ނިމި ދިޔަ އޮކްޓޫބަރު މަހު 07 ވަނަ ދުވަހުގެ ރޭ އޮލިމްޕަހުގައި ރިލީޒްކުރި ޑާކް ރެއިން އެންޓަޓެއިންމެންޓްގެ ބިރުވެރި ކޮމެޑީ “ބިބީ” ގެ އެންމެ ފަހު ދެ ޝޯވ މިމަހު 19 އަދި 20 ވަނަ ދުވަހުުގެ ރޭ ދެއްކުމަށް ތާވަލުކޮށްފި އެވެ. ފިލްމުގެ ޓިކެޓް ހޯދުމަށް ގުޅައިލެވޭނެ ހޮޓްލައިންއަކީ 9911229 ނަންބަރެވެ.
ފިލްމްގެ ރިވިއުތަކަށް ބަލާއިރު، ގިނަ ބަޔަކު ބުނެފައިވަނީ މި ފިލްމަކީ ދިވެހި ސިނަމާއަކުން މިހާތަނަށް ފެނުނު އެންމެ ތަފާތު ފިލްމު ކަމަށެވެ. އެގޮތުން ފިލްމްގެ ވާހަކަ އަދި ޑައިރެކްޝަނުގެ ފުރިހަމަ ކަމުގެ ވާހަކަ މި ފިލްމު ބެލި ގިނަ ފަރާތްތަކަކުން ވަނީ ދައްކާފައެވެ.
ބިބީ ޕްރޮޑިއުސް ކޮށްފައިވަނީ އާއިޝަތު ފުއާދު އަދި މުހައްމަދު އަލީ (މޮގަ) އެވެ. މި ފިލްމް ލިޔެ ޑައިރެކްޓްކޮށްފައިވަނީ ޝަހުދާ މަހުމޫދެވެ. މިއީ އޭނާގެ ލިޔެ ޑައިރެކެޓްކުރި ފުރަތަމަ ފީޗާ ފިލްމެވެ.
ބެލުންތެރިން ހިތްހަމަޖެހޭފަދަ މަސައްކަތްތަކެއް ފެނިގެން ދިޔަ “ބިބީ”ގެ ކާސްޓަށް ބަލައިލާއިރު ފިލްމުގެ ލީޑުން ފެނިގެންދާނީ ޝަރަފް ޢަބްދުﷲ އަދި ޑާކް ރެއިންގެ އެންމެ ފޭވަރިޓް އެއް ބަޠަލާ މަރިޔަމް މަޖުދާ (މަޖޫ) އެވެ. މިއީ ޝަރަފު އަދި މަޖޫ އެކުގައި ސްކްރީނުން ފެނިގެންދާނެ ފުރަތަމަ ފިލްމެވެ. މީގެ އިތުރުން ޝީލާ ނަޖީބް، އަހުމަދު ސަޢީދު، ފުބޫ، އަމަން އަދި ވަރަށް ޚާއްސަ ފެނިލުމެއްގައި ކުރީގެ މަޝްހޫރު ތަރި އިސްލާއީމް ވަޖީހު ވެސް ފެނިގެންދާނެ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
