިބުނު އޮފާރއެއް ދޫކޮށްނުލުން އެއީވެސް ސަބަބެއް.”

– ކުރީގެ މަޝްހޫރު އެކްޓްރެސް ޢާއިޝަތު ޝިރާނީ

ޝިރާނީ އަކީ މުނިއަވަސް ޓީމުގެ މެންބަރެކެވެ. މުނިއަވަސް ކްލަބްހައުސް ކުރިއަށް ގެންދިޔަ ދުވަސްވަރު ޚަބަރު ކިޔުމާއި، އޯޑިއާ ވާހަކަތަކާއި ލަވައިގެ މާނައަށް އަޑުއެޅުން ފަދަ ކަންކަމުގައި ޝިރާނީ ހަރަކާތްތެރިވިއެވެ. މީގެ އިތުރުން ބައެއް އިވެންޓްތަކުގައިވެސް ބައިވެރިވެއެވެ. އަދި މިހާރުވެސް ލަވައިގެ މާނަ އަދި އިޝްތިހާރު ފަދަ އޯޑިއޯ އުފެއްދުންތަކަށް ޝިރާނީ އަޑުއަޅައިދެއެވެ.

@muniavas Cha Hai Tujhko – By: Debolina Translation Narration: @aishathshirani Translation & Editing: @Ahmed Rasheed #dhivehitiktok #muniavasnews #fypシ゚viral #foryou #fypシ #fyp #fyp #foryoupage #viralvideo #tiktok #fvpviral #dhimaana #hindisong ♬ original sound – MUNIAVAS

“ދެން އަނެއް ސަބަބަކީ މިހާރު ފިލްމު އުފެއްދުމުގެ ކޮލިޓީ އޭރަށްވުުރެން ކުރިއަރާފައިވާއިރު، ޑާކް ރެއިން އަކީ ކޮލިޓީ އަދި ރީތި އުފެއްދުންތަކެއް އުފައްދަމުން އަންނަ އެއް ޕްރޮޑަކްޝަން ހައުސް. އަނެއްކާ ފިލްމު “ނޮވެމްބަރ” އަކީ ލޯބީގެ ފިލްމަކަށް ވެފައި، ކުރިން އެކުގައި މަސައްކަތްކުރި ކޮލީގް، އިސްމާޢީލް ވަޖީހް ވެސް ދިގު ބްރޭކަކަށް ފަހުން ފިލްމެއްގެ މުހިންމު ރޯލަކުން ފެންނަ ފިލްމަކަށް ވާތީވެސް މި ފިލްމު ބަލައިލަންދާން ބޭނުންވީ.

ދެން، މުނިއަވަސްގެ ފައުންޑަރ އަޙްމަދު ވެސް މި ފިލްމުގެ ކުޑަކުޑަ ރޯލަކުންވެސް ފެންނާނެއެއްނު… 🤣. “

– ކުރީގެ މަޝްހޫރު އެކްޓްރެސް ޢާއިޝަތު ޝިރާނީ

މަރިޔަމް މަޖުދާ އަދި ޖުމައްޔިލް ނިމާލް ލީޑު ރޯލުން ފެނިގެންދާ މި ފިލްމުގެ ޝޫޓިންތައް ނެގީ ސިންގަޕޫރު އަދި އައްޑޫ، ލ. އަތޮޅުގެ އިތުރުން ތުލުސްދޫ އަދި މަންޓާ އެއަރގެ އިތުރުން މާލޭ ސަރަހައްދުގައެވެ.

@muniavas NOVEMBER Releasing on 4th December 2024 @Dark Rain Entertainment #dhivehitiktok #fvpviral #viralvideo #foryoupage #fyp #fypシ #foryou #fypシ゚viral #muniavasnews @majoo @Mohamed Jumayyil ♬ original sound – MUNIAVAS

ފިލްމުގެ ސްކްރިޕްޓް ތައްޔާރުކޮށްފައި ވަނީ އައިޝަތު ފުއާދު ތައުފީގު އަދި އަޙްމަދު ޠަލާލު އެވެ. އަލީ ޝިފާއު (ޗިއްޕެ) އަދި އައިޝަތު ފުއާދު ޑައިރެކްޓްކުރާ “ނޮވެމްބަރ”ގެ ޕްރޮޑިއުސަރުންނަކީ މުހައްމަދު އަލީ (މޮގާ) އަދި އައިޝަތު ފުއާދެވެ. ފިލްމުގެ މަންޒަރުތައް ނެގީ ޢަލީ ޝިފާއު އަދި އަހްމަދު ޝިނާން އެވެ.

“ނޮވެމްބަރ” އަކީ ޖުމައްޔިލް އާއި މަޖުދާ ކަޕްލް އެއްގެ ގޮތުގައި ޑާކް ރެއިން އެންޓަޓެއިންމެންޓްގެ ފިލްމުކުން ފެނިގެންދާނެ ފަހު ފިލްމުވެސްމެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: