ދޮންވެ ފައްކާވެފައިވާ ކެޔޮވަކެއްގައި ހުންނަ ލައްތައް ރަމްޒުކޮށްދެނީ އޭގައި ‘ޓިއުމަރ ނެކްރޮސިސް ފެކްޓަރ’ ގެ ނަމުން ނަންދެވިފައިވާ މުސްތަވާ (ސަބްސްޓޭންސް) ވަރަށް މަތީ މިންވަރަކަށް އެކުލެވިފައިވާކަމެވެ. ‘ޓިއުމަރ ނެކްރޮސިސް ފެކްޓަރ’ އަކީ ކެންސަރުބަލީގައި އުފެދޭ ވަރަމްތައް (ޓިއުމަރުތައް) މަރައިދޭ އެއްޗެކެވެ.

ލޭގައި ހުންނަ ސެލްތަކުގެ ތެރެއިން ހުދު ސެލް (ވައިޓް ބްލަޑް ސެލް) ތަކުގައި ކެންސަރާއި ދެކޮޅަށް ހަނގުރާމަ ކުރުމަށް ލައްވަވާފައިވާ ޚާއްޞަ ސިފަތައް ތަޢުޒީޒް (ބޫސްޓް) ކޮށްދިނުމުގެ މަސައްކަތް ދޮންވެ ފައްކާވެފައިވާ ލައްޖެހި ދޮންކޭލުން ކޮށްދޭ މިންވަރު، ރޯ ކޭލާއި އަޅައި ބަލާއިރު އަށްގުނަ އިތުރުކަން ފާހަގަކޮށްލުމަކީވެސް ރަނގަޅު ކަމެކެވެ. އެހެންކަމުން، ކެއުމަށް އެންމެ ރަނގަޅީ ވީހައިވެސް ބޮޑަށް ދޮންވެފައި ހުންނަ ކެޔޮކަން މާބޮޑަށްވެސް ސާފެވެ.