މިދުވަސްވަރަކީ ރާއްޖޭގެ ހުރިހައި ރަށެއްގައިވެސް އަނބު ތިޔާގި ދުވަސްވަރެކެވެ. އެހެންކަމުން މިފަހަރު މުނިއަވަސް ރަހަފަތުގައި މި ގެނެސްދެނީ އަނބު މޮހީޓޯ މޮކްޓެއިލް އެއް ތައްޔާރުކޮށްލާނެ ގޮތެވެ.
ބޭނުންވާނެ ތަކެތި:
– 2 ފާއަނބު ކޮށާފައި
– 16 އައިސް ކިއުބް ކުދިކޮށްފައި
– 1/2 ޖޯޑުގެ ކްލަބް ސޮޑާ ނުވަތަ ސްޕްރައިޓް
– 8 ކުދީނާފަތް
– 1 1/2 ސައިސަމުސާ ހަކުރު
– ގާނިޝް ކުރުމަށް ކުދީނާ ފަތާއި ލުނބޯ
ތައްޔާރުކުރާނެ ގޮތް:
1- މޮހީޓޯ ބުއިމަށް ބޭނުންކުރާ ތަށީގެ ތެރެއަށް ކުދީނާ ފަތާއި ލުނބޯ ފޮތިތައް އަދި ހަކުރު އަޅާށެވެ.
2- ވަނެއްގެ މޯލުން ނުވަތަ ވަޅިއެއްގެ މުށްގަނޑުގެ ކޮޅު ބޭނުންކޮށްގެން ތަށްޓަށް އެޅި ތަކެތި ޗަސްކޮށްލާށެވެ.
3- މިކްސަރެއްގައި ކުޑަ ފެންފޮދެއް އަޅައިގެން އަނބުކޮޅު ބްލެންޑްކޮށްލުމަށްފަހު ތަށްޓަށް އަޅައި ރަނގަޅަށް ގިރާލާށެވެ.
4- ކުދިކޮށްފައި ހުރި ގަނޑުފެން އަޅާށެވެ. އޭގެ މައްޗަށް ސްޕްރައިޓް އަޅާށެވެ.
5- ރަނގަޅަށް ގިރާލާށެވެ. ކުދީނާ ފަތަކާއި ލުނބޯ ފޮތި ބޭނުންކޮށްގެން ގާނިޝް ކޮށްލާށެވެ. މިހާރު އެހުރީ އަނބު މޮހީޓޯ ތައްޔާރުކުރެވިފައެވެ.
6- ތަފާތުކޮށްލުމަށް ކުޑަ ރެޑްބުލް ފޮދެއް އަޅައިގެން ބޮޑެތިބޭފުޅުން ނަށް ހިއްޕެވިދާނެ އެވެ.
ލިޔުންތެރިޔާގެ ފުރަމަލަ
- މުނިއަވަސް ގެ ފައުންޑަރ އަދި އެޑިޓަރ
މި ލިޔުންތެރިޔާގެ ބައެއް އެހެން ލިޔުންތައް
- 22 ސެޕްޓެމްބަރ 2023ޚަބަރުދުވާލެއްގެ މައްޗަށް 08 ލީޓަރުގެ މިނިކިރު އުފެދޭ މީހެއްގެ ވީޑިއޯ!!
- 17 ސެޕްޓެމްބަރ 2023އިޖްތިމާޢީލޯންޑްރީ ޓްރިކްސް : ހުދު ފޭރާން އިތުރަށް ހުދުކޮށް ބެހެއްޓުމަށް ތިން އުކުޅެއް!
- 29 އޭޕްރިލް 2021ރެސިޕީއަނބު މޮހީޓޯ – މުނިއަވަސް ރަހަފަތް
- 18 ނޮވެމްބަރ 2019ޚަބަރުސޮނާލިކާ އަކީ ކޮމޯލިކާ ކަން ޕްރޭނާއަށް ފަޅާއަރަނީ