ފާޠިމަތު ނަހުލާގެ ކުރިއަށް އޮތް ފިލްމު “ސޮރީ”ގެ ޝޫޓިން މި ހިނގާ ޑިސެމްބަރު މަހު 19 ވަނަ ދުވަހު ފަށާނެ ކަމަށް ނަހޫ ބުނެފިއެވެ.

ފިލްމު “ސޮރީ”ގެ ލީޑްގައި ހަރަކާތްތެރިވާނީ ރާއްޖޭގެ އެންމެ މަޝްހޫރު އެއް ބަޠަލާ މަރްޔަމް އައްޒަ އަދި މަޝްހޫރު އެކްޓަރ/ޑައިރެކްޓަރ ޔޫސުފު ޝަފީޢު (ޔޫއްޕެ) އެވެ. މީގެ އިތުރުން މި ފިލްމުގެ ވަރަށް ބޮޑު ރޯލަކުން ނަހުލާގެ ހަގު އަންހެން ދަރިފުޅުގެ އިތުރުން ނާޝްގެ ދަރިފުޅުވެސް ފެނިގެންދާނެ އެވެ. މީގެ އިތުރުން ފިލްމުގެ ލީޑުން އިތުރު ބައެއް ތަރިންތައްވެސް ފެނިގެންދާނެ އެވެ.

މި ފިލްމުގެ ތީމް ލަވަ ކިޔުއްވަން ފިރިހެން އަދި އަންހެން އަޑެއް ހޯދުމަށް ނަހޫ ވަނީ އޮޑިޝަނެއްވެސް އިޢުލާނުކޮށްފައެވެ. ތީމް ލަވައިގެ އޮޑިޝަނަށް ކިޔަން ޖެހެނީ މުޙައްމަދު ޢަބްދުލް ޣަނީ މި ފިލްމަށް ކިޔައިދީފައިވާ ލަވައެކެވެ. މުނިއަވަސް ޓިކްޓޮކް މެދުވެރިކޮށް މިމަހު 08 ވަނަދުވަހު އާއްމުކޮށްފައިވާ ވީޑިއޯއިން ލަވައިގެ ލަވަ އަޑުއަހައިލެވޭނެއެވެ. ލަވަ ކިޔުމަށް ބޭނުންވާ ކަރޯކޭ ޓްރެކް “ސޮރީ- ދަ މޫވީ” ފޭސްބްކް ޕޭޖުން ލިބެން ހުންނާނެއެވެ. މި ލަވައިގެ ކަރޯކޭ ޓްރެކް ހަދާފައިވަނީ ދިވެހި ކަރޯކޭއަށް މަޝްހޫރު ކަރޯކޭ ޗެނަލް މައިސަން ކަރޯކޭ އިންނެވެ.

މި އޮޑިޝަންގައި ވީޑިއޯ ބައިވެރިކުރާއިރު ވިސްނަންވީ މުހިންމު ދެ ކަމެއް ފާހަގަކޮށްލާނަމެވެ.

1- ޓިކްޓޮކަށް ވީޑިއޯ އަޕްލޯޑްކުރާނީ ނަހޫގެ ޓިކްޓޮކް އެކައުންޓްގެ (@fathimathnahula2) ނަން ޖެހުމަށްފަހު #sorrythemovie އަދި #vivalapizza ހޭޝްޓެގާއި އެކުގައެވެ.

2- ފޭސްބްކް މެދުވެރިކޮށް ވީޑިއޯ އަޕްލޯޑްކުރާނީ “ސޮރީ- ދަ މޫވީ” ފޭސްބްކް އެކައުންޓްގެ (@sorrythemovie) ނަން ޖެހުމަށްފަހު #sorrythemovie އަދި #vivalapizza ހޭޝްޓެގާއި އެކުގައެވެ.

މުނިއަވަސް ޓިކްޓޮކްގައި އާއްމުކޮށްފައިވާ ވީޑިއޯއިންވެސް މި ތަފުސީލުތައް ލިބެން ހުންނާނެ އެވެ.

އޮޑިޝަނަށް ލަވަ ހުށައެޅުމުގެ ސުންގަޑިއަކީ 2024 ޑިސެމްބަރ 18 ވަނަ ދުވަހުގެ ރޭ 23:59 ކަން ހަނދާންކޮށްދެމެވެ.

@muniavas The Wait Is Over ކިޔަންވީ ލަވައިގެ ކަރޯކޭ ޓްރެކް “ސޮރީ – ދަ މޫވީ” ފޭސްބްކް ޕޭޖުން ލިބޭނެ! Calling all interested Participants! Sing this Song from Sorry- the movie for the audition of theme song and share your content on TikTok. WINNER WILL RECEIVE A PRIZE MONEY OF 7,000MVR SPONSORED BY VIVALAPIZZA How to Participate: 1 – Use the track included in this post. 2 – Upload your video on TikTok or FB. 3 – Tag @Fathimath Nahula (tiktok) or sorrythemovie ( FB) and use #sorrythemovie #Vivalapizza ♬ original sound – MUNIAVAS

މީގެ ފަސް އަހަރު ކުރިން މި ފިލްމާމެދު ނަހޫ ބުނެފައިވަނީ ކީކޭތޯވެސް ބަލައިލާނަމެވެ.

“އަހަރެން ބުނާނީ މި ފިލްމަކީ ވެސް ކުރިން އަހަރެން ގެނެސް ދީފައިވާ ކަހަލަ ލޯބީގެ ހަމަ ވަރަށް އަސަރު ގަދަ އަދި ރޮވޭ ކަހަލަ ހާދިސާތަކެއް ވެސް ހިމެނޭނެ ވަރަށް ރީތި ލަވަތަކެއް ވެސް ހުންނާނެ ފިލްމަކަށް ވާނޭ،

ޔަގީނުން ވެސް ކުރީގެ މާޒީ މަތިން ހަނދާން އާވާ ކަހަލަ ފިލްމަކަށް ސޮރީ ވާނެ. މިއީ އިބުރަތްތެރި އާއިލީ ފިލްމެކޭ އަހަރެން ބުނާ ހިތް ވަނީ.”

* ވާހަކަ ލިޔުންތެރިޔާ އަދި ފިލްމު ޕްރޮޑިއުސަރ/ޑައިރެކްޓަރ ފާތުމަތު ނަހުލާ (ނަހޫ)

“ސޮރީ” އަކީ ނަހޫގެ އަމިއްލަ ވާހަކައަކަށް ބިނާކޮށް ހަދާ ފިލްމެކެވެ. “ސޮރީ” ޑައިރެކްޓްކުރަނީ ކާކުކަމެއް އަދި ހާމަކޮށްފައެއް ނުވެއެވެ.

ނަހުލާގެ އަމިއްލަ ފިލްމު ކުންފުނި ކްރިސްޓަލް އެންޓަޓެއިންމެންޓުން ހަދާ “ސޮރީ” ގައި އަމިއްލަ ރާގުގެ ޖުމްލަ ހަތް ލަވަ ހިމެނޭނެ ކަމަށްވެސް އޭރު ނަހޫ ބުންޏެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: