ކުރިއަރަމުން އަންނަ އުއްމީދީ ލަވަކިޔުންތެރިޔާ މުޙައްމަދު ރިއްފަތުގެ އާ ވީޑިއޯ ލަވަ ‘ޝާހީ ރީތި މޫނޭ’ އަންނަ މަހު ނެރެން ނިންމާފައިވާކަމަށް ރިއްފަތު ބުނެފި އެވެ.
އަޙްމަދު އިސްމާޢީލް ގެ މުއްސަނދި ޝާއިރީ ޚިޔާލުން އަމުނާލާފައިވާ ބަސްތައް މިފަހަރުވެސް ލަވައެއްގެ ސިފައިގައި ނެގެސްދެނީ ރިއްފަތެވެ. ރިއްފަތު އަމިއްލައަށް ޕްރޮޑިއުސްކުރާ މި ލަވައިގެ މިއުޒިކް ރެކޯޑިން ހަދާފައިވަނީ ‘ކޮއްކޮ’ އެވެ.
ރިއްފަތު ބުނީ ލަވައިގެ ވީޑިއޯ މަސައްކަތް ކޮށްފައިވަނީ ‘މަނިކް އާރޓްސް’ އިން ކަމަށެވެ. އެގޮތުން ލަވައިގެ ސިނަމޮޓޮގްރަފީ، އެޑިޓިން އަދި ޑައިރެކްޝަން ހަދާފައިވަނީ މަނިކް އާރޓްސް (މަނިކް) އެވެ. ލަވައިން ފެނިގެންދާނީ ރިއްފަތު އަދި ނާޖީ އެވެ.
މި ހަފުތާގައި މި ލަވައިގެ ޓްރެއިލަރ ނެރުމަށް ނިންމާފައިވާއިރު ރިއްފަތު ބުނީ މި ލަވައިގެ ކޮސްޓިއުމް އަކީ ބޭރުން އޯޑަރުކޮށްގެން ގެނެސްފައިވާ ކޮސްޓިއުމެއް ކަމަށެވެ.
“މި ލަވަ ވެގެންދާނެ ރާއްޖޭގެ މިހާތަނަށް އެންމެ އަގުބޮޑު ކޮސްޓިމެއް ބޭނުންކޮށްގެން ހަދާ އެއް ލަވައަށް.” ލަވައިގެ ކޮސްޓިއުމާއިމެދު ރިއްފަތު ބުންޏެވެ. ލަވައިގެ ޝޫޓިން ވީޑިއޯ އަދި ފޮޓޯ ތަކާއި ލަވައިގެ ޕޯސްޓަރުން ރިއްފަތު ލައިގެން ހުންނަ ޝޭރްވާނީ އަކީ ތަފާތު ކޮސްޓިއުމެއްކަން ފާހަގަކޮށްލެވެއެވެ.
ރިއްފަތަކީ ކުރީގެ ރީތި ހިންދީ ރާގުތަކަށް ހިތްގައިމު ލަވަތަކެއް ގެނެސްދެމުން އަންނަ ފަންނާނެކެވެ. އެގޮތުން ‘ޝާހީ ރީތި މޫނޭ’ އަކީ ހިތްގައިމު ލަވައެއް ކަމަށްވާ ‘ތުހީ ވޯހ ހަސީހޭ’ ގެ ރާގަށް ކިޔާފައިވާ ލަވައެކެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
