އެންމެ ޒަމާނީ ފެންވަރަށް ދެ ކޮޓަރީގެ ގެއެއް، ހަމަ އެންމެ 10 މިނެޓް ތެރޭގައި އިމާރާތްކޮށްލަން ބޭނުން ހެއްޔެވެ؟ ނޫނީ މިއީ ވެދާނެ ކަމެއް ހެއްޔެވެ؟ އާނއެކެވެ. އެންމެ 10 މިނެޓް ތެރޭގައި ދެ ކޮޓަރީގެ ގެއެއް އަޅަން ބޭނުންނުވާނީ ފަހެ ކާކުހެއްޔެވެ؟

 

ޗައިނާ ގެ ކުންފުންޏަކުން މިވަނީ މިފަދަ ގެއެއް އީޖާދުކޮށްފައެވެ. ބާޒާރުން ގަންނަން ޖެހެނީ ކޮންޓެއިނަރެކެވެ. ނުހަނު ރީތިކޮށް ތައްޔާރުކޮށްފައިވާ ކޮންޓެއިނަރު ގެނެސް ގޯތި ތެރޭގައި ގެއެއް އިމާރާތްކުރަން ބޭނުންވާ ހުސްބިމުގައި ބެހެއްޓުމަށްފަހު ކޮންޓެއިނަރުގެ ބިތްތައް ނިއުޅުވައިގެން ހަމަ އެންމެ 10 މިނެޓް ތެރޭގައި އެންމެ ޒަމާނީ ފެންވަރަށް ދެ ކޮޓަރީގެ ގެއެއް ނުވަތަ އެޕާޓްމެންޓެއް ތައްޔާރުކޮށްލެވިދާނެ އެވެ.

މި ގޭގައި ހުންނަނީ އެލުމިނިއަމް ކުޑަދޮރާއި ބޮޑުދޮރެވެ. ދޮރުފަތް ހުންނަނީ ކަހާލާ ގޮތަށެވެ. ތަޅުމުގައި ހުންނަނީ ޕީވީސީ ޖަހާފައެވެ. ގެ ރާވައިލުމަށް ބޭނުންވަނީ 37 ސްކޮޔަރ މީޓަރުގެ ޖާގައެވެ. ރޭވުމުގެ މަސައްކަތަށް 5 ވަރަކަށް މީހުން މަދެއް ނޫނެނެވެ. ގެ އިމާރާތްކޮށްފައި ވަނީ ސްޓީލް އޮނިގަނޑެއް ބޭނުންކޮށްގެނެވެ. 15 އަހަރާއި 20 އަހަރުގެ މުއްދަތުގެ ގެރެންޓީއެއް ދީފައިވެއެވެ. އެކިއެކި ޑިޒައިންތަކާއި ބޭނުންތަކަށް އެކަށީގެންވާ އެޕާޓްމެންޓް ތައް މި ކޮންޓެއިނަރު ގޭގައި ހިމެނެއެވެ.

މިއީ ޗައިނާގެ ނަން މަޝްހޫރު ކުންފުންޏެއް ކަމަށްވާ ‘ގޮންޖޮހައޯ މަނީބޮކްސް ސްޓީލް ސްޓަރަކްޗަރ އިންޖިނިއަރިން ކޮމްޕެނީ ލިމިޓެޑް‘ ގެ އުފެއްދުމެކެވެ.

 

މިއީ އަހަރެމެން ބޭރުން ގެންނަ ފަރުނީޗަރު ރާވާލާގޮތަށް ރާވާލައިގެން ތައްޔާރުކޮށްލެވޭ ގެއެކެވެ. މިގޮތަށް ރާވައިލެވޭ ކޮންޓެއިނަރު ގެއެއްގެ އަގު އުޅެނީ  7500 -12500 އެމެރިކާ ޑޮލަރުގެ ދެމެދު އަގެއްގައެވެ. އަގުގެ ގޮތުން ބަލާއިރު އެއް ލައްކަ އާއި ދެ ލައްކަ ދިވެހި ރުފިޔާ އާއި ދެމެދުގެ އަގެއް ހުންނަ މިފަދަ ގެއެއް ގަންނަން ބަލާއިރު މިއަށްވުރެން އަގުހެޔޮކޮށް 2 ކޮޓަރީގެ ގެއެއް ރާއްޖޭގައި އިމާރާތްކޮށްލެވިދާނެ ކަމަށް ބެލެވެއެވެ.

ލިޔުންތެރިޔާގެ ފުރަމަލަ

ޢަލީ އަޖްވާން
އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

ގުޅުންހުރި ލިޔުން: