މަޝްހޫރު ޕްރޮޑިއުސަރ/ޑައިރެކްޓަރ ފާތިމަތު ނަހުލާގެ ކުރިއަށް އޮތް ފިލްމު “ސޮރީ”ގެ ތީމް ލަވަ ކިޔުއްވަން ވަރުގަދަ އަދި އަސަރުގަދަ އަޑެއް ހޯދުމަށް ނަހުލާ މަސައްކަތް ފަށައިފިއެވެ. މުނިއަވަސް އޮންލައިން އަށް ނަހޫ ބުނީ ތީމް ލަވަ ކިޔުއްވަން މިވަގުތު ބޭނުންވެގެން އުޅެނީ ފިރިހެން އަޑެއް ކަމަށެވެ.

“އެ އަޑެއްގެ އަޑު ޖެހުމާއެކު ހިތުގަ ޖަހާލާ ފަދަ ވަރުގަދަ އަދި އަސަރުގަދަ އަޑެއް އެބަ ހޯދަން ފިލްމު “ސޮރީ”ގެ ތީމް ލަވައެއް ކިޔާލަން.“

— މަޝްހޫރު ޕްރޮޑިއުސަރ/ޑައިރެކްޓަރ ފާތިމަތު ނަހުލާ

ނަހޫ ބުނީ މުޅިން އަލަށް ލަވަކިޔާ ފަންނާނެއް ނަމަވެސް އެންމެ ރަނގަޅު ކަމަށެވެ. ނަމަވެސް ނަހޫގެ ޝަރުތު ވަރަށް ސާފުވެފައި ސާދާ އެވެ. ނަހޫ އަތްފުނާއަޅަމުން އެ ގެންދަނީ ފިސާރި ވަރުގަދަ، އަސަރުގަދަ އަޑެއް ހޯދުމަށެވެ. އަދި އެ އަޑެއް ކަންފަތުގައި ޖެހުމުން ހިތުގައި ޖަހާލާ ފަދަ އަޑަކަށްވެސް އެ އަޑު ވާން ޖެހެއެވެ.

ފިލްމު “ސޮރީ”ގެ ފުރަތަމަ ޕޯސްޓަރާއި ޓައިޓްލް އާއްމުކުރަމުން، ނަހޫ ފަށާފައިވާ ޝިކާރައަށް އެ ހޯދާ ކަހަލަ އަޑެއް އޮތް ފިރިހެން ފަންނާނުންނަށް ހަމަ ގައިމުވެސް މިއީ ރަނުގެ ފުރުޞަތަކަށް ވާނެކަން ޔަގީނެވެ.

ފިލްމު “ސޮރީ”ގެ ފައިނަލް ކާސްޓް އަދި އެއްކޮށް ހަމަޖައްސާފައި ނުވިޔަސް، މި ފިލްމުގައި ނަހުލާގެ އެންމެ ހަގު ދަރިފުޅާއި ދޮށީ ދަރިފުޅު ނާޝްގެ ދަރިފުޅު ވަރަށް މުހިންމު ރޯލަކުން ފެނިގެންދާނެއެވެ. އާއްމުކޮށްފައިވާ ޕޯސްޓަރުން ފެންނަ ތުއްތުތުއްތު ދެ އަންހެން ކުދިންނަކީ އެކުދިންނެވެ.

މި ފިލްމުގެ ލީޑުން ފެންނާނީ ޔޫސުފް ޝަފީއު އަދި މަރިޔަމް އައްޒަގެ އިތުރުން އާ އެކްޓަރެއްކަން މިހައިތަނަށް އެނގިފައިވެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
• 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
• 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
• 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!