ޓިކްޓޮކްގައި ތަފާތު އިވެންޓްތައް ކުރިޔަށް ގެންދާ ހިޔަނިފުޅު ޕްރޮޑަކްޝަނުން ކުރިޔަށް ގެންދިޔަ ލައިވް ލަަވަ މުބާރާތް “ޓިކްޓޮކް ރީތި އަޑު” ސީޒަން 01 ގެ އެއްވަނަ ޔޫސުފް ޝާފީ ސަޢީދު ކާމިޔާބުކޮށްފި އެވެ. މި މުބާރާތުގެ ގްރޭންޑް ފިނާލޭ ބޭއްވީ މިމަހުގެ22 ވަނަ ދުވަހުގެ ރޭގައެވެ.

ގާތްގަނޑަކަށް 400 މީހުން ބަލަމުން ދިޔަ މިލައިވްގައި ޝާފީ އަދި ދެވަނައަށް ދިޔަ ޝިޒާނަށް ޖަޖުންގެ މާކްސް ވަނީ ފުލްކޮށް ލިބި އެއްވަރުވެފައެވެ. ޖަޖުންގެ 70 އިންސައްތަ އަދި ބެލުންތެރިންގެ 30 އިންސައްތަ ވޯޓުން ނަތީޖާ ނެރޭ މިމުބާރާތުގެ އެއްވަނަ ޝާފީ ގެންދިޔައީ ބެލުންތެރިންގެ އެންމެ ގިނަ ވޯޓް ލިބިގެންނެވެ. އެގޮތުން ޝާފީއަށް 117 ވޯޓް ލިބުނެވެ.

ވަރަށް ވާދަވެރިކޮށް ކުރިޔަށް ދިޔަ މި މުބާރާތުގައި ގާތްގަނޑަކަށް 40،000 ރުފިޔާގެ އަގުހުރި އިނާމުތައް ވަނީ ހުށަހަޅާފަ އެވެ. އެގޮތުން މި މުާރާތުގެ އެއްވަނައަށް ދިޔަ ފަރާތަށް ސެމީ އެކޯސްޓިކް ގިޓައަކާއި އޯޑިއޯ، އަދި ވީޑިއޯ ލަވައެއް ކޮމްޕޯސްކުރުމުގެ ފުރުސަތު އެސްޓިއަން ރިކޯޑްސްގެ ފަރާތުން ވަނީ ހުށަހަޅާފަ އެވެ. މީގެ އިތުރުން ރާއްޖޭގެ މަޝްހޫރު މިއުޒިކް ބޭންޑް ޑި-ޓިއުންސްގެ ފަރާތުން ރޯދަ މަހު ޓީވީ ޗެނެލްއެއްގައި އެ ބޭންޑްގެ ފުރުގާން (ފިޖީއާ) އެކު ޕާރފޯމްކުރުމުގެ ފުރުސަތު ދިނުމުގެ އިތުރުން، އެ ބޭންޑްގެ އާޓިސްޓުން ސޮއިކޮށްފައިވާ އަލްބަމެއް ދީފައިވެއެވެ.

ދެވަނަ އަށް ދިޔަ ޝިޒާނަށް، ފުލް އެކޯސްޓިކް ގިޓައަކާ އެކު އޯޑިއޯ ލަވައެއް ކޮމްޕޯސް ކުރުމުގެ ފުރުސަތު، ސިލްވަ ޓޯންސް ބޭންޑާ އެކު ރިސޯޓެއްގައި ގިގެއް ކުޅުމުގެ ފުރުސަތު އަދި ޑި-ޓިއުންސް ބޭންޑްގެ އާޓިސްޓުން ސޮއިކޮށްފައިވާ އަލްބަމެއް ދީފައިވެއެވެ.

ތިންވަނަ އަށް ދިިޔަ އަހޫ އަށް، ވީ8 ސައުންޑްކާޑަކާ، ޑި-ޓިއުންސް ބޭންޑްގެ އާޓިސްޓުން ސޮއިކޮށްފައިވާ އަލްބަމެއް އަދި ވޮއިސް ޓްރޭނިންގެ އިތުރުން އެސްޓިއަން ރިކޯޑްސްގެ ލަވައެއްގައި ފީޗަރކޮށްލުމުގެ ފުރުސަތު ދީފައިވެ އެވެ.

ހަތަރު ވަނައަށް ދިޔަ ޒެޕޯ އަދި ފަސްވަނައަށް ދިޔަ ނައުޓެ އަށް ލިބިފައި ވަނީ ޓިކްޓޮކް ސްޓޭންޑެއްގެ އިތުރުން 500 ރުފިޔާގެ ކޭޝް ޕްރައިޒެކެވެ.

ދެ މަސް ދުވަހަށް ކުރިޔަށް ގެންދިޔަ މި މުބާރާތުގައި 30އަށް ވުރެ ގިނަ ކުދިން ބައިވެރިވި ކަމަށް ހިޔަނިފުޅު ޕްރޮޑަކްޝަނުން މުނިއަވަސް އޮންލައިންއަށް މަޢުލޫމާތު ދެމުން ބުނެފައިވެ އެވެ. ކޮންމެ ހަފުތާއަކު އެއް ރޭ ކުރިޔަށް ގެންދިޔަ މި މުބާރާތުގެ ގްރޭންޑް ފިނާލޭ ނައިޓްގައި ޑި-ޓިއުންސް ބޭންޑް، އާޓިސްޓް އިސްމާއިލް ނަވާޒް ސައީދު، ލަވަކިޔުންތެރިޔާ ސާދިންގެ ރީތި ހުށަހެޅުންތައް ގެސްޓުންގެ ޕަފޯމަންސްގެ ގޮތުގައި ފެނިގެން ގޮސްފައިވެ އެވެ.

މިމުބާރާތުގައި ޖަޖު ޕެނަލްގައި 6 ޖަޖުން ހަރަކާތްތެރިވިއެވެ. އެގޮތުން ޖަޖު ޕެންލްގެ މައިޖަޖުގެ ގޮތުގައި ހަރަކާތްތެރިވެފައި ވަނީ މަޝްހޫރު ލަވަކިޔުންތެރިޔާ މުޙައްމަދު މައިސަން (ބޮކިޓޯސް) އެވެ. ބޮކިޓޯސް ބުނީ މިއީ އާޓީސްޓުންނަށް ކުރިޔަށް ދިއުމަށް އަލަށް ހުޅުވިގެން ދިޔަ ފުރިހަމަ ޕްލެޓްފޯމެއް ކަމަށެވެ. އަދި ސީޒަން ދޭކަށް އިންތިޒާރު ކުރާ ކަމަށް އޭނާ ވަނީ ބުނެފަ އެވެ. ބޮކިޓޯސްގެ އިތުރުން މުބާރާތުގެ ޖަޖުންގެ ގޮތުގައި ތިބީ ސިރާ ދި ފްލޭމްސް، އެސްޓިއަން ރެކޯޑްސްގެ ފަރާތުން މިއްޓު، ޝަރޭ، އަދި ލަކީގެ އިތުރުން ވެންޓަސް އެވެ.

ހިޔަނިފުޅު ޕްރޮޑަކްޝަނުން ވަނީ ޓިކްޓޮކްގައި އަގުހުރި އިނާމުތަކާ އެކު ދެ މަދަހަ މުބާރާތާއި އަދި ތަފާތު އެކި މުނިފޫހިފިލުވުމުގެ ޕްރޮގްރާމްތައް ނިމިގެން ދިޔަ ދެ އަހަރު ދުވަހުގެ ތެރޭގައި ކުރިއަށ ްގެންގޮސްފައިވެ އެވެ. އަދި މި ލައިވްގެ ހޮސްޓް ހިޔަނިފުޅު ޔޮންކޮ ވަނީ އަންނަ ރޯދަމަހު މަދަހަ މުބާރާތުގެ ސީޒަން 03 ކުރިޔަށް ގެންދާނެ ކަމަށް އިއުލާން ކޮށްފަ އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: